المطنـــــــــوخــــــــة ... وســــــــــــوق الغنم ... لايفـوتـكـم

[المطنوخة]

مغااااااااااااااامره .

هههههههههههههههههههه

<<<<< هذي البدايه يعني .

اسكتوا علي قبل يومين عزمت لي وحده من صاحباتي .. المهم واعمل فيها فلتة زماني .. قلت هاه يافلانه قولي تم بس .. قالت تم <<< يهب ياوجهها مير ماصدقت خبر .. !!!
قالت بس لاتكلفين على نفسك تراه بس قهوه وشاي ..
قلت افا والله مايتناقلونها الناس فالمجالس .. ؟؟؟؟؟؟؟
ان جيتيني واستعزمتي .. ( يعني وافقتي على العزومه ) ههههههههههه
مفطح .. والله ماتعشين الا هو ..
قالت اوكي ..
<<<< ورطت المسكينه ..
المهم واجلس ادهر ذا اليومين .. وانشد عن الغنم .. وكم اسعارها .
واوصي اخوي يجيب لي غنمه دسمه وكويسه .. تليق بمقام صاحبتي .
قال خلاص انقدي يابعدي وابشري بالزين ..
<<<<< قعدت بها المسكينه .. الدعوى فيها فلوس .
واقعد ادور بقشيشي القديم فليسات .. ودريهمات .. ومير مالقيت الا خمس مية ريال .. ( ياربي لك الحمد ستر وعافيه ونومً براحة بال )
وانا اروح واعلم اخوي .. قال خلاص انا بكرا ترا ماشي وراي سفره بروح الصباح اجيبلك وانتي تصرفي فيها عاد وديها للطباخ .. !!
قلت ماشي <<<< اخس يالفطينه ..
وانا اروح وانا اسهر معكم طول الليل مسنتره على المجالس..
ويوم جت 5 الفجر وانا اتكهمل بفراشي وانا اقشد .. ( معناها تلحفت بلحافي ونمت ) ههههههههههههه
وعليها ماقمت الا عشر الصبح ..
وانا اقوم بفزه وحالتي حاله .. واقعد اغني .. رحنا وطي ..
واقمز واروح تحت الا امي جالسه تقهوى ,, على قولتها . قلت يمه سعود وينه .. قالت ها .. ( ها ... هذي حركه تسويها امي اذا صارت منقهره مره مني .. هي حركه حلقيه .. تصدر من الحلق .. تعبير عن النقده .. هههههههههه )
قلت هاه يمه وينه .. قالت مخيشه لهالوقت وتبين سعود يقابلكـ لين تصحين ..
قلت يوووووووه راح يعني ..
قالت ايه راح من الساعه ثمان .
قلت طيب وش اسوي الحين .
قالت مدري تصرفي ..
قلت من وين اجيب غنمه ..
قالت السوق معترض ..
قلت طيب من يروح .. عبد الراؤف يروح ..
قالت ها ( نفس الترجمه السابقه )
قلت يووووووه يمه خلي النقد بعدين .
قالت عبدالراؤف يروح لسوق الغنم ويعرف انتي صاحيه والا مهبوله ..
قلت ومن اجل ..
قالت ..

أنتي

أنــــــــــــــــا

..
..
.
.
.

يويلي !!!!!!!

أنا اروح ..
وش اجيب ووش اسوي .. ومنين ..
وانا في هالدوامه ..
نقز لبالي فكره ..
الا الابتسامه يوم شقت وجهي .. ههههههههههه
قلت وربي فكره ومغامره حلوه ..
خلاص يمه بروح .
وانا أنقز واروح اجيب عبايتي .. واجلس انادي على السواق .
قالت امي بتروحين بلحالك ..
قلت لا باخذ احد معي من البنات الصغار .
قالت لا انا بروح
قلت اوكي ماشي يالله تعالي
.........
ورحنا
ويوم دخلنا ..
وامي تبقى بالسياره مانزلت .
وانا انزل .. والا الناس يوم تجمعو علي ..
تعالي ياخاله !!!!!!!!!
مين خاله .. ههههههههههههههه اثره انا خاله ..
ياحظي صرت حرمه ويقولون لي ياخاله ..
لأول مره بحياتي ..
هههههههههههههههههههههه
واجلس اتمشى واختار من الغنم ..
ويجيبون لي وحده صغيره مره .
قلت لا ابي شوي كبيره
ابيها حقت ضيوف .
الا يجيبون ذيك الوحده وش كبرها اطول مني ..
هههههههههههههه
قلت لا مابيها هذي كبيره وبعدين يقولون بست ميه .. ؟؟؟؟؟؟؟؟؟
كل اللي معي خمس ميه .. وميه وخمسين للطباخ ..
الزبده
يوم لقيت ذيك الغنمه الحلوه .. قلت بس ابي هذي ..
قال كم تسومينه ؟؟
قلت يعني كيف .. !!!!!
قال بكم تبينه ..؟؟
قلت مدري انتم كم تبيعونه ..
قال ثلاث ميه ؟؟
انا نقزت عيوني من الفرحه ..
وقلت اوكي خلاص تعال ودها السياره ابيها ..
الا ذاك اللي تكلم من وراي ..
قال .. وعشرين .
قال رفيقي اللي يبيعني ..
وعشرين وعشرين وعشرين ...
!!!!!!!!
قلت هيييه انا شريته ؟؟ انت قلت بثلاث ميه .. !!!
وينط واحد ثاني قال وخمسين ..
قال برضو البياع وخمسين وخمسين وخمسين ..
انا انهبلت ..
قلت تكفى خلاص خلها وعشرين مثل ماقال الاول ؟؟
قال واحد ثاني .. اربع ميه ..
متى اكتشفت اني في مزااااااااااااااااااااااااااااااد يوم شفت الناس وااااجد وانا قبل بس انا والبياع .. والغنمه .. هههههههه
واطلع ..
ويجيني واحد يركض قال تعالي .. فيه غنم هناك على كيفك ..
قلت طيب .. جيبهم هنا ..
قال لا برا الماقفه .. ؟؟؟؟؟؟؟؟؟ قلت وش الماقفه .. !!!
قال يعني السوق اللي انتي فيه ..
قلت ايه ..
طيب بكم اول .
قال لا تعالي شوفيها .
قلت لا ماني شمس .. جبها هنا الله يخليك ..
قال طيب لا تروحين .
قلت ماني رايحه بس ترا سعرها بس 350 ..
قال طيب شوفيها اول .
المهم جابها ..
يوم جابها
وربي وربي ان اول ماشفت منها عيونها ..
يوم شفت عيونها وهي تجلس تصيح ..
احس فيها تبكي ..
واصد عنها .. دموعي تغرقني ..
قلت لا خلاص مابيها ..
ويجلس ليه ليه .. انا جبتها مناك ..
قلت بس تبيها بثلاث ميه .
قال لا راس مالها 370 ..
قلت خلاص مابيها
انا ابي الفكه منها يوم شفت عيونها والحزن اللي فيهن .. يمه

المهم رحت ادور والقالي وحده بثلاث ميه وثمانين .. واشرتيتها .,
قولوا اخيراً ههههههههههه

بس الحمد لله ماشفت عيونها ذالمره ..
وانا اروح وواديها للطباخ .
والحمد لله
والحين خلصت العزومه ..
والبنات انبسطوا
واستانسنا .. <<<<<< رقص عليكـ النمل هههههههه

وبس

,<<<<<<< مصاله

بس

<<<<<<< اعذروها على قلت الصوره التعبيره ههههههههه

:
:
:
:
:
:
:

خط نمل يبي ياكل الغنمه اللي تعشتها اليوم المطـنـوخه وصاحباتها .