في صحصح من الارض الشاعر/ براك بن ماجد العاكور؟؟؟

[عاشق الصحراء]

هذي قصيدة قلتها في الشيخ منصور بن ناصر بن جمعة العجمي رحمة الله احد شيوخ العجمان وكانت مناسبة القصيدة وجود طلب لي غير مادي يتعلق بصاحب السمو الملكي الامير سلمان بن عبدالعزيز ال سعود نظرا للمكانه الشيخ منصور المرموقة لديه ....وقد تم انجاز طلبي ولحقت هذه القصيدة بقصيد ثناء اخرى سوف اوردها لاحقا ان شاء الله...

في صحصح من الارض شبيت لي نار=نارن حطبها عـرن سمـرن مقـاري
يجذب سناهـا كـل طرقـي وعبـار=رجلـن يبـوج قفورهـا والبـراري
واركيت لي صفرن بها بـن وبهـار=تجلى عمس راسن ملتـه الطـواري
راسن تصافق داخله شتـى الافكـار=الها علـى محيـاه رسـم ومـواري
ماهوب راس مترفن حـط لـه بـار=الطيب ينسب لـه نفـاق وعـواري
نومه نهار وصحـوه الليـل فافكـار=ولا مست حبالـه طلـع خنفشـاري
بناخ الرخوم اللي يغمـون الانظـار=من ضمها امهـا باببنهـا لا يمـاري
يكمي مثل ما يكمـي بجحـره الفـار=واليا ظهر ما جـاب عـزن وخـاري
ما عاد لاهل الطيب في ذا الزمن كار=راحـت طواريهـم حـلام وهـذاري
طبع الزمان يخـون الاجـواد غـدار=ذل الحـرار وعـز بـرق الحبـاري
والوقت لـه غيـب وتقـلاب وادوار=وابن ادمـن فالغيـب ماهـوب داري
تشطح به الاحـلام فالعمـر مشـوار=واليا انتبه للعمـر عنـه امتـواري
مثل السراب اللي برق فالفضا الحـار=كل مـا قربتـه يضمحـل متـداري
شان السراب يغر عمسيـن الانظـار=اليـا بـرق فالـلال مثـل الخبـاري
مشيت عكس الريـح والريـح تيـار=من ينطحه فالميد ما هـوب جـاري
قدمي متاريس ومن خلافـي اسـوار=ولا عن يميني ولا شمالـي كبـاري
وعانيت من ضيـم الليالـي وصبـار=صبرن فرض عمره ما هوب اختياري
منصور ياريف اليتامى حمـا الجـار=نسل الكرام ليـوث نجـد الظـواري
نسل الرجال اللي لهم فعـل واذكـار=يشهد لهم نجـد وفيـاف الصحـاري
لا جـا نهـارن فيـه كـرن وكـرار=داسوا على رسون ملتـه الحمـاري
سقم العقيد اليا غزا بجيـش جـرار=اليـا انطحـوه بكـل قبـن وحـاري
لا همهمت خيل الوغـى وثورغبـار=القـاع جـدودك يطلقـون المـاري
وان طلبـن الخيـل بالقـوم الادبـار=همـه ثنوهـا ثنيـت الانتـحـاري
ينصون في صفوف العدا كل مغـوار=ويجندلون اللي علـى الكـر ضـاري
كم قرم قومن عن ظهر سابقه طـار=وراحت تباري الخيل بالسرج عـاري
في معمعتهم يشبـع الطيـر وجعيـر=وذيبن عوى من الجوع فالليل ساري
عجمان ما يهابون غبـات الاخطـار=في حروبهم يرذون ظهور المهـاري
رجال الحرب اللي على الخيل جبـار=لا من رحى الحرب احترك واستداري
طوال الرماح عمارهم دايـم قصـار=بين السيوف وبيـن حـد الشبـاري
اهل الضعون اللي يسجـون الاقطـار=ترتعبهم فالخـوف سـودن غـواري
ريفن حماه الخوف واروته الامطـار=قطعانهـم ترعـى حـلاو النـواري
في مدحهم ما نيب خجلـن ومحتـار=اهل النعـاره يـوم وقـت النعـاري
منصور يا شيخن على شيوخن كبـار=شيخن تشيـر ولا تبـا مستشـاري
من همه امرن فاطيب الناس يختـار=وانت خياري وانتـه خيـار غـاري
ياسيد العجمان لـي سابـق اخبـار=عندك ولي عنـدك وعـد وانتظـاري
وعد الحرار اليا اوعدوا بالوعد صار=ما يخلفون اليا اوعـدوك الحـراري
باعك طويل وشبـرك يغـط الاشبـار=وجاهك يجيب لشاني امـرن وزاري
وختامهـا صلوعلـى سيـد الابـرار=المصطفى عـد النجـوم السـواري

[/poem]

الشاعر/ براك بن ماجد العاكور

[حبيب]

صح السانك ياعاشق الصحراء

وابن جمعه يستاهل

واسمح لي على نقل القصيده لموقعها الصحيح

[سعود الخويطري]

لاهنت ياعاشق الصحراء



وصح الله لسانك ولسان براك العاكور



ونعم فـ ابن جمعه ويستاهل الطيبة



تقبل سلامي واشواقي

الخويطري

[عاشق الصحراء]

الأخوان مشكورين على المرور
لكم جزيل الشكر

تحياتي لكم

[راكان اليامي]

صح السانك ياعاشق الصحراء

وابن جمعه يستاهل

[بنيان اليامي]

صح لسانك مليون يالشاعر


ابن جمعه يستاهل وسبعين مليون نعم