غريب
صوتي اللي في غيابك
مالقى غصنٍٍ رطيب
ليلة البارح
يفتش في جيوب الغيم عنُك
يستفزك
ينثرك في باله المشغول بك
عطر ويشمك
وش يهمك
هيه ياترنيمة الرمان
في ثغر الندى
ياشتاي اللي تلحف بارتباكاتي
وضحكاتي على صدر المدى
اجمعي ليلٍ(ن) تشتت في عيونك
كلما ضل اهتدى
هيييه يـ آنا اللي بدونك
كنت غافل
كنت جاهل
كنت طفل
اقصى طموحه روحة الدكان
مادري ثوب عيد(ن) لو تشيطن وانقطع كمه
بكى
***
ياجهاتي
تذكرين الساحل اللي ضاق بي وبذكرياتي
كنت واقف
في ركام الصمت
افتش عنك في لحظة غيابك
ارتسم بدر(ن) تجلا في السما
ماضمه الما
دق باب الغيم نادى النجم
مارد الندى
انحنى ينسج مواويله وطن
مادري شجن حرف(ن) تلعثم بالمسا
***
يسألوني
عينك اللي تغتسل بالدمع لاشافت وطن محتل
ليه استعمرتني؟
وارتمي في رمشها
واقول بالله اسجنيني
لجل احس اني طليق وحر
بالله اسجنيني
اسجني الظلمى
وطهر الما
وهمسات السحاب وحاصريني
اسجني القدس بعيونك
لجل يتحرر وطن
ماحرره عشرين دوله
صمتها ما يحتوني
للشاعــــــر .. عبدالله عبيان اليامي
منقـــــــــول
14-08-2005, 11:05 AM
العرض العادي
المواضيع المتشابهه
