لبيه لبيه لبا والله إعروقش **ياللي تفلين صدري كل ماضاقي

[سالم ال مخلص]

كل عام وانتووو بالف خير

لبيه لبيه لباوالله اعروقش = ياللي تفلين صدري كل ماضاقي
أموت في ضحكتش وأحيا بمنطوقش=واهيم في طيبتش وأسلوبش الراقي
أنتي بموقي وآعرف إني وسط موقش= وعيونش السود تخلف هقوة الهاقي
الله على ليلش اللي طاح من فوقش= غطى على صبحش اللي كنه براقي
ورمانش اللي زما من تحت رقروقش= كنه على شرفة البستان متلاقي
يفوح وردش لمنه مال غرنوقش= وتغار كل الورود اللي على الساقي
وان مال عودش ومنا مال صندوقش= جمال شامي على تركيبة إعراقي
جمال كل الصبايا ضاع في سوقش=خذيتي الزين وأعطيتيهم الباقي
ياويل حالي لمنها لاحت ابروقش= وإن ولعت جمرتينش شبت أوراقي
أذوق منش شوي وأرجع أذوقش= وأشربش كلش وأصبش داخل أعماقي
ذوقش على ذوقي وذوقي على ذوقش= وأشواقش اللي تسابق كنها أشواقي
ومشاعر الحب نوقٍ حنت لنوقش= كن هرزمتها نياقٍ شافت نياقي
وظروفش اللي على هجراني تسوقش= قطع الوصل ماأختلف عن قطع الأرزاقي
أهواش وأهوى هواش وزهر زملوقش= وأحب غفوة عيونش ساعة إعناقي
وآقولش كل مافكيتي اسبوقش = ونادتني أعيونش اللي تنوي إفراقي
لبا عيونش ولبا والله أعروقش= ياباقي العمر وأحلى عمري الباقي

[عبدالله آل عامر]

وأنت بخير يا مذكري......وصح لسان على ذي القصيدة الجزلة

تحياتي لك؛؛؛؛؛؛؛؛؛؛؛؛؛؛؛

[فهد بن حنس]

الشاعر الفذ سالم
ياباقي العمر واحلا عمري الباقي

مشاء الله ماخليت للشعار وصف ولا درب يالذرب قصيده رائعه
كروعة مشاعر من صاغها
تسلم وتدوم
اخوك فهد العتيبي

[عجميه الرس]

سالم ال مخلص




بصراحه رووووووووعة



تسلم يديييييييييييييينك يالغلا

[النـايف]

سالم المخلص

صح الله لسانك مليووون ولا يكفووون يالسنافي .. والله لا يهينك ..

النايف

[فهد بن محسن]

الاخ سالم ال مخلص

صح لسانك ولا هنت على كتابة هذه الرائعه

تحياتي لك

[محمد المحلكم]

صح والله لسانك قصيده كفوووو

[بدر العرجاني]

سالم آل مخلص

لبى والله كبدك على ذا القصيدة

عز الله جزلة من جزل

ولا تحرمنا قصيدك يالذيب

[عايض ال مطلق]

سالم ال مخلص

صح لسانك

بصراااااحه جزل

وابدعت

ابتسمت للأبيات وانا اقرأها,,

اهنيك على سعة خيالك وانتقائك للمفردات,,

ابشرك الأمسيه يمدحونها وانشألله بتجهز الأشرطه الايام الجايه

بس يقولون ملح الأمسيه المقدم

اقبل تحياتي

[سالم ال مخلص]

المشاركة الأصلية كتبت بواسطة عبدالله آل عامر

وأنت بخير يا مذكري......وصح لسان على ذي القصيدة الجزلة

تحياتي لك؛؛؛؛؛؛؛؛؛؛؛؛؛؛؛

مرحباااومسهلا ياعبدالله

وصح بدنك

وشرفتني بمروورك المشرف

والتحيه لك طال عمرك