قصيدة لوالدي رحمة الله عليه

[ابن وعيل]

البارحه نومي لعيني نواشي = وعزي لمن طال السهر في عيونه
زل الشهر وانا على ذا الفراشي = والناس باللي صار ما يعرفونه
أنست لي حر على الكبد طاشي = والقلب يا أهل العرف كثرت شطونه
وين الرجال أهل الوجيه البشاشي = اللي الى جاء واجب يفهمونه
الطيبين أفعالهم ما تناشي = يبون مرقاب العلا يشرفونه
من يفعل الطولات فالرزق ماشي = الطيب ورد ناعمات غصونه
المرجلة ما تستوي بالبلاشي = الا لرجل وافيات فنونه
الى حضر ساعة الضيق هاشي = وبيته لربعه ما حجا الباب دونه
كم واحد لو هو قليل المواشي = وافي وفعله يقصر النذل دونه
له مارد يروي الكبود العطاشي = والا الردي فعله قصر من ظنونه
اللاش لاش وللردى به مناشي = هافي ومكسبه الردى والمهونه
والله لو هو للملايين حاشي = ما ينفع العاني ولا اللي يجونه

[أبو محمد]

صح لسانك ولسان الشايب واسكنه الله فسيح جناته

أبومحمد

[ابومحمد الشامري]

لا هنت يا ابو عبدالله قصيدة رائعة ومعبره صح لسانك ولسان الشايب الله يسكن الجنه.

[فهد بن محسن]

الاخ \ ابن وعيل

الله يرحم الوالد ويسكنه فسيح جناتة ... قصيدة جزله ووافيه .. وبيض الله وجهك على نشرها .. والله يرحمه ويرحم اموات المسلمين

اخوك \ فهد بن محسن

[ابن وعيل]

ارحبوا يالربع

اسعدني حضوركم وما حمل

الله يرحم امواتنا وامواتكم واموات المسلمين

وجزاكم الله الف خير

[بنت_الغلا]

وين الرجال أهل الوجيه البشاشـي اللي الى جـاء واجـب يفهمونـه

الطيبيـن أفعالهـم مــا تنـاشـي يبـون مرقـاب العـلا يشرفونـه

من يفعل الطولات فالرزق ماشـي الطيـب ورد ناعمـات غصـونـه


الله يغفر له يارب ...

تسلم يمينك ..

اختك

بنت_الغلا

[عبدالله الوعيلي]

ابن وعيل
رحم الله شايبك واسكنه ربي فسيح جناته

ولا هنت يا الغالي على قصيدة الولد الله يرحمه

[ابن وعيل]

هلا وغلا

بنت الغلا

تايه الغربه

اسعدني حضوركم وما حمل

تحيتي لكم

[روووووعه]

ابن وعيـــــــــــل

صح لسااانك ولساااان الشاعر الشيخ عبدالله ال رشيد

والله يرحمــــــــــــــــــه انشالله .......

كلمات رائعه من شاعر رائع

نتظر جديدك .. فلا تبخل علينا

تقبل تحياتي لك ولقلمك

اختك

روووعه........

[ابن وعيل]

هلا بالغاليه

روووووعه

تسلمين لي على المرور ولاهنتي على

تواصلك