السلام عليكم ورحمة الله وبركاتة
وردتني رسالة صباح اليوم من احد الاخوان تحوي قصيدة يقول انها
للشاعر محمد بن الذيب
بعد توقيفه هذه الايام في قطر لدى امن الدوله
ونقول صح الله لسانك يابو راشد والله يفك اسرك وتخرج باذن الله من الموقف اللي انت فيه وتغرد باجمل القصائد واعذب الالحان خارج السرب
من الايام مدري ويش حشنا
على طاري ياقلبي ويش حشنا
احاسيسي من اللهفه تغني
وحشنا الشعب والقايد وحشنا
سلام آللَـّھْ على رمز القياده
اميرِِ عمر الدار ونعشنا
تعرشنا الدول من كل ديره
لاكن من يوم جا محدن عرشنا
بسط افضال جنحانه علينا
مخاليبك عطيبه ياوحشنا
لكن ياسيدي والعلم الاخر
انا عجمي من العجمان واشنا
كلام ينتفظ قدري فـعينك
خرش خبلان الارض وماخرشنا
خبش الاجناب ماجبنا خبرهم
ولاجبنا خبركم ياحوشنا
لو ان بالحبشه عجمي جلاوي
كسر سوق النجاشي ياحبشنا
وان امثل قبيله من قبيله
يطفشنا الزمان وماطفشنا
قبل عبدالعزيز وحكم جدك
يوم إنا بدو نقطن عششنا
مع الحاكم لاقدمنا يدينا
لو تكوش العرب قهرن ماكشنا
ولا دقت طبول الحرب جينا
قبل ماتغبش الورقا غبشنا
ياكم ليله تعزوينا عرايا
لك آللَـّھْ سترنا خصله كششنا
بدا راكان بن حثلين فينا
وناش من الفخر بيده ونشنا
والي من عنها والدم فايظ
ماكثرنا العلوم ولا ارتبشنا
ولاقلنا ياراكان اذكر آللَـّھْ
وردنا الجم واروينا عطشنا
ولانرضى من الحاكم مذله
انبادله العدل وان طاش طشنا
لو ان بندقه ما بين المحاجر
تثور من المعزه مارمشنا
وبنادقنا ماتقدح في خفاها
مواترنا تصلح في ورشنا
لاكن الوقت ملعون الصلايب
بلشه آللَـّھْ ويدور بلشنا
يعيرنا ۆ حـنا مانعير
رجال ماحسبنا لابطشنا
على سطح القمر نركز بيارق
وغصبِِ من على الحكام عشنا
تحياتي للجميع
فهد بن محسن