نـــــــــــاس ونــــــــــــاس ؟!!

[سمو^المشاعر]

السلام عليكم ورحمة الله وبركاته

نــــــــــاس ونـــــــــــاس

ناس تجلب لك الخير
ويسرك قدومها عليك
وناس الشر سابقها
والحقد غالبها

ناس تبتسم لك في كل حين
وناس من تشوفها
تقول ابليس راكبها ..

ناس في كل حين تلقاها
في المسرة تبارك
وفي المضرة تساند
وناس تمر أيام وشهور
تحيا وتموت ماتحس فيك

ناس على عقولها أكنة
وعلى قلوبها
وناس تشرح الصدر
وتنصحك وتستمع لك ..

ناس
تحمل هم الدين
وناس
هم على الدين والدنيا:0071:

ناس تفرح بقدومك
وتهلي فيك
وناس من تغادرها
تحكي فيك !!

ناس تسرك أحاديثها
حكم كل اللي تقوله
وناس تهرج وتمرج
ولا تدري وش اللي تقوله


ناس صالحه فالحة
أفعالها خير برهان
وناس الطمع عنوانها
والجشع عاميها

ناس تحبك في الله
تمنى لك كل خير
وتدعي لك بظهر الغيب
وناس تكرهك
وتشوه صورتك
لجل ميزة فيك !!

نــــــــاس ونــــــــــاس

[أبعاد]

مساء الخير ..*
بنت العلميه سطرتي هذه الكلمات الجميله ..*
والتي تعكس جمال داخلك ..*
ناس ... وناس ..
أسجل كل شكري وتقديري لكي يا مبدعه..*

..*أبعاد..*

[سلطان لسلوم]

وقائع ملموسة سطرت في عدة أسطر


نص راقي إن لم يكن التعبير الصحيح درر منثورة


سلمت يمينش اختي بنت العلمية

[الفرس]

ناس تحبك في الله
تمنى لك كل خير
وتدعي لك بظهر الغيب



ان شالله الكل مثل هالنوعيه ..

ولاهنتي على المقطوعه الحلوه ..

[الغروب]

بنت العلميه

مرحبآ بقلمك السامي مرة اخرى

ابدعتي اختي 7

7

ناس تحبك في الله
تمنى لك كل خير
وتدعي لك بظهر الغيب

كل الشكر

[سمو^المشاعر]

أبعاد

أخجلتيني يالغاليه ماقصرتي ..

كلج ذوق

سلطان لسلوم

شكرا لك

تسلم وماقصرت ..

الفرس

امين يارب

ولاهنتي عالرد الحلو

(لولين)

هلا يالغالية

نورتي الموضوع

كل الشكر لج ..

[ناصر بن محمد ال صويان]

ناس/ن تجي وتروح مالها قيمة.....وناسن/ن ودك تحطها في المخبى......

تدرون ليش؟؟؟؟؟


عشان كل ما تشتاقلة تطلع اخشيمة وتحبة......


الله يسلم الانامل المبدعة......والاقلم المنير....في ماخطة به ااناملك اختي الكريمة.....وتقبلي مروري

[&آهــــات الحــــزن&]

ناس تحبك في الله
تمنى لك كل خير
وتدعي لك بظهر الغيب
وناس تكرهك
وتشوه صورتك
لجل ميزة فيك !!


انـــــشهد انـــــهم نـــــــــاس ونــــــــاس ابـــــــــداااااااااااع اخــــــــتي بنت العــــــلميه

الله لا يهــــــــينش

[عــهــد]

وعليكم السلام ورحمة الله وبركاته

مرحباً باختنا بنت العلمية

اشكرك على الموضوع

بس عندي ملاحظة... انا اشوف جمال مايكتبه الكاتبات او الكتاب
هو التزامهم بالغة العربية
ممكن يكون الموضوع بسيط او عادي بس التزامهم بالغة بعيد عن العاميه وحسن طريقة التعبير
راح يكون الموضوع اكثر من عادي

تقبلي مروري

[سمو^المشاعر]

متعب الخيالة

اضافة جميله

تسلم عالكلام الجميل شهادة أعتز فيها ..

&آهــــات الحــــزن&

هلا ومرحبا يالغلا

تسلمين عالكلام الطيب ماقصرتي

بلقيس

هلا والله

تقصدين الفصحى ؟؟

نعم صحيح عزيزتي الفصحى أفضل أحياناً ..

ولكن غاليتي التنوع جميل أيضاً ..

بعض الكتابات يتقبلها القارئ بالعامية أكثر من الفصحى

وانا أكتب مره فصحى ومره بالعامية ..

أو مزيج بين الاثنين في موضوع واحد

تسلمين عالملاحظة الحلوه