قصيده بالطير والبر اتمنى تنال اعجابكم

[أبو مسعود]

ياطير عقبي كن خاطرك شاين = خاطرك شين وغيبتي عنك يومين ؟
النقص فيك مبينٍ له بواين = في لمعة الريشه وفي ناظر العين
ياطير انا وياك كنّا خداين = وبيني وبينك ولف ومعاملٍ زين
يوم نتخاوى مع وجيه الضعاين = ونهمل سبوقك في مناكب ( خسيرين )
ولاّ ( شمال الهضبتين القراين ) = شرقّ ( طلال) .. ومن ( سواحيق) ويمين
ولإ عطينا سكّة ( التابلاين ) = ولاقد عطيناها عليهن حراذين
نصبح على طارات شهب المكاين = بين ( العراقيين ) و ( الأردنيين )
في خايعٍ به كنّ عيني تعاين = ربد الحباري به على أربع وثنتين
ونأخذ لنا أيامٍ بذيك الدفاين = مابين برقع والغدف والبسيتين
ونكسر على ماينحدر من ضواين = وناخذ هناك أسبوع والاّ سبوعين
وننكف نشاط وسالمين الصخاين = ولوّ كان نتعب عدنّا مستريحين
قدّام يطلع للصقاره زباين = ناسٍ تحوش القوبعه بأم روحين
ليّا روحوّ بمشحنّات الخزاين = مافي نحاهم ذوّقوه الأمرين
واليوم مابيني وبينك مداين = أنا سعودي وأنت جايٍ من الصين
وأمّا لقينا للحباري عواين = والاّ توادعنا وداع المحبين
الوقت ماتاليه معنا بزاين = والبرّ في حادور من حين في حين
أدناه مليانٍ كراتين ( فاين ) = وأقصاه ضاق وضيّقوه به هل الضين
وضاقت مناهج طيبين الضغاين = اللّ على المقناص يالطير ضارين
واليوم كّن اللي يحاكيك ماين = هذي سبوقك وأنتهض بالجناحين
وهاجر مهاجر مبحرات السفاين = للصين والاّ أهبط على ضلع غزوين
لوّ كان عندي من فراقك بهاين = حنّا عزاز ولانهين العزيزين
خلّك تروح ولاتشوف الغباين = شاملك عفوٍ مثل عفو المساجين

[حبيب]

وأمّا لقينا للحباري عواين = والاّ توادعنا وداع المحبين

صح السانك ياوب مسعوووووووود

وصح الله السان الشاعر المعروووف ابن عون

اختيار موفق

[أبو مسعود]

ارحب يا بو سعيد


اسعدني مرورك

[بدر العرجاني]

واليوم مابيني وبينك مداين = أنا سعودي وأنت جايٍ من الصين


تسلم يا بو مسعوووووووووود

[أبو مسعود]

ومن قال لبى خشتك

[العوووود]

بومسعود

صـــح اللســـانك ولســـان ابن عون ولاهنت على النقل الطيب

تحيااااااااااتي

[الـعــتــيــبــــي]

بو مسعود لاهنت وتسلم على هالنقله

وعبدالله بن نايف بن عون العتيبي


احد رموز الشعر النبطي ومن الاسماء البارقه واللماعه في الساحة الشعرية


وصح لسان ابو نايف وتسلم يدك يالذيب على نقلها

[شيخة الغيد]

بو مسعوووووووود صح لسااانك وانا اختك

وأكيد القصيدة نالت اعجابنا وزووووووود

وتسلم يمينك عالقصيده

[أبو مسعود]

اررررررحب يا العود ولا هنت على العمرور

مرحبا مليووووووووون يا العتيبي لاهنت على المرور


يا مرحبا يا شيخه الغيد اسعدني تواجدك

اخلص التحايا

[فهد بن محسن]

الاخ \ ابو مسعود

لاهنت يالطيب على النقل الرائع

وصح الله لسان ابن عون

تحياتي لك