سجل أعجابك .. بأبيات شعراء المجالس .. فقط ..

[عويضه الوقدان]

كانت لي أعظم طموح وكنت فيها أسير=من طيبتي في (ربوع الصدر) سكنتها
يا قلب لا تكثر الشرهه وخلك كبير=خطاي بأني على النيه وصدقتها

للمبدع / عايض العجمي

عزاه من وقت ٍ مدى الدهْـر دوّار=وعلى كريمين اللحا .. سل سيفـه
تولّت إصدوفه طويليـن الأشبـار=وما قرّبت لأهل النفوس الضعيفـه
جانا زمان القرش .. سترك يا ستار=وروّح زمان أهل السيوف الرهيفه
فيه الردي .. قام إيتعامل بـدولار=كايف .. ووقته جا على كيف كيفه
واللي مضرّينه علـى شبـة النـار=ما عيّن اللي يجمّله ... تـو ضيفـه
يحز في خطّر هل العرْف .. بيطـار=كفّه غدت ..لكفوف حاتم .. خليفه
يدلّه الضيفـان .. وإيدلّـه الجـار=ونيّتْه ... ما هي يالسنافي ... نظيفه
أما ريا ,,, وإلا يبي الصيت ينـدار=بين الرجال ... وتطمح إله العفيفه
ولا رجا حسْنه من النافع الضـار=ولا تذكّر يوم عـرْض الصحيفـه
الرجْل .. لوّه من طويلين الأعمـار=إن ما حضنْه القبْر ... تاليه جيفـه
ما يدري إن عقب القبر جنّه ونـار=في يوم يجحد كل ولـف ٍ وليفـه
يالله عسى جيزي مع جيز الأبـرار=نعْتق .. إلى جا يوم عرض الصحيفه

للمبدع / العســـر

[العـــسر]

لـــ / خالد .. وبس

لو اليتيم .. اليا نضب دمعي .. يسلّفني دموع
يمكن يحس بقيمة احزانه ... وقيمة مدمعـه!



الله يبراك على ذا البيت

[النـوف]

مشاركة أولى بـ هالطرح


/
\/

نبرة الأحزان في صوت السقيم=تجرح شعوري ولاتترك كـلام
يذكر جروحه ليا هب النسيـم=ويذرف دموعه ليا حل الظـلام
الفرح في دنيته رجل(ن) عقيـم=ماله ألا الصمت والشكوى ملام

:
:


عويضـة الوقــدان



/
\/

[العـــسر]

البنـادم دايـمٍ امـرة عجـيـب=واعتراف الشخص من واقع حزن
كل مايخطي يحسب انه مصيـب=ولا وقع في سوء زلاتـه فطـن
يحسب انه في بعض الاشياء ذيب=مايعرف ان كل شـي لـه ثمـن
الله اكبر يـوم جيتـك يالطبيـب=زاريٍ عقلي وانا صاحـي بـدن
هقوتي وان كان ظني مايخيـب=من خواطر تيه مدري من شجـن
علتي فالجـوف واقدهـا لهيـب=والغلا نسناس وضلوعي غصـن
والموادع حلم والفرقـا نصيـب=والشوارع تيه والظلمـا سجـن
والصدى للصوت لانادى يجيـب=والبيوت قبـور والوحـدة كفـن
والحزن فانوس والهاجس صحيب=والوصل مجداف وأمالـي سفـن
عايشٍ في دنيتي عيشـة غريـب=لافراش ولا متـاع ولا وطـن
ذي عيوني تطلع الشمس وتغيـب=تسرق الغفوات من عين الزمـن
والشجاع اللي بقى جرحه عطيب=مايعرف الغدر يوم انـه ومـن
وان تدارك غلطته وابقى صويب=زاد غبنه مـن معادينـه غبـن
وان تفقد مهرتـه عنـد المغيـب=سابقات الارياح مافيهـا رسـن
امتلابي الحزن فالصدر الرحيب=واشهد انه فـي مداهيلـه زبـن
كان جرحي طاب والا لايطيـب=بغتنـم ثلثيـن عمـري مابقـن
لو بقالي يـوم ماقبـل المشيـب=لأشتري سعادتي بأغـلا ثمـن!!

لـــ/ منصور بن جعشه

[عويضه الوقدان]

يا (جرح الايام) تكفى لا تبكّيني=جفت دموعي وانا ابكي من معناتي
وش عاد باقي بعد ضيعة عناويني=وش عاد باقي عجزت ألملم شتاتي
اضحك كذا بس لاجل اقهر عدويني=منتي من القلب يابسمه على شفاتي
هزيت (غصن الطموح )وطاحت سنيني=مدري متى تصدق ضنوني وهقواتي
اخايل البعد والذكرى تسريني=و(درب العنا) فيه ما تقصر مسافاتي
(الّحن الشوق) وبصوته يغنيني=وتخط يمناي صدق الشعر وابياتي
عسا يعود الحبيب اللي مجافيني=ويزين وجه الفرح وتغيب مآساتي
من وين ما ألد عيني تلمحه عيني=واشوف طيفه بروحاتي وجياتي
اي والله اني احبه حب مغّويني=من بين هالناس هو اللي( سكن ذاتي)
ياليل قله عن اللي مأثرن فيني=تعبت اكابد هموم القلب واحاتي
ماني بمرتاح وغيابه معنيني=وان جيت ابرتاح يفضحني تنهاتي
ان كانه اليوم بايعني وناسيني=حسبي على الحب ضيع لي (طموحاتي)

المبدع الشاعر / عايض العجمي

[شمآليه]

ولن الورق..ما لاعته حزت إفراق!!

وحسبي عليه..ولوعتي من فراقه!


لــعبدالله سالم بن سعيد

[ناصر الحميداني]

اعجاب بالمبدع دوما .....
الشاعر عايض العجمي.....



لا جديد بحالتي غير هم / ودمع عين
ولا جديد بغربتي غير فقدان الأمان

ضاع حلم العاشق اللي (قضا عمره سجين)
ومات قلبه/ زاد نزفه / وضاق به المكان

فجّر الخافق ودكه صدى صوت الونين
الله اقوى وش بقى ؟ لا مكان ولا زمان

بعت قلبي يا (هوى البال) يا حلم السنين
ماني مصدق عيوني وقلبك كيف خان؟

كنت احسبك (فرحة العمر) فالوجه الحزين
وكنت احسبك ممتلي حب واشواق وحنان

وين قلبك / وين عشقك /وشوقك /والحنين؟
بهالسهوله هان قلبي وحبي كيف هان؟

انتهينا وانتهى الحب لو عذرك سمين
لو يزيد الجرح ابصبر وربي مستعان !!

[شمآليه]

صاحبـي لـو كـان فـي جوفـي كــلام
الـهـواء غــلاب والـصـدر مخـنـوق
أي نـعــم أهـــواك يـابــرد وســـلام
ياغـرام العـشـق وأحسـاسـك يـفـوق

لــ/عـــويضــه الوقــدآن

[النـوف]

هو طير .. وانا مطيور ..!



على الغصن .. ياكثر العصافير كثراه
وانا مالقيت من العصافير .. عصفور




سوى من خذاني بالجناحين وياه


و هو طير .. وآنا في محبته مطيور ؟!





خـــالد وبس

[محمد العزٌآم]

رجال ولابكـت ماهيـب عيبـه
قـل العيبـه رجـال ٍ ماتبالـي


لـ محمد آلمجول