الألف أجيب أبيوت طعم العسليا=والبحر بالمرجان واللول مليا
وأنا علي موج المحيط أحتمليا=في غبة الأمواج سباح وأعوم
والباء بعد أفعول زبن الونيّه=يستاهل الترحيب والشاذليّه
طيّب وراسه دون ربعه حميّه=لوكان جنسه في هذا الوقت معدوم
والتاء تري العاقل تجيه الرياجيل=أهل الكرم والطيب والبن والهيل
دايم ونظراته علي الجدي وأسهيل=والطيّب أعزّه ولانيب مليوم
والثاء ثلاث(ن)كلّها من خصاله=أمين وافي وعد صادق مقاله
ما يعتبر حسنات كفّه جماله=والطيب بوجيه الأجاويد مرسوم
والجيم جارك له معزّه وتقدير=أحفظ له أسراره ولا يدري الغير
ولامن نوي بالشر تنوي له الخير =والرجل عن عورات جيرانه يشوم
والحاء حلال المدح ما هو حرامي=لا صار في رجل(ن)رفيع المقامي
أقولها من دون ذكر الأسامي=عسي عيون اللاش تحرم من النوم
والخاء خويّك لا تنزل مقامه=قدّر رفيقك لا تجيك الملامه
طبع الرجال أهل الوفاء والشهامه=حق الخوي عند الأجاويد ملزوم
والداء دروب الطيب عسره تعيبه=واللاش ما يقدر عليها صعيبه
أقولها من دون شك(ن)وريبه=سلم الردي عند الأجاويد مذموم
والذاء ذميم النفس مالك وماله=خلّك بفالك خيّب الله فاله
هذي نصيحه والنصيحه رساله=رسالة(ن)والختم ما هوب مختوم
والراء ربيت بحب كل المشاكيل=هذا كلام الصدق ما فيه تظليل
يا رب جنبنا طريق المهابيل=يا الله أنا طالبك في الليل واليوم
والزاء زميلك عطه حق الزماله=أدمح له الزله ورؤف بحواله
يدمح خمالك وأنت تدمح خماله=المسلمين أخوان والدين مفهوم
والسين ساير والدينك بالأحسان=هذا كلام الله منزل بقرآن
أخفظ جناح الذل لو كنت زعلان=ولا تقل أف(ن)ثم تصير محروم
والشين شاور من يحل الشكالي=مشهود له بالخير رجل(ن)مثالي
مثل الحرار اللي بروس الجبالي=يعطيك رائ(ن)زين والسر مكتوم
والصاد صل الفرض وأحفظ صلاتك=حافظ عليها قبل تقفي حياتك
وأرحم فقير الناس واعطه زكاتك=فرض(ن)عليك الخمس والحج والصوم
والضاد ضيف الله سوات العباده=أكرم ضيوف الله تجيك السعاده
والا الردي ما منه غير النكاده=يجلس بدون افراش ماهوب معزوم
والطاء طلبت الرب يغفر ذنوبي=قبل شروق الشمس وقت الغروبي
ويوم الحساب ويوم كشف العيوبي=واللي يصيب العبد في اللوح مقسوم
والظاء ظليمه عاقبتها وخيمه=تري العقوبه عند ربك عظيمه
اخذوا الحذر يا هل العقول السليمه=من يهتني بالنوم وأخيه مظلوم
والعين عينك صونها عن حرامه=غض النظر وأن كان تبغي السلامه
حافظ علي دينك بحزم وصرامه=وأبليس بين الخلق ملعون مرجوم
والغين غاوي من تغزّل بنسوان=عزالله أنه يا الأجاويد خسران
وأعوذ بالله من وساويس شيطان=غير النبي محد(ن)من الخلق معصوم
والفاء فعول الرجل تسبق كلامه=يا اهل الشهامه والوفاء والكرامه
والرجل بيّن من طريقة سلامه=ولا خير في رجل(ن) به الكبر والزوم
والقاف قول الحق يسطع كما النور=أتبع طريق الحق وأبعد عن الزور
والحق من قاله مع الناس مسرور=والله علي كل المخاليق قيّوم
والكاف كف ايدك ولو هي قويّه=الحمد لله ننبذ الجاهليّه
ما عاد فيها تفرقه عنصريّه=سيف الشريعه للزمن ما به أثلوم
واللام لا تنصي رديّي العزومي=واللاش ما قالوا يسد اللزومي
والحر ينزل فوق روس الرجومي=دوّر علي الطيّب ولو هو من القوم
والميم من هو تاب قبل الفواتي=تمحي له السيّه وقبل المماتي
والحسنه تعوّد بعشر احسناتي=وأن جاء نهار الحشر والبعث مرحوم
والنون نور الوجه من نبع الأيمان=خلّك حريص مطبق(ن)خمس الأركان
ولا تقرب المكروه لو شرب دخّان=ومن شرب سم الداب ميّت ومسموم
والهاء هموم النفس دايم ثقيله=تبقي معك مثل السيوف الصقيله
لكن سيّرها علي أهون وسيله=وأبليس بين الناس خادم ومخدوم
والواو وافي من يرد الأمانات=له مع هل الطولات وقفه وهومات
ذكره يخلّد يا هل العرف لو مات=مثل الحرار اللي تعلّت علي البوم
والياء يقوله من يثمن جوابه=ولا صك من دون المسايير بابه
وصلاة ربي عد وبل السحابه=علي النبي واعداد ما في السماء حوم
16-11-2005, 09:13 AM
العرض العادي
المواضيع المتشابهه
