بعد طول غياب اليكم هذه المتواضعه OoO طلبت الله علام الخفايا OoO

[فيصل بن محمد الوعيلي]

السلام عليكم ورحمة الله وبركاته وبعد

اليكم هذه المتواضعه اتمنى ان ترتقي لذائقتكم القصيده اوصي فيها ولدي محمد .

طلبـت الله عــلام الخفـايـا=كريم(ن) عارف(ن) كل النوايـا
طلبتك ربنـا واغفـر ذنوبـي=ذنوبن زايـدن معهـا خطايـا
ذنوبي واجـده يـارب ترحـم=رجيتك ربنـا حسـن السوايـا
في يوم(ن) كل عبدن جاب خيره=مـع شـره ياربـي يارجـايـا
وترحم ضعفنـا قـدام وجهـك=في يوم(ن) زاغت ابصار البرايا
ياعالـم وقتـنـا والله تغـيـر=تغيـر وقتنـا ويـش السوايـا
اشوف الابـن عـق بوالدينـه=هدايـا العـز ياويـن الهدايـا
واشوف الجار مايدري بجـاره=واشوف رجال تامرهـم صبايـا
واشوف الظلم والبهتان سايـد=واشوف الكذب والغيبه حاكايـا
واشوف اللاش يصهل في كلامه=يقـول العـز والرجلـه معايـا
واشوف عيال تتمنـى الانوثـه=يحط الروج من فـوق الشفايـا
واشوف الوقت مايرحم ياعالـم=وقلبي صار من همـه شظايـا
يعز المـال رجـل(ن) ماتعـزه=فعوله تنعكـس عبـر المرايـا
يقـدر فـي محلـه والكرامـه=محله ماهـو اركـان الزوايـا
محله فـي الصـداره يامحمـد=وخطاه ان قال مايحسب خطايـا
محمد جعل ربي يصلحـك لـي=وتصبح عوني ان قصر مدايـا
محمد واحفظ ابياتـي ياعـزي=وخلك ذيـب شـواع الرعايـا
اذا جتك الخطيـه مـن رفيقـك=فسامـح خلهـا لـه يارجايـا
وذا كرر خطاه فـدوس خشمـه=وخل دروبكـم درب(ن) سوايـا
وصادق كل شهم(ن) ياظنينـي=كريم(ن) يعجبك قايـد سرايـا
ترى الصاحب ياثر فـي خليلـه=دنى طبعه يصير ابـه الدنايـا
واذا صابك من الدنيا هموم(ن)=فـدس الهـم مابيـن الحنايـا
ولا تبـدي همومـك للمعـثـر=ترى في غيبتك تضحـك ثنايـا
وعط رايك اذا هو طلـب منـك=ولاتعطيـه اذا ماطلـب رايــا
ولا تحسب حساب الي يحقـرك=وخلك وافـي(ن) كامـل مزايـا

[د.فالح العمره]

يا مرحبابك يا فيصل بين اخوانك وربعك

وصح لسانك ولا هنت يا السنافي

[بندر العجمي]

ارررررررررحب



صح الله لسانك يالغايب الحاضر






جززززله من جزل والله لايشينك يافيصل








اخوووووووووووووووكـــ

[فيصل بن محمد الوعيلي]

المشاركة الأصلية كتبت بواسطة فالح العمره

يا مرحبابك يا فيصل بين اخوانك وربعك

وصح لسانك ولا هنت يا السنافي

الاخ الغالي فالح العمره

شرفني مرورك الكريم وحضورك مثل حضور المطر

البقى يالغالي

يالربع كتبت القصيده وجعلتها في خلفيه سوداء والحروف باللون الابيض بس اشوفها ماهي واضحه على العموم الي يبي يقراها يضلل النص بالفاره وراح تطلع معه القصيده

اتمنى من المشرفين وضع حل لهذه المشكله

تحيااااااااااااااااااتي للجميع

[عبدالله آل عامر]

اشـوف الابــن عــق بـوالـديـنــه***هـدايــا الـعــز يـاويــن الـهـدايـا
واشوف الجـار مايـدري بـجـاره***واشـوف رجـال تامرهـم صبايـا
واشوف الظلم والبهتـان سـايــد***واشوف الكذب والغيبه حاكايـا
واشوف اللاش يصهل في كلامه***يقــول الـعــز والـرجـلـه معـايـا
واشوف عيال تتـمـنـى الانــوثــه***يحط الروج من فـوق الشفـايــا
واشوف الوقت مايــرحم ياعالـم***وقلبي صار مـن همـه شظايــا

عز الله إنك صدقت

صح لسانك يابو محمد وبيض الله وجهك على هذه الرائعة

أرحب وحياك الله من جديد

[سعود الخويطري]

ترى الصاحب ياثر في خليله = دنى طبعه يصير ابه الدنايا
واذا صابك من الدنيا هموم(ن) = فدس الهم مابين الحنايا
ولا تبدي همومك للمعثر = ترى في غيبتك تضحك ثنايا



الله الله



والله يوفقك ويوفق أبنك لما يحبه والله يرضاه




ومرحبا بك يافيصل بعد طول الغياب




وصح الله لسانك ولاهنت مليار . . . ودائما بـ أنتظار حضورك الجميل




وتقبل سلامي واشواقي

[بن فلاح]

الاخ فيصل سلامي عليك

انا اشهد انك ما زليت ورسمت الواقع

قصيده رائعه

والله يطول عمر محمد ويبارك لك فيه ان شاء الله

تقبل مروري ودمت سالم يابومحمد

[فيصل بن محمد الوعيلي]

المشاركة الأصلية كتبت بواسطة بندر أبن خضير العجمي

ارررررررررحب



صح الله لسانك يالغايب الحاضر






جززززله من جزل والله لايشينك يافيصل








اخوووووووووووووووكـــ

الاخ الغالي بندر بن خضير

صح الله بدنك يالغالي

شرفني مرورك الكريم على المشااااركه

[اميرة الرووح]

مرحبااااااااااااااااااااااااااااا
اخوي فيصل لا هنت

[فيصل بن محمد الوعيلي]

المشاركة الأصلية كتبت بواسطة عبدالله آل عامر

اشـوف الابــن عــق بـوالـديـنــه***هـدايــا الـعــز يـاويــن الـهـدايـا
واشوف الجـار مايـدري بـجـاره***واشـوف رجـال تامرهـم صبايـا
واشوف الظلم والبهتـان سـايــد***واشوف الكذب والغيبه حاكايـا
واشوف اللاش يصهل في كلامه***يقــول الـعــز والـرجـلـه معـايـا
واشوف عيال تتـمـنـى الانــوثــه***يحط الروج من فـوق الشفـايــا
واشوف الوقت مايــرحم ياعالـم***وقلبي صار مـن همـه شظايــا

عز الله إنك صدقت

صح لسانك يابو محمد وبيض الله وجهك على هذه الرائعة

أرحب وحياك الله من جديد

الاخ الغالي عبدالله ال عامر


ارحب تراحيب المطر

شرفني مرورك الكريم على المشاركه

وصح الله بدنك


تحيااااااااااااااتي