سالفت مديرة المدرسه مع المدرسات

[مبارك الجوفان]

السلام عليكم ورحمة الله وبركاته

تدور القصة حول مديرة مدرسة عزباء غابت عن المدرسة يومين

ولما عادت لمدرستها قابلتها المدرسات سلامات وينك

يامديرة ؟!

قالت : باركوا لي تزوجت

قالوا : مبروك يامديرة ولكن منهو زوجك ؟!

قالت : بصراحة زوجي هو زوج إحداكن !!



المدرسات

تكفين علمينا أي وحدة منا ؟!

قالت المديرة : والله ما أعلمكن



المهم لزموا عليها

فقالت : أنا منيب متكلمة اللي تبي تعرف هل هو زوجها وإلا لا

تجيب بكرا معها خمسمية ريال وإذا جت توقع تحط الخمسمية على الطاولة

واللي آخذ خمسميتها فهي مهو زوجها واللي أخلي

خمسميتها على الطاولة ولا آخذها فهو زوجها

عيب علي أتزوج زوجها وآخذ بعد منها خمسمية ريال

وافقن المدرسات على الطريقة

ويوم جاء بكرا وكل وحدة مزهبه معها الدراهم

جت الأوله والثانية والثالثة والرابعة حتى العاشرة

والمديرة تاخذ الدراهم

يوم جت المدرسة الـ 11 وبدت المديرة تأفف .. المهم حطت الدراهم

على الطاولة وقالت لها

تكفين خذيها يالمديرة قالت

المديرة : اعذريني

قالت المدرسة كأنها قليلة حطيت ألف بدال الخمسمية

قالت المديرة : أووووووه معليش أنتي جواهر والله إني آسفة غلطت

يومها تنفست المدرسة وقالت الحمد لله يعني بتاخذين الفلوس



المهم أخذتها المديرة

ودخلوا بقية لمدرسات حتى الـ 23 والمديرة تلعب بأعصاب كل وحده

وفي النهاية تاخذ الخمسمية

المهم بقي مدرسة وحدة فقط ماجت يوم اتصلوا عليها المدرسات

هاه وينك ياأستاذه قالت والله أني تعبانه وماني جايه

قالت المدرسة الغايبة : هاه من صار زوجها اللي متزوج المديرة ؟!

قالوا لين الحين مابين شي والمديرة عيت تاخذ الفلوس لين نحضر كل المدرسات

( يلعبن عليها بس يبونها تجي عشان يتطمنون إنها هي لأنه مابقى إلا هي )

وقالوا المدرسات لازم تجين تكفين

المهم جت تسحب رجليها بالقوة ويوم جت تدخل المدرسات

كل وحده مبسوطة أنها مهي هي

وصاروا يمهدن للمدرسة الـ 24 عشان ماتنصدم

دخلت المدرسة الأخيرة غرفة المديرة وحطن باقي المدرسات

أيديهن على قلوبهن

وحطت المدرسة الخمسمية على الطاولة وضفتها المديرة

يوم طلعت لقنها عادية وما صار شي وفلوسها أخذتها المديرة

قالوا يابنات فيه وحده منكن ماخذت المديرة دراهمها ؟!

قالوا لا والله كلنا أخذت دراهمنا



ودخلوا المدرسات على المديرة وقالوا أخذتي الفلوس من كل المدرسات

تلعبين علينا

!! منهو زوجك !!

قالت المديرة المهم الدراهم ( 12000 ريال ) ماراح ترجع

وأنا والله لا تزوجت ولاشي لين الحين عزوبية ووالله كنت مريضة هاليومين

ولكني أطلبكن قبل شهر تدفعن على مية ريال نصلح المصلى

ولا وحدة منكن دفعت .. قلت والله لأدفعكن 500 ريال

نصلح المصلى ونشتري مصاحف وقف للمسجد



قالوا المدرسات بردها الله بالعافية فداك الدراهم ولو تبين زود عطيناك

هو صدق بس رجالنا ماتزوجوا علينا

[&آهــــات الحــــزن&]

ههههههههههههههه مايجون الا بالعين الحمرااااااااااا

لاهنت اخوي مباااااارك الجوفااااااااان يعطيك العاااااااافيه

[فيصل المخيال]

يحليلهن بنات فاطمة . . . !!!
:
إذا على الدفع أكيد أهون
لو بالكيف يموت الزوج و لا يتزوج عليها
:
هي الفطرة و الغيرة على الزوج . . . . حد التملك
و إلا لن تكون أنثى . . . فتخالف طبعها الذي فطرت عليه
إلا ماندر . . . و في عرف النساء هو شذوذ عاطفي وعقلي عندهم
:
ولا ألوم الزوجة عندما تتمسك بزوجها
:
الأخ الغالي والمحترم
مبارك الجوفان
:
لا هنت
قصة طريفة ممتعه . . . بين أسطرها حكمة
:
كل التقدير
:

[الخزااامى]

مدييره ذكيه من صج ( حليلها والله ) ../..وصج والله اانا اشووف اي وحده تقبل ان زوجها يتزوج عليها او ما شابه عندها اكيد بيكوون شذوذ عاطفي وعقلي حتى لو الشرع احل هالشئ له //بس مو معقووله اشوف زوجي متزوج علي واعيش معه خلاص الحياة انتهت لانو ما تزوج الا واكووو شئ نااقص فييني
مصيبه والله كبيره بس مجرد اني اتخيل ان زوجي يسويهاااا //اشوف افضل لاي وحده تكرم نفسها لبيت اهلها
ومشكوور يااااخوي///