اخواني واخواتي الاعزاء في هذا المنتدى الشامخ باسمه وبوجودكم
السلام عليكم ورحمة الله وبركاته وبعد
اضع بين ايديكم هذه القصيده المتواضعه واتمنى ان تحوز على رضاكم
صلوا على النبي
للعشق برهانـن وللشعـر عنـوان=وانـا بيوتـي للـغـلا مستخـيـره
كن الشعر يصرخ من الشوق ولهان=ويقول صف من البيـوت العسيـره
ياصاحبي اكتب لك الشعر طربـان=واحط لـك بيـن المخاليـق سيـره
جيتك غلا وانا من الشوق ضميـان=وارويتني شـوق الـورود وعبيـره
عينتنـي بالقلـب رئيـس ديــوان=وعينتـك بقلبـي بمنصـب سفيـره
يامعلمتني بالغـلا فـرق الازمـان=ويامعلمتنـي بالفـراق ومصـيـره
انا لعينك فالقسـا جيـش واركـان=انـا حزامـك والفشـق والذخيـره
ياماتحملـت الخطايـا علـى شـان=محبـةٍ فـي وسـط قلبـي كبيـره
محبتي غطت على حـب الاخـوان=وغطت على حب العشير وعشيـره
وغطت على حب المسافر للاوطـان=وغطت على حب العمـى للبصيـره
انتي سواة الشعر في صدر (عبلااان)=شاعر وذكره فـاق شبـه الجزيـره
حبك تعـداا حـب يـامٍ لركـاااان=لانه رحل !! ولا لقوا شخص غيره
وحبك تعـداا حـب يـامٍ لنجـرااان=ديره !!ولكن عـن ثمانيـن ديـره
ولو بوش شافك قبل ماهـدد ايـران=ماكـان صـرح بالعلـوم الاخيـره
بالمختصر حبك ماقد عاشه انسـان=جيتي وصرتي وسط قلبـي اسيـره
ماباقـي الا كلمتـن شانهـا شـان=كلمة وفاء لاهـل العقـول الكبيـره
مهما حصل منها فلانيـب زعـلان=وانا احمدالله فزت بااحلا (أميررره)
03-05-2006, 01:58 AM
العرض العادي
