مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس الأدبية~*¤ô ws ô¤*~ > مجلس عيون الشعر النبطي

مجلس عيون الشعر النبطي يعنى هذا المجلس بالشعر النبطي المنقول وكذلك بالشعر قصة وقصيدة

رد
 
أدوات الموضوع طرق مشاهدة الموضوع
  #1  
قديم 08-02-2014, 05:16 AM
حسن الياامي حسن الياامي غير متصل
 
تاريخ التسجيل: Feb 2014
المشاركات: 1
معدل تقييم المستوى: 0
حسن الياامي is on a distinguished road
شيوخ وفرسان قحطان في قصيدة

السلام عليكم ورحمة الله وبركاته


اقدم لكم قصيده للشاعر حامد بن غانم بن سعيد الجذع العبيدي القحطاني


يتكلم في القصيده عن اعلام قحطان وتاريخهم العريق.









يامن تبي تكتب عـن أمجـاد قحطـان
وتذكـر تواريـخ الشيـوخ الأوايــل
أهل المواقف يـوم زوغـات الأذهـان
يوم الحكـم سيـف ورمـح وسلايـل
الله يعيـنـك ياسـلايـل كـحـيـلان
مهمتـك صعبـه ومثـلـك قـلايـل
لاشك عندك يا أبيض الوجـه برهـان
وعندك مـن التاريـخ صـدق ودلايـل
ديارنا من نجـد لـي غـرب نجـران
ولنـا ربـوع مـن ورى حـد حايـل
وشرق بني هاجر ربوع ابـن شبعـان
يشهـد لهـم راكـان والشـك زايـل
هل دقله تروي عطـش كـل ضميـان
وهـل موقـف ماعـاد بعـده عذايـل
وغرب نـزل منـا المدينـة فريقـان
الأوس والخـزج وحـازوا الفضـايـل
أنصـار للمبعـوث رحمـه وغفـران
مذكور فـي السنـه وذيـك الرسايـل
قد قالها حسان فـي ماضـي أزمـان
والصـدق نـور والدعايـة ظـلايـل
قبـايـل مـعـروفـة قـبــل والأن
تعـز الـهـود معربـيـن واصـايـل
ربعـي عبيـده والجحـادر وسنحـان
ورفيـده وجمـع الحبـاب الهـوايـل
وبني بشر وشريـف مانـي بغلطـان
هـل قالـة عليـا لمـا ظـال ظايـل
منا ابن هادي واللبـده وابـن سفـران
ومنـا مرويـة السيـوف الصقـايـل
والشيخ ابـن هـادي تقـدم لعربـان
شيـخ تعـدل حكمتـه كــل مـايـل
شيخ تطـوع صطوتـه كـل فسقـان
وربعـه هـل الطـالات يـوم القتايـل
والشيخ شالح والفديـع ابـن هـدلان
فرساننـا يــوم اقتـتـال القبـايـل
هل صبحة يشبع بها الذيـب سرحـان
يشهد علـى قولـي عيـال الحمايـل
والخـوة اللـي بينهـم شانهـا شـان
قـدوة وذكـر ينقلـه كــل قـايـل
رمز الوفاء والطيب من بين الأخـوان
والعزوة اللـي تجعـل الـراس طايـل
لا قـال ابـن دراج ثـم ثـار دخـان
راحـت خيـول القـوم منهـم جفايـل
خنافر تـارد علـى المـوت شجعـان
وجحـادر تاطـا علـى كـل عـايـل
وذيب على اسمه ذيب من روس فرسان
لـه موقـف يشفـي الكبـود الغلايـل
كسب الأصيله واشتهر طيـر حـوران
وعمره عشر واربع عديـم الخصايـل
دون إبـل بـوه موقـف قـبـل الأذان
حتى انصرف عنهـا سمـوم القوايـل
صد المغيـره ذيـب والحـظ لـه زان
وكسـب ونعـم واحمـر الـدم سايـل
وبره يسولـف فيـه حضـر وبـدوان
عسـاه للجـنـة وبــرد الدبـايـل
زيد ابن شفلوت لـه المـدح عنـوان
علـى قـرارة نجـد جالـه فعـايـل
شهد له ابـن فهيـد بالفعـل وكـدان
مانـي بقايـل قـول مالـه حصايـل
ومنا ابن حشر وموقف الشيـخ قدبـان
مـع الموحـد يـوم قـدح الفتـايـل
وابن رشيد اللـي منـا زلـه بـرزان
الضيغمـي فعـلـه قـديـم وهـايـل
ومنا المهادي نوابـن غيـده ودبـران
أهـل المواقـف كاسبـيـن النفـايـل
وابن سعيـدان آل عاطـف وجبهـان
وفـراج بـن ريفـه حميـد الشمايـل
ومنا ابن شري والجذع وابـن فـردان
ومنا المرحـب والفشـق لـه مخايـل
وابن حـويزي وابن جرشب وفجحــان
عـــدوهــم مـنهم دمـيه وشـايل
وجراب والمدرس وذيب ابـن عـردان
وجديـع والعـمـاج روس وزحـايـل
ومنا ابن جافل وابن سلمـان زبـران
وذيب بـن قنطـاش صبـي الصمايـل
وراعي السويد محمـد وابـن كزمـان
يوم اعتزى جـاء القـوم منـه نكايـل
وحاتم وابن معدي كرب جـود وسنـان
أمجادهـم سولـف بهـا كـل جايـل
وابن مريحه وابـن داهـك وشهـوان
ومنـا آل عشتـل محتميـن الحلايـل
ولنـا سلـوم تطلـق وجيـه وإيمـان
ساروا بهـا العربـان فـوق الرحايـل
دون الخوي والجار والضيـف والعـان
والشاهـد الله والفـعـول الطـوايـل
ديرة حقيب يـوم فـي الوجـه مـالان
وقصرة محمـد يـوم صـارت مثايـل
ودون الخوي قام ابن محسن ولاهـان
فيه اقتضـى عشـرة وخالـه كمايـل
هـذه مآثرنـا وكـل لــه لـسـان
والنـار مـا تقـدح بلـيـا شعـايـل
واللي عن فعـول المطاليـق عميـان
مانـي طبيـب للضعـوف الهـزايـل
تشهد مطيـر ويـام وجمـوع عتبـان
يوم القنـا والرمـح والخصـم صايـل
ذاك الزما اللي بـه المـوت عـزران
ويميـز الطيـب مـن أهـل الفشايـل
وبيت بـلا سـاس ودعايـم وعمـدان
لـي هبتـه ريـح يجيـك متمـايـل
والناس يفرقهـا الشجاعـة والإيمـان
وجـود لمـا شحـت يديـن البخايـل
ولا فلان اسمه علـى فـلان وفـلان
الاسـم واحـد والفعـايـل سهـايـل
موجـز بسيـط فيـه ذكـر عـرفـان
لاهـل القعـول الوافيـه والجمـايـل
وكـل القبايـل كاملـه دون نقصـان
مثـل الجبـال النايـفـات الوحـايـل
واللي نسيت العذر مـن كـل إنسـان
الكامـل الله والعفـو فـي الـزلايـل
كم من عقيد ماضي الوقـت قـد كـان
يثنـي نهـا ر فيـه يبـس البـلايـل
واليوم في عهد السعـد أمـن وأمـان
حكـم الشريعـة مانبـي لـه بـدايـل
عهد الملـوك مرجحـة كـل ميـزان
حكامنـا آل سعـود نعـم السـلايـل
الله يديـم الملـك ويـعـز الأوطــان
ويزيـل مـن ينوونـنـا بالدغـايـل
وختامـهـا بـاعـداد مـاهـل ودان
على الرسـول أزكـى صـلاة ونفايـل

منقول

رد مع اقتباس
  #2  
قديم 10-02-2014, 11:56 AM
سمو الرووح سمو الرووح غير متصل
 
تاريخ التسجيل: Jan 2007
المشاركات: 31,712
معدل تقييم المستوى: 49
سمو الرووح is on a distinguished road
رد: شيوخ وفرسان قحطان في قصيدة

( صلى عليه وسلم )

كفوا يا قحطان تستاهلون الجمايل من غير قصور بالقبايل
ابدعت بارك الله فيك وصح الله اسانك وتسلم يمناك على النقل الي بمحله

تقديري وحترامي.

 

التوقيع

 


تستطيع أن ترى الصورة بحجمها الطبيعي بعد الضغط عليها
كلنا تميم المجد
 
 
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
شيوخ وفرسان آل لحسن بن مواجد يام ذيب الغوى مجلس تاريخ قبائل يـام الــعـريـضـة 1 22-11-2012 03:53 AM
عزاوي وألقاب شيوخ وفرسان يام عبيد العرجاني مجلس تاريخ قبائل يـام الــعـريـضـة 3 19-08-2012 11:36 PM
صور بعض شيوخ وفرسان قبيلة الحباب العد الرهاوي مجلس التاريخي العام 0 23-05-2011 09:45 PM

 


الوقت في المنتدى حسب توقيت جرينتش +3 الساعة الآن 06:17 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع