شيخة الغلا في وجهاً لـ وجه

[شيخة الغلا]

المشاركة الأصلية كتبت بواسطة خالد وبس

مساء الخير

مساء الخيرات خالد مرحبابك

للأمانه الأدبيه .. شيخة الغلا / اعتبرها من اهم مصادر الجذب لـ هذا المنتدى من زوار واعضاء
لما تتمتع به من اخلاق عاليه واسلوب عفوي جميل .. غير متكلّف ، كما انها تمتاز
باتزان الشخصيه .. بـ معنى اجدها جاده فالمواضيع الجاده وهادفه فالمواضيع الهادفه وحزينه
فالمواضيع ذات الطابع الحزين .. ولا يفارق المرح شخصيتها المرحه باختلاف المواضيع كما
يعجبني اختيارها فالشعر .. وتوظيف ما يدور حولها بابيات شعريه في غاية الروعه
وتتمتع باحاسيس ومشاعر مرهفه وعذوبه مفرطه !

تسلم ياخالد من ذوقك وربي


كما اجدها فرصه مناسبه من خلال هذا الموضوع ان اعترف بان وجودها اثناء تواجدي فالمنتدى
يعني لي الشي الكثير الكثير الكثير .. ولا اخفي ان لها مزاج متقلّب بعض الشي ينتابه بعض العصبيه
وبالتأكيد اجد لها العذر .. وكل انسان يتقلّب مزاجه حسب الظروف المحيطه به
سواءً داخل النت او خارجه


شكرا خالد ع المقدمه الجميله ،، والعبارات الرائعه ،، والله أحرجتني بكلااامك الطيب ،،
بس أنا ما أعصب !! ،، أزعل بس

العذر إذا بدأ مني شي ضايكم ،،


شيخة الغلا


ارحّب بكِ اجمل ترحيب .. والله يمسيك بالورد واليشموم والجوري .. واليكِ الأسئله :-

الله يسلمك ،، ومسائك كادي



- كيف كانت طريقة انتسابك للمجالس .. هل عن طريق معرفه .. ام كانت بمحض الصدفه
حديثنا بالتفصيل ؟

عن طريق معرفه ،، أنا بصراحه كنت متابعه للمنتدى ،، وللأسف إلتحقت به متأخر

- ماهي اقسام المنتدى التي تهتمين بها وتجدين نفسك بين مواضيعها ؟

العام ،، والأدبيه ،، والتقنيه

- لو عرض عليكِ منصب اداري في المنتدى .. هل ستقبلين ؟ وبالمناسبه هل سبق وان عرض
عليكِ منصب اشراف او مراقبه ؟

أكييييييد أقبل ،، أصلااا عجزت وأنا أقول لـ بو حمد ،، تكفى شيل راكان المحفوظي وحطني مكانه ،،
وهو يقولي يابنت أركدي مكانك زين << أمزح

يشرفني أن أكون إداريه بس مو معناه القبول ،، لأن كل شي بوقته حلو ،،

- شعرياً .. انا لا اتهمك ولا انفي عنك الاتهام بان لكِ محاولات شعريه ! سؤالي ، بما انكِ
باسم مستعار والاسم المستعار ميزته ( الحريه في كل شي ) لما لا نقرأ لكِ قصائد
او محاولات ؟؟ الاجابه هنا في حال ثبتت عليك تهمة ( شاعره )

لــــست بـشــــاعره ،،

المتهم بريئ حتى تثبت إدانته


- ما رأيك فالمنتديات القبليه ؟ هل تخدم الشاعر المنتسب اليها .. ام تحد من انتشاره
ويكون انتشاره محدود !

بالعكس .. خدماتها للشعار جميله وواضحه ولا يخفى على الجميع

- ماهي نظرتك في الاعضاء الذين لا ينتمون لقبيلة المنتدى ، هل ستقولين اهلا وسهلا بكم
ام ستقولين اهلا وسهلا بكم ( ولكن ) !!

أقول

يــا مــرحـــبــــا وعــداد رمــــل الغـــرامـــــيـل = وعـــداد مــــن شـــــاف الـثــــريـــا بـســــمـــــا هـا
وعــــداد مــن شــرف عــلى صــافـي الـنـيـــل = وعـــــدد فــــيــــــافـــي نــــجـــــــد والــلــي وطــاهـــا

- هل يوجد من اقربائك او زملائك .. من يملك عضوية المجالس .. مع ذكر الاسماء ؟

غزلاااان

- كم منتدى غير المجالس .. تمتلكين عضويته .. مع ذكر اسماء هذه المنتديات ؟

بدون ذكر أسمائها ‘‘ هم 4

- بما ان لكِ علاقه بالشعر بغض النظر عن هذه العلاقه ! اي من المنتديات الشعريه
يرضي غرور ذائقتك ؟

بصراحه كثير ،، منها ((مشاهير العرب .... وغيرها ))

ولكن المميز ،، << النداوي >>


اسئله خفيفه وصريحه :-


- عضو وعضوه .. تراقبين اسمائهما في قائمة المتواجدين / وتحرصين على تواجدهما !

ما ني بقايلتلك

بصراحه أستانس وأحرص على وجود المجموعه النــــاريه :-

حـــــوران ،، غزلاااان ،، مسعطر ،، محمد الغيثاني ،، الفرس ،، مهره ،، راشد العتل ،، آهات ،، لولين ،، مسفر مبارك ،، شيخة المنتدى ،، خالد وبس ،، فارس ،، يوران ،، نصيب ،، مبارك الجوفان ،، الشمالي ،، خجل ،، عبدالله آل شيبان ،، بطاح ،، الهاجري ،، مملكه العجمان ،، بو طعجه ،، مطلق اليامي ،، الحزن داري ،، قطنان

- افضل موضوع فالمجالس !

كل مواضيع فالح العمره تعجبني

- افضل قسم فالمجالس

عيون الشعر

- عضو او عضوه / اللي على قلبه على السانه .. وما يجامل ؟
غزلاااان لبااا قلبها

- عضو او عضوه / يخفي اكثر من ما يبدي !
حـــــوران

- عضو او عضوه / يشدك اسلوبه وتقرأين جميع ردوده !
بعد حـــــوران

- مراقب او مراقبه / لا غنى للمجالس عن جهوده وغيابه مؤثر !
أكييييد مهره فدييييييتها

- مشرف او مشرفه / يعمل بجهد واخلاص !
مسعطر

- عضو او عضوه / يعجبك نكه !
شيخة الغلا

- خمس ورود .. لمن تقدمينها ؟

لـ عبد الله آل عامر

لك أنت

لـ كل من رحبي هنا ولم يسأل

لـ مسعطر

لـــــــــي





ربما سأعود .. باسلوب ( بلدياتي ) فالمره القادمه

حياك الله كل يوم تعال

خالد وبس !

[عبدالله بن شيبان]

السلام عليكم ورحمة الله وبركاته

اول شي اشكر عبدالله العامري على اختياره لشخصية محببه و اثبتت وجودها بالمنتدى الا وهي
" شيخة الغلا "

ثاني شي:..؟
انا اقول لو تمددون فترة الاسئلة لي سنه قدام و تحكرونها بهالموضوع يكون احسن خخخخخخخخخخخ
ياخي مشالله عليها ابداعاتها واجد بالمنتدى و بكل مكان نشيطة و تاكل علينا الجو بكل المواضيع اشوفها راده قبلي هههههههههه
^
^
^
ترا اتغشمر
:
:
:
نرجع للمهم و هو الاسئلة الي مالها داعي ..؟

س1: لو يجيش رونالدينو ويقولش تعالي العبي مكاني في نادي برشلونه هل تقبلين ..؟

س2: لو عندش مليون دينار وحطوش بطيارة خاصة وطارو بالسما فيش والمليون بالطيار وقطو المليون من الطيارة و عندش مظله ........ تنقزن وراها ..؟
^
^
^
العن ام السؤال الي ماله داعي
:
:
المهم
:
:
س3:هل ستصوتين بانخابات مجلس الأمه ؟ واذا في مرشحه اتعرفينها و تمون عليش والعكس هل بتعطينها صوت ..؟
:
:
س4: لو عندش عشرين دينار .... وقالولش نبيش تشترين عشرين طير (بطه - دجاج - حمام )كم بطة تشترين وكم دجاجة و كم حمامه.... مع العلم ان سعر الدجاجة 4 د.ك.... و الدجاجة بنص 0,500 دك ... والحمامة بربع 0.250 دك
مع العلم انش لازم تشترين من الانواع الثلاثة بمبلغ عشرين دينار و تشترين عشرين حبة يعني 20/20 فهمتي
:
:
:
وبس
:
:
وسوري على الاطالة

[خلاوي الشمالي]

السلام عليكم

الاخت شيخه المتميزه صراحه انتي دايم نشيطه وانشاالله تستمرين بهالنشاط

الحين جيتش ومعي الاسئله وانشاالله تكون خفيفه

1-شنو طموحاتك بالحياه وهل حققتي هذي الطموحات؟

2-شاعرش المفضل منهو وشالقصيده المقربه لش؟

3-هل لش ميول رياضي وان كان لش ناديش المفضل محلي وخليجي وعالمي

4- لو حطوش في مركز قيادي شنو اول قرار تتخذينه؟

شاكرلش وسامحيني عالاطاله

[الحزن دااري]

السلام عليكم ورحمة الله وبركاته


هلااااااااا شيخووووه اشحالج ؟ شو مسويه ؟وانا اقول وينهااااااا البنت ؟!

معليه وانا أختج تحملي اشويه مصيرنااااااااااا واااااااااحد بس يباله صبر >>> ولا اشوف هاليوم



يالله سمي بسم الله

7

7



من الذي يثير دموووع شيخة الغلا ؟؟

دعوه صادقه لمن تهديها؟>>> طبعن بعدي

ماهــــو الامتحـان الاصـــعب في الحـيـاه بالنسـبه لك؟

ماهي ردة فعلك عندما يظن بك أعز ُ أصدقائك ظن السوء ؟

منو براايج .. احسن عضوو ويستحق لقب .. (( ستار المنتدى )) ؟؟

متى تحسين بالحزن الشديد؟

من الشخص الي تحبين تشكين له همومج؟ >> غير هلج

_ شنو تعنيلج هالكـلمات في قاامووسج ؟

الحب ::

الحياة ::

المووت ::

الدمووع ::

الصداقه ::

الوفاء ::

الآحلام ::

الآمل ::

التضحيه ::



شنو اكثر شي تخاافين منه ويشغل باالج وايد ؟

اهم شي في حيااتج وماتقدرين تستغنين عنه ؟

شـرايج بأهل الأمارات ؟؟

اذا قال لك احدهم احبك فما هو شعورك وبماذا تردين عليه؟؟

لديكي باقة من الزهور العطرة فيها 7 وردات لمن تقدميها ؟

من في خاطرج يكون ضيف الأسبوع المقبل: لكرسي الإعتراف ؟؟


شو راااااايج في الحزن دااااااري ؟؟ >>>> حالفه علي هالسؤال ؟؟






وبس

[شيخة الغلا]

المشاركة الأصلية كتبت بواسطة غزلاااان

السلاااااااااااااااااااااااااااااااااااااام,, ,

هلا وغلا بشيختهم

هلااابج ملااااايين يالغاليه

انا بنسبه لي مابسألج الان حرام اغثج اهني وهنااااااااك ههههههه

الأعتراف بالحق فضيله ،،، وزيييين سويييتي

بس اقول,,, بليـــــــــــــــــــــــــــــــــز خفواا شوي بالاسأله
احس داااشه تجنيد مو استضافه,,,

إي واللـــــــــــــه


ههههههه في وحده ذاكره اسأله>>يعني سائله اسؤال..


قسم قلت انعن يومهااااا شنون بتجاوبين ((احس انهااا اطبق عليج اسالت الدكاتره)) ههههه

غزلاااان شفتي اللي أنا شفت

وووووووبس سلامتج يادلبي0015

الله يسلمك ياحياتي فدييييت هالطله

[شيخة الغلا]

المشاركة الأصلية كتبت بواسطة بطاح

لا هنت ياعبدالله على استضافه اختنا الغاليه شيخة الغلا ..

الله يغليك يابطاح ولا هنت على تواجدك هنا ،، والأخ عبد الله أنا ممتنه له على إستضافتي وتحياتي له ولك يابطاح

ورايي فيك يا شيخة ( لا ازيد على كلام خالد وبس )

الله يسلم من ذوقك ،، والله لايخليني منكم

ولي عودة انشاء الله بأسلئلة خفيفة << يطمنها

أجل لا تبطي دامها خفيفه

[شيخة الغلا]

المشاركة الأصلية كتبت بواسطة ! شيخـــــة المنتــــدى !

هلا وغلا بالسميّـه والاخت العزيزه ( شيخة الغلا )

يامرحبابك ياحياتي منوره


ما ابغي اكثر عليش الأسئله لاني اتوقع انش تمرين بفترة اختباارات ، عسى ربي يوفقش

تسلمين ياقلب شيخه


1- سبب التسميه ( بشيخة الغلا )

الوالده فديييت قلبهااا ،،مسجلتني بجوالها شيخة الغلا ،، وعجبني


2- اذا كنت مشاركه بمنتديات اخرى ، هل اخترتي نفس الاسم والا آخر ( مع ذكره )

لا طبعا بس هنا شيخة الغلا ،، والمنتديات الثانيه أكييييد غير ،، بذكرلج وحده علشان خاطرج << الغـنـــوج >>


3- شاعر فالمنتدى تحرصين على قراءة كل ماهو جديد له
كثير الشعار هنا اللي يعجبوني وكلهم فيهم الخير ،، وبذكر بعض الأسماء اللي يميزهم شعرهم بالنسبه لي ،، (( الرحال ،، مناحي الصميل ،، صالح الكحله ،، فيصل بن عبدالله ،، خالد وبس تعجبني حيل أشعاره بس قليله هنا ،،ما أدري ليش بخيل ))


4- سلبيات اشتراكش فالمنتدى وايجابيااته
ما في سلبيات الحمدلله ،، والإيجابيات كثيره ،، منها التعرف عليكم وهذا يشرفني

5- اقرب مجلس لش
عــيــــون الـشــعـــــر

6- طموحش فالمنتدى
هذي أمنيه ،،إنه يزين نشاط الأعضاء وتكثر مشاركاتهم

7- شي ودش تغيرينه فالمنتدى
الجمود ،، والتحيز

8- شي ودش تضيفينه فالمنتدى
ودي أضيف أقسام للبنات بس ،، تكون خاصه فينا


9- شخص ترشحينه للاشراف وآخر للمراقبه

للإشراف ،، مسفر مبارك ،، وللمراقبه ،، محمد الغيثاني


10 شخص ودش ترشحينه لموضوع وجه لوجه

مسفر مبارك


واتنمى اكون خفيفه على الكبد

أكيييد ياحياتي وجودك هنا زي العسل

[شيخة الغلا]

المشاركة الأصلية كتبت بواسطة الفرس

اولاً : اشكر الاخ عبدالله على الضيافه الراقيه .. والمميزه ..

يستاهل الشكر عبدالله


ثانياً : ارحب وأهلّي بالغاليه : شيخة الغلا ..

لباااا قلبك غلااااي ،،، الله لايحرمني منك


ويتشرف الكرسي بجلوسها فيها ..

تسلميييين فدييييتك أنا اللي أتشرف بمرورك الغالي هنا


انا ماعندي اسئله .. اكتفي بأسئلة الاخوه ..

يكفيني استمتاع برد الغلا ..
وأنا يكفيني وجود إسمك هنا ،،، فديييت هالطله

[شيخة الغلا]

المشاركة الأصلية كتبت بواسطة حـــوران

الســلام عليكم

وعليكم السلاااام ،، مرحبا بك يالغالي



شلونش شيـخه ؟؟
بخير دامك بخير


كيف الكرسي ؟ زين ولا أعطيـش الكرسي اللي عندي ؟

لاااا ،، إللي عندي أرحم ،، ولا شرايك تاخذهم كلهم


هذا مرور سلام وأتطمـن على الوضع .. ولي رجعه بعديـن بـ أسئله خفيـفه

مرورك أسعدني ويشرفني ،، تأكد إنك بتنور من جديد

[راشد العتل]

مسـاء الأنواَر


سؤال سريع من الكنق

من افضل لاعب دولي برأيج؟