يـــا اللــي شريــت البعـــد .. مـــا غـــاب طــــــــاريكـــ

[ِِِAL 3ajmiah]

شفتك بعد غيبه .. وحاولت احاكيـك
مهوب من قلبي ولا مـن جراتـه


بغيت اقول / فلان وازريـت اناديـك
وكني سمعت اسمـي معـا الالتفاتـه


فزيت من نومي وانـا اقـول لبيييـك
وآثرك رويا .. فـي منامـي وجاتـه


صفقت كف .. وقلت يا حلم يشوويـك
جددت لي جرح ٍ هنـى فـي مباتـه


يا اللي شريت البعد .. ما غاب طاريك
حتى لو ان البعـد .. سـوى سواتـه


مهوب محزني .. على حاجـةٍ فيـك
إلا إن قلبي شايـف ٍ بـك غناتـه


كن الطيوف تقـول وشحـال غاليـك
وآقول راح .. وما بقـى الا غلاتـه


لو ان ما جانـي مـن الهـم ياتيـك
كان المصلي ما حفـظ وش صلاتـه


مريت دربن .. وصادفتنـي آشبــآهك
واللي قطع كبدي .. حلاتـك حلاتـه


بغيت الخبط من دعايـاه ,, وادعيـك
واسمك وقف بين اللسـان ولهاتـه


وبغيت اجيب العيد وآقول : يرضيـك
فاللي وصاتي له .. وضيّـع وصاتـه


البعد شيّـب خافـق ٍ ميـت فيـك
والى مشى خطوه عثر فـي عصاتـه


مشكلتي / إن قلبـي يحبـك ويغليـك
ومشكلتك / انك شخص عايش حياتـه


كثر الجفا .. نار .. وحطبها تغليييـك
خف الحطب .. لا تزيد نار الشماتـه


إن ما احزنك جرح ٍ برجواه يدعيـك
ما عاد تفرق .. عيشته مـن مماتـه


قلبي وعمري .. كلهـا بيـن اياديـك
العمر فدوه .. لكـن القلـب هاتـه


وإن ما بغيت ترد قلبي مـا اوصيـك
احسن عزاه .. اللـى دريـت بوفاتـه




ممآ رآق لي لـالشاعر .... حمد البريدي المري
ولآمست آحساسي
آتمنــى آن ترتقي لـ/ ذآئقتكمـ

[ناثرة الورد]

{{ العجميــه }}
/
\
/
مشكوره على هالقصيـده الرائـ ع ـــه
الله يـ ع ـطيكِ الـ ع ـافيه
وعساكِ على القوه
ننتظر جديدكِ المميز
/
\
/
كل التحـــيهـ

[ِِِAL 3ajmiah]

المشاركة الأصلية كتبت بواسطة ناثرة الورد

{{ العجميــه }}
/
\
/
مشكوره على هالقصيـده الرائـ ع ـــه
الله يـ ع ـطيكِ الـ ع ـافيه
وعساكِ على القوه
ننتظر جديدكِ المميز
/
\
/
كل التحـــيهـ

الله يقويك ويسلمك

كل الشكر لمرورك الكريم اللي أسعدني ~

احترامي ..

[لبيك]

صح لسان الشاعر حمد البريدي

ولاهنتي على نقل القصيده ولابداع

تقلبي مروري ,,,,

[فهـد العجمي]

مشكلتي / إن قلبـي يحبـك ويغليـك
ومشكلتك / انك شخص عايش حياتـه




صح لسان الشاعر حمد البريدي
وصح لسانش والله لايهينش على نقل الرائعه

[ِِِAL 3ajmiah]

المشاركة الأصلية كتبت بواسطة لبيك

صح لسان الشاعر حمد البريدي

ولاهنتي على نقل القصيده ولابداع

تقلبي مروري ,,,,

صح بدنك أخــــوي لبيك

لاندمت الله يحفظك ~

[ِِِAL 3ajmiah]

المشاركة الأصلية كتبت بواسطة فهـد العجمي

مشكلتي / إن قلبـي يحبـك ويغليـك
ومشكلتك / انك شخص عايش حياتـه




صح لسان الشاعر حمد البريدي
وصح لسانش والله لايهينش على نقل الرائعه

صح بدنك ..~

لاندمتـ .. الله يعطيك العافية ..

[وافي بن وافي]

بغيت اجيب العيد واقول : يرضيك ..... فاللي وصاتي له .. وضيّع وصاته .......................................... مشكلتي ..ان قلبي يحبك ويغليك .....ومشكلتك.. انك شخص عايش حياته الله الله رائعه بمعنى الكلمه صح لسان الشاعر حمد البريدي وسلمتي على هذا النقل الممتع تحياتي وتقديري

[موادعك خيره..!]

للتصحـيح ..!


مريت شارعكم .. وصادفنـي أخيـك
واللي قطع كبدي .. حلاتـك حلاتـه


ما هو ..!.
.

مريت دربن .. وصادفتنـي آشبــآهك
واللي قطع كبدي .. حلاتـك حلاتـه
.
.
.



وصح لسان البريدي ولاهنتي عالنقل ..

[ِِِAL 3ajmiah]

المشاركة الأصلية كتبت بواسطة وافي بن وافي

الأروع مرورك ...

صح بدنك .. الله يسلمك ~