(( عجـــــــمـــأن لا قال الصــــــبي أرفع الرأس ))

[خالد بن مسلم]

السلام عليكم وحمة الله وبركاته


أخواني أعضاء منتدى العجمان بعد غياب طويل من ظرووف خاصه

وودي اقدم لكم هذي القصيده وارجو ان تعجبكم.


وهذي قصيده من قبيله لها مكان كبير من الغلى في قلبي وهي قبيلة العجمان

وكان ودي اكتب فيها والله من غلاها ولو اني داري ما اقدر اوفي في حقها

فواجهت موقف انا وكان اقرب ناس لي في هذا الموقف عجمان جعلني

ماخلى منهم.






وصلوا على النبي

الشعر والتفكير وكثر الهواجيس=وبيتٍ بدعته للدواوين ينقاس
بنك القصايد عندنا دون تفليس=نروي عطش منهو مهدد بالفلاس
كرست أنا كل الشعر منه تكريس=وأخرجت ناتج من مشاعر مع احساس
شاعر وأعرف أمدح رجال النواميس=وأعرف أميز كاسب الطيب والساس
سقت الشعر في مدح منهم سناعيس={عجمان} لا قال الصبي أرفع الرأس
أفعالهم بين القبايل فوانيس=وصغيرهم دايم على الخيل فراس
ماقد سمعنا منهم واحدٍ هيس=ولا سمعنا منهم واحدٍ عاس
قومٍ تكّرم من وجيه المعابيس=دام الفعايل عندهم دون مقياس
شاعر وأعرف الحق وبيض الفيس=وارقا على ساسي ودايم قوي باس
خالد بن مسلم ولد شيخٍ فطيس=دام {السبيعي} أخر اسمي بالقواس
قلت أتشرف يا وجيه السناعيس=في مدح قومٍ صيتهم يرفع الرأس

وسلامتكم



أخوكم



خالد بن مسلم السبيعي

******************