يا الله ياللي بيدك الضيق و افراجه

[صدى الذكرى]

يامـل قلـب يسـج وفيـه دولاجــه
من هاجس بالضمايـر قـام يدرجهـا

في معزل عن جميع الخلق وازعاجـه
ما اسمع من الناس لو تكثـر لجالجهـا

ما غير اهوجس تقول مضيـع حاجـه
آخذ واسند علـى روحـي و اهرجهـا

و ادوج لوكـان مارجلـي بـدواجـه
ادلّـه النـفـس لـيـن الله يفرجـهـا

يالله يالـي بيـدك الضيـق وافراجـه
يا خالـق الخلـق ياقاضـي حوايجهـا

تفرج لعين الـذي أغفـت بسوهاجـه
تجهز عليها الطواري ليـن تزعجهـا

بالصدر ضيقه و نوم العيـن هملاجـه
عيني من العـام و السهـر متولجهـا

نـوب سهرهـا شديـد ونـب نهاجـه
و مر تكن الدمـوع و مـر تزعجهـا

عليـك ياللـي بقلبـي كـن وهـاجـه
وهاج نار هـوى الغربـي يسارجهـا

أبـو ثمـان تشـاد اللولـو لعـاجـه
كن البرد يوم يضحـك فـي مفالجهـا

يا روح روحي و جرح القلب و اعلاجه
الطف بحـال عليـك الهـم ساهجهـا

قلبي يناجيك بسلوب الهـوى .. ناجـه
يشكي لك الحـال داخلهـا و خارجهـا

اما التفت لي و تـم الوصـل بمواجـه
و الا بـلا عشـرة هـذي نتايجـهـا

وش ينفعك من حنين القلـب وخلاجـه
و جروحي اسبابها انت و لا تعالجهـ


* الشاعر : عبدالله بن عون .

و تقبلوا تحياتي