صحافتنا وتصفيه الحسابات...

[فهيد الكفيف]

الحرامي مو مثل أول
كريه.. وإلاّ شيفه
ولا لازم .. تلقا في وجهه أثر
جرحٍٍ قديم
أو بعد.. ندبه خفيفه
الحرامي الحين ممكن لو تشوفه
من حلاته .. تقول :هاك
هاك كل اللي تبيه
بس أطالع بسمتك هذي الظريفه
أنا ما أقصد أبد عمي الخليفه
***
الحرامي الحين تغير
وصار يواكب الحياة
صار ما يهتم للأشيا البسيطه
والفتات
صار يفكر
شلون يبوق الشركات؟
شلون يسرق ناقلات؟
شلون ينهب بورصه؟
شلون يخلي الديره تمشي
على كيفه؟
أنا مو قصدي ترى.. عمي الخليفه

***
الحرامي مو مثل أول يبوق
لنّه.. جايع
الحرامي صار يظن البوق
من أحلى الطبايع
وإن مال الناس هذا
مال حلال
مال ضايع
لو ما لحَق أهو عليه
صار هذا المال .. فاسد
لا له شاري .. ولا بايع
واحنا مفروض نشكره
إن هو فكر يبوقه
ونشكر الفكره الحصيفه
أنا مو قصدي ترى.. عمي الخليفه

***
الحرامي الحين يبوق
من أجل الهوايه
مو لأن المجتمع
ما عطاه الحق يعيش
أو لأنه مالقى
فالعيش وسيله
ولا غايه
أو لأنه شاف نفسه ..فجأه يائس
وشاف عمره يقترب نحو النهايه
أبدا
أهوَ ياسيدي يبوق
بس.. هوايه
أو أحيانا يظن
إن هذا المجتمع كله غبي
وشي محزن له ..وجوده بينهم
فضروري يدفعون
شي أشبه "بالجبايه
وهَمّ ..لازم يدفعون
حق هالطلة البهية
والذرابه
والتهندم
والغتره البيضا النظيفه
أنا مو قصدي ترى.. عمي الخليفه

ما كتب اعلاه قصيده عموديه نشرت في جريده(الجريده) والمقصود فيها علي الخليفه الذي يمتلك ابنه جريده (الوطن) والذي قام بدوره سابقا بالتشهير وفتح ملفات مالك جريده (الجريده) محمد الصقر وهذا غيض من فيض وكما يعلم الجميع عن الحرب الكلاميه التي حدث بين مالك جريده(الراي) جاسم بودي وخليفه علي الخليفه مالك جريده(الوطن) وما نشر فيها من غسيل لكلا الطرفين...

هل هذه صحافتنا وهل هذه واجه البلد الاعلاميه التي قرأها القاصي والداني لابد من سن قوانين لتنظيم النشر لاخراج الكويت بصوره اعلاميه افضل مما يحدث حاليا..

ولكن من يسمع؟!

تحياتي لكم...

[الخليفه]

لاحول والاقوة الا بالله
هذي مسؤولية وزارة الأعلام ووزيرها المحيلبي
لاهنت يأبومحمد على ماذكرته
وبارك الله فيك ووفقك الله

[ابو سويلم]

اخوي فهيد مشكوور على الموضوع....

ياخي كلهم حراميه والأدهى من ذلك صاروا يتحكمون في اعضاء مجلس الأمه يلمعون من معهم ويمسحون بكرامة اللي ضدهم....

كان يوم من الأيام الوطن تلمع مسلم ولأن شوف شنو تسوي فيه!!!!!!!!!!!!!!!!

والراي العام تقول عن السعدون والجري ومسلم الكوكباني الثلاثه.........واللحين ياسلام على التكتل الشعبي!!!!!!!!!!!!!!

ولك تحياتي...

[فهيد الكفيف]

عبدالله ال زريق - ابو سويلم

اشكركم على ما قدمتم وعلى مشاركتكم

نعم الاعلام المرئي اصبح بيد حفنه من المتنفذين الذين يتعاملون على حسب مصالحهم ومعتقداتهم فقط للاسف

تحياتي...