انا بدوي .. الامير بد بن عبد المحسن

[فهد بن محسن]

قصيدة جميله للشاعر العملاق والمدرسة الشعرية الشاعر \ بدر بن عبد المحسن ... يصف حياة البداوة وطبعها .. ويذكر معشوقته باصله وطبعه ... يقول بدر

يابنت انا للشمس في جلدي حروق = وعلى سموم القيظ انا اطوي عباتي
اطرد سراب اللال في مرتع النوق = ومن الظماء يجرح لساني لهاتي
عاري جسد .. والليل هتان وبروق = رعشة شمال البرد تسكن اشفاتي
لاجا الربيع انبت خزاما ورقوق = وكانه دهر تيبس فيافي حياتي
إن عذربوني بعض خلانك اصدوق = يابنت انا عشق الخلا من صفاتي
أنا بدوي ثوبي على المتن مشقوق = ومثل الجبال السمر صبري ثباتي
ومثل النخيل خلقت انا وهامتي فوق = ما اعتدت احني هامتي إلا فصلاتي
إلى افتخر بفعال يمناه مخلوق = يابنت انا فعولي شهوده اعداتي
الله جعلني وكلمة الحق بوفوق = وملكت الارض وراس مالي عصاتي

الشاعر\ الاميربدر بن عبد المحسن

وقد عارض قصيدة الامير الشاعر بدر بن عبد المحسن .... الشاعر جمال الساير .. حيث قال (( اعتذر لصاحب السمو الملكي الامير بدر إذ اعارض قصيدته الجميله رساله من بدوي ... ولا اتعارض معها ))

يقول الشاعر جمال الساير

يابنت انا للبحر في خافقي شوق = ومن السفر والغوص هذي صفاتي
اتبع نجوم الليل وسط السماء فوق = وتاقف على حد المنيه حياتي
في غبة وسط البحر عيشتي بوق = والملح كنه في لساني حلاتي
إن كان طعتي بي مطاييش وطفوق = ولا سمعتي ماحكو بي وشاتي
انا حضري بيتي من الطين ملصوق = ولا همني سيل المطر من رهاتي
مادام لي بين المخاليق معشوق = لاجله انا حملت كفي وفاتي
اكتب عليه من الشعر كل طاروق = واللي يجي كله على مشتهاتي
وان كان يجهلني انا اليوم مخلوق = منكي انا ماظن هذي جزاتي
ولو كان لي يم البحر دم وعروق = تاج البداوه .. فوق راسي غناتي

الشاعر\جمال الساير

تحياتي لكم جميعا

[السنافي]

لاهنت يابو فيصل

والتوقيع صراحه روووعه جاي مع الاحداث

[منصور الصالحي]

لا هنت يا فهد على القصيدة والردية الجزلة صح لسانك يا السنافي

[فهد بن محسن]

الاخ \ السنافي

مرحبا بك ومرحبا بمرورك يالغالي .......... ومن قال مايهوون وانت اروع يالسنافي

تحياتي لك

[فهد بن محسن]

الاخ \ منصور الصالحي

تسلم والله على المرور والتعليق .......... ومن قال مايهون

تحياتي لك

[محمد الشامري]

الله الله

صح لسااااااانك يا الملك

ولاهنت على النقل الجميل للقصيدتين الجميلتين

[حبيب]

لاهنت يابو فيصل وصح الساانك ولساان الشعراااااا


تحياااتي

[أبو ناصر]

لاهنت يابوفيصل وصح الله السانك

قصايد جميله بس ظنك ان بدر بن عبد المحسن مرت عليه ذا الامور اللي هو يقول

[العنيد]

الله الله عليك يا فهــــــــــد بن محــــــــــــسن اختيار موفق حقيقه ...


ولاهنت على النقل الجميل للقصيدتين الجميلتين

__________________

[فهد بن محسن]

الاخ \ محمد الشامري

ومن قال مايهووون ,,,,,,,,,,,,,, وتسلم على المرور والتعليق يالغالي

تحياتي لك