((للــشــعــر رأي آخــر..))

[خلاوي الشمالي]

الله يعين العقل ويثبت الدين
فى حزن لا منسى ولا هو بعابر

بصدورنا كنه طعون السكاكين
ولعيوننا مثل الكفن والمقابر

حنا حزنا للشيوخ البعيدين
وشلون ما نحزن على الشيخ جابر؟

يااكبر غلا تدمع علشانه العين
يا اعز من ناحت عليه المنابر

يا متعب بعطفك شموخ السلاطين
ويا مثبت بسهدك سمو المخابر

يامن خلقه الله وطن للمساكين
يا اصدق قصيدن سيلته المحابر

رحت وتركت محبتك عندنا دين
علمتنا معنى فراق الاكابر

ياسيدى نلقى مثل طيبتك وين؟
وانت الذى تكبر وغيرك يكابر

ان غاب جابرنا ..يجى جابر منين؟
وحنا ملاهيفك مثل ماانت خابر

حنا يبكينا فراق البعيدين
وشلون ما نبكى على موت جابر؟؟

[خلاوي الشمالي]

للمبدع عايض

مدخل

أنت يا اللي من أفعالك يشيـب الرضيـع
جيت قلبي كبيـر ورحـت منـه كبيـر

في خفوقي دمار وجسم شخص(ن) صريع
هاذي أخر نهايـه يـا(دروب المصيـر)

في عيون (العاشقين البائسين)
اصعب امن البعد لحظات الوداع

وفي عيون اللي قضى عمره سجين
السنين اللي يمرنه ضياع

ما سئلت القلب عن حزن(ن) دفين
وما جهلت الدرب وفجوجي وساع

البكى لو يرجع الغايب سنين
بنثر امن (الدمع) قدر المستطاع

المشاعر تختلط (شوق وحنين)
يا حبيبي لا تجافيني وراع

يا خدين الروح وينك يا خدين؟
مركبي وسط البحر ماله شراع

كيف تنسا يوم كنا عاشقين؟
لا خيانه / لا فراق / ولا خداع

والله أن القلب لك حصن(ن) حصين
ولك خفوقي بالخفا لبى وطاع

ماقويت البعد والخافي يبين
لو يضيع (الحلم) كل (العمر) ضاع

يا معين العاشقين الصابرين
لا تطول ظلمتي وين الشعاع؟

مخرج

اضحك مع العالم وانا داخلي جرح
جرح(ن) مع الأيام ماله مداوي

اعجز عن التعبير واعجز عن الشرح
هاذا ترا حال( المحب الشقاوي)

[خلاوي الشمالي]

مالي سوا الصمت .. لا من صرت ناوي تروح ..!
لأنيْ إن بغيت أمنعـك ، مـا أستطيـع أمنعـك ..!

[ فالبيت الأول ترى .. ماغير ضحك ، ومزوح ..!
لكن.. إليا بغيت الجـدّ / خذنـي معـك ..! ]

[خلاوي الشمالي]

الشوق قاتل .. ويش أسوّي بـ الأشواق .؟؟
وإلا أنا .. ماني .. ( مدوّر / طلايب ) .!!

.،.

وكانك تعبت بـ سبـّتي / وخاطرك ضاق .؟؟
أنا .. تعبت .. ( أتذكـّرك ) .. وأنت غايب .!!

[خلاوي الشمالي]

صرنــا نتكلـم مـع بـعـض بالدقــايـق ..
ولا قبـل ..؟ ناخـذ مــن اللـيــل كــله ..

الله كريم:(

[خلاوي الشمالي]

تعال تلقاني علـى شاطـي الجـرح
أبسط لك احساسي رصيف وموانـي
باني لك من الشوق ومن الوله صرح
صرح الغـلا ماينهـدم فـي ثوانـي
غـلاك مايحتاج لـه حصـة وشـرح
شفته بعينـي قبـل ينطـق لسانـي

[خلاوي الشمالي]

ياالله يا رحمن يا أرحم رحيم
ياخالق إمن القاع طين يدوس قاع
يارافعٍ من أبخرة ما البحر غيم
يكب ماه فما تشاء إمن البقاع
يارب نفسي نار وهجوسي هشيم
وذنوبي إمن أخطائي الواجد شباع
إغفر ذنوبي يارحيم وياعظيم
وياحليم وياحكيم ويامطاع
أنا بلا عفوك أخاف إمن النسيم
وبعفوك أمسي وأصبح بقلبٍ شجاع
إلى ذكرت إن عفوك يديم النعيم
وبالآخره يدخلني جنانٍ وساع
ياليت فكري مايضيق ومايهيم
إلى بنيت أمل ودورته... وضآع
عز الله إن حظي من الفرحه عقيم
وآمالي أبلغ من تبسام الوداع
ياصاحبي منتب ردي لكن غشيم
في معرفة سبع دبلت كبده ضباع
مافيهم اللي تحزنه دمعة يتيم
وحزن شايب لا عيال ولا متاع
صدوقهم كذّاب وأنبلهم لئيم
وأجمدهم إلى شافني مبسوط ماع
شحاذة الإعجاب , مغوين النديم
مجموعةٍ متوالفه من الرعاع
ياصاحبي ماأنت بعلى نفسي عليم
ريّح ملايكتك , وكذِّب مايشاع
وإعرف تراني سين ماله أي جيم
حتى أنا أجهل أنا إلى النخاع
ومع إني أجهلني وحظي لي خصيم
وبيني وبين إهتماماتي صراع
تفكيري أنقا من هوا روضة خريم
لا قد قياس الما بتربتها ذراع
لكنّ صدري ضاق من واقع أليم
أغلب رياجيله تحفاّهم خداع
ياصاحبي ماجيتك أشكي حر ضيم
جيتك رجل ماهو يبيع وما يباع
جيتك حشيم وببتعد وأنا حشيم
لأني مااحب أهجم ولا أحب الدفاع
لكن قبل ما يسدل الليل العتيم
ستايره بيني وبينك بإقتناع
نصيحتي لك أكرم بشكل قويم
لو التطبع ما يغير بالطباع
ترا البخيل اللي يحسب إنه كريم
مثل الجبان اللي يحسب إنه شجاع

[خلاوي الشمالي]

عشان عيونك
...... وعين القصيد
......... وسكة الأحلام
كتبتك لين خليت القصيد يهز فنجاله...~ْ}

[خلاوي الشمالي]

لو جيتني اليوم .. تنشدني عن الحال

الحال معروف .. همٍ .. يلحقه .. هَّم


انسان ضايق الصدر .. مشغول بال
انسان ضايع , مشتت , تايه , محطَّم


مكسور خاطر .. وضاقت كل الاحوال
انسان يشيل الهم .. كمٍ .. ورى .. كََّم


يضحك يجامل .. والهم فيه .. مازال
غايب عن الدنيا .. وحاضر مع الغَّم

[خلاوي الشمالي]

بكيتني وانا احسب انك تكره بكاي
اثرك تلذذ في دموعي وانا ابكي