السلام عليكم:
حبيت اوضح لكم نقطـــــه مهمه, إن شاءلله عند الاستخراج الفيزا والتوجه إلى بريطانيـــــا عند الجوازات الموظفين حق الاختام الدخول يسؤلون بعض اسأله تجاوب عليهـــــا مثلا:
وين تدرس اي جامعه
اي تخصص
منو يساعدك بالفلوس (قول والدي او اخوي)
وين الجامعه اي منطقه
وين بتسكن
يفضل إنك تجاوب عليهـــا لانك بالصوره إنك جاي بريطانيا معاك ايلس لابد تعرف
ولا اقول الكلام هذا تخويـــــف او تهبيط العزيمه,,,,, فقــــط عشان يكون عندك علم شنو راح يصير قدامك
وإذا ما عرفت تجاوب (ما ادري شنووووو يصير ) لان ماشفت احد ردوه بالجوازات لمدة اكثر من سنتين
والنصيحه الثانيه:
عند الوصول المنطقه إلى فيها الجامعه تتوجه مباشره إلى صندوق الجامعه عشان تسدد رسوم الجامعه إذا مسددها وانت في الكويت روح طلع هويه الجامعه وبعدها سجل بياناتك بكمبيوتر الجامعه عشان يصير لك ايميل خاص حق الجامعه و اسم الدخول وكلمة السر حق المواد,,,,,,
النصيحه الثالثه :
توجه إلى محطة القطار بالمنطقه إلى ساكن فيها اخذ ابلكيشن حق الطلبه معاها صوره توجه إلى مبنى الجامعه الفوستر او i عشان تحصل على خصم كل تذكره فيهـــــا توفير كبيـــــــــر جداااا جدااا,
النصيحه الرابعه:
إن شاءلله عند السكن تاكد من ثلاث الماء نظيف وسخان المركزي والدفايات في كل غرفـــه ويفضل لا تسكن في بيوت الزاويه (بيت الراس) تكون بارده جداااا اخذ بيت سد لد دافي لان جيرانك يسكرون عليه من الهوا البارد(زمهرير) في بداية شهر 12 إلى شهر 3 , وتاكد من الكهربــــاء سليمه ليتات البلاكات (غساله ملابس اوتوماتيكيه اسهل واسرع, اشرط على راعي البيت يجيب لك تلفزيون ثلاجه مخمه كهربائيه لان هذا حقك وعند الاجار قول قبل توقيع العقد إذا في شيء ناقص اتصل تجيبه لي ولازم مفروشه الشقه او البيت,
النصيحـــــه الخامســـــه :
تاخذ الجواز وصورتين ومبلغ 35 تقريبا وتروح حق المخفر المنطقه تطلع الهويه الرسميه وفيها العنوان السكن تقول حق الشرطي كلمتين فقط ( ريجيستر فور ستادي) راح يعطيك ورقه تكتب فيها بياناتك , وتخلص بعد يومين او اكثر.
النصيحــه السادسه:
اشتراك الانترنت تلقى كل بداية سنه دراسيه في مبنى اتحاد الطلبه عروض شركات انترنت وعروض شركات اخرى مثل اشتراك كرت رسيفر حق المباريات sky sport طبعا كل الاشتراكات بعقد سنه دراسيه وليس سنه فعليه وارخص من بره الجامعه.
النصيحه السابعــه:
في ضريبه على التلفزيون لازم تدفعا اذا عندك بالبيت تلفزيون قيمتها 120 اكثر او اقل شيء بسيط اذا ما دفعت الضريبه وصادو عندك تلفزيون تدفع 1000 باوند ( طبعا انا طوفة ودفعت 1000).
النصيحه الثامـــنه:
فتح الحساب في بنوك بريطانيا مثل HSBC هذا بس تجيب قبول وتقول بفتح حساب , قولهم حساب اسلامي اسمه(الامانه), اما بنك lloyds لازم تجيب ورقه من الجامعه والجواز يصورونه كل الصفحات السفر.
النصيحه التاسعــــــه:
عند السحب من البنوك اختار البنوك الضاهر بشارع رئيسي ولايكون في (داعوس) احتياط فقــــط... يفضل وقت النهار , خصوصــــــــا في ((لنـــدن)).
النصيحه العاشــــره والاخيــــره:
في الغربــــــــه توكل على اللــــــــه في كل شيء , دع ما يريبك إلى ما لا يريبك.
فعن أبي هريرة رضي الله عنه عن النبي صلى الله عليه وسلم قال: { السفر قطعة من العذاب يمنع أحدكم طعامه وشرابه ونومه، فإذا قضى نهمته فَليُعجل إلى أهله } [رواه البخاري ومسلم].
أسأل الله العزيز العليم الحكيم أن ييسر أمورنــــا ويشرح صدورنــــــا ويثبتنـــــــــــا على طاعتـــــه واجتناب معاصيه, اللهم نشهدك ونشهد حملة عرشك إنك لا إله غيـــــرك فإنك وحــــدك كما اثنيت على نفســـك .
14-09-2010, 02:54 AM
العرض العادي
المواضيع المتشابهه
