ّّ تدرين قبل أعرفك .. ! ّّ ( قصة غرام)

[عايض الوقدان]

صباح الخير /



قديمه .. متواضعه .. اتمنى لها المرور من قلوبكم



/

/

/


تدرين قبل اعرفك عايش بهم وسقيم
اطرد سراب السعاده عام يقفاه عام


وتدرين قبل اعرفك عايش وحزني نديم
اضحك واجامل بضحكاتي عيون الانام


وفي غيبت النور وحضور الظلام العتيم
مريتي البال وانزاحت سدول الظلام


جيتي ولا يشبهك في جيتك غير غيم
تروي هماليله القيعان شرق(ن)و شام


آحييتي امآل شاعر كل ليله يهيم
ورسمتي احلام عمره بين شوق و هيام


يا اجمل من الورد لا داعب هبوب النسيم
يا اعذب من الشعر لا ترجم شعور الغرام


البعد عنك جحيم القرب منك نعيم
عليك يا ملهم الاحساس مني سلام


هاك الوفا من يميني عهد وانا كريم
وان شان وجه الزمن تبقى وعالي مقام


ولك في خفوقي غلا واشواق والله عليم
وحب(ن) معاك ابتديته جعل ماله ختام





وسلامتكم

[ابوعبدالرحمـن]

صح لسانك
ولاتحرمنا من جديدك

[ليــه يازمـــن]

صح الله لسانك وقديمك بالنسبه لى جديد

مشكور ولاهنت

[" مــــابه جديــــد "]

صح لسانك ياعايض
وعلى ما قال السنافي الي قبلي
القديم بنسبه لك جديد بنسبه لنا
لااهنت ولاتبطي علينا بقديمك الجديد

[((الغنج))]

وانتظار جديدك

تحياتي لكـ

[خلاوي الشمالي]

ياسلام عليك يابومحمد

والله مبدعه

اتمنى انك ماتشح علينا

تقبل مرووري

[عبداللطيف أبوظهير العنزي]

صـــح لســــانك يابو محمـــــد على هالاحســـاس المـــرهف

((متشــــوّق لأبيـــاتك وأروتنــــي في هالنـــــــص))

تقبـــل مـــــروري

أرق التحــــــــــــــــايـــــــا

[عبدالله ابوعجيم]

عايض .. شهادتي فيك مجروح يا (( استاذ الابداع )) انت شاعر بمعنى الكلمه تقبل مروري اخيك عبدالله ابوعجيم .. اسمك منا ورايح (البرنس)

[عويضه الوقدان]

عايض العجمـــــي


صح لسانك يا أبو محمد

وشهادتي فيك مجروحـــه جداً

مبدع وعذب وجميل

لاتبخل علينا بجديدك

تقبل تحيتي

[هادي بن فهاد]

يا اجمل من الورد لا داعب هبوب النسيم
يا اعذب من الشعر لا ترجم شعور الغرام
:

:
صح لسانك يا أبو محمد