مجلس عيون الشعر النبطي يعنى هذا المجلس بالشعر النبطي المنقول وكذلك بالشعر قصة وقصيدة

رد
 
أدوات الموضوع طرق مشاهدة الموضوع
  #1  
قديم 19-04-2006, 02:07 AM
hadii hadii غير متصل
 
تاريخ التسجيل: Mar 2006
الدولة: kw
المشاركات: 83
معدل تقييم المستوى: 19
hadii is on a distinguished road
Thumbs up الهوى.....

قصيدة الشاعر عبدالله بن سعد اللوغاني يخاطب فيها
الشاعر سليمان بن ناصر بن شريم


طفل تعرض لي من البيض عيا ل = يخطي علي من لا يدوس الخطا له
يقول لي يا بن سعد صرت حيا ل = لا تخدع المسلم وتاخذ حلاله
لا تدعي بالطوع يا شين الأعمال = وتقول أنا دينت مالي وماله
تومي بمسباحك لاجل فيه ينقال = عاف الهوى ودروب غي الجهاله
حتيش لو حطيت طول من الشال = لك عمه وتصف بين الملاله
البيض ما أنته عن هواهن بمنحال = في حبهن تنقاد قود السهاله
قلت إي نعم بالعون ياطيب الفال = أنا مع الخفرات في كل حاله
في غيهن ذقت المصايب والأهوال = وجسمي نحل ما باقي إلا خياله
طرد الهوى لي صار هم وغربال = حمله ثقيل ومكلفن في مشاله
قلبي رهيف وزاده الحب ولوال = حب الغضي بالجوف قصره بناله
خشف سقاني الحب هيل ولا كال = هيل بلا مكيال والصاع شاله
حبه رسم بالقلب حرف من الدال = جرحه غميق ولا يفيد الدواله
خافي صوابي بالحشا كيف ينطال = عيا طبيبي يدعي في كماله
يا وين أبا أصبر والهوى سم قتال = لو حل في وادي تكسر جباله
يا وين أبا أصبر وأريش العين بجفال = شروى عنود الريم زايد إجفاله
واحسرتي ياهل الهوى كيف أبا أحتال= شاب الضمير وضاق واسع مجاله
على الذي لولاه ماصغت الأمثال = بالطرس له وابديت خافي الشكاله
مجمول مدلول بوسطه تعزال = ومدلمج الساقين زاهي جماله
لا شهد لا سكر ولا الريق معسال = الذ واحلى ما يوصف مثاله
الموق به من سحر هاروت عمال = لا واعذابي صوبتني إنباله
حور الصبا ياغرته تشعل أشعال = مثل القنر بالنصف توضي لياله
يشبه كما غصن له الريح ميال = مشي التغطرف مشيته بالعماله
راعي ثليل فوق الأمتان ينهال = مضمر والعنق عنق الغزاله
النور في خده زها حبه الخال = والعين تسحر بالصبى من دنا له
زم النهد بالصدر للثوب شيال = والحسن مله سهمته واستوى له
زها بحسن كل له أشكال = لوشافه العابد عن الدين حاله
يعاف دينه ويبتلى فيه بالحال = يمشي على راسه لزوم ايعناله
هذا الذي بهواه ماطعت عذال = والقلب ما يعتاض طفل بداله
يوم البخت وياه عدل وهو دال = اقطف زهر ماطاب وارشف زلاله
واليوم بان الصد عقب الإقبال = ما أدري عديل الروح شلي طراله
كدر حياتي واودع الهم بالحال = العمر ياسليمان قرب زواله
وش حيلتك يالقرم يا ماضي الأفعال = ابدي لك الشكوى من اللي جراله
بالرد كود الرد ينعش لي البال = ويريح قلبي من الشقا والعباله
واســلم ودم عــداد ما قايل قـــال = الله كريــم وجل ربي جلالـه
وصلوا عدد ما ينطق العبد بسوال = على نبي الحق والصحب وآله



رد الشاعر سليمان بن ناصر بن شريم


قال الذي يبدي غريبات الأمثال = من خاطر مستفزه بالسهاله
يصبر عاى الكايد بحال من الحال = وإن زاد حمله ما يضيمه مشاله
من غبته ما طالها بلد واحبال = غبت نمش فيها العنا والشكاله
من دشها يخطر بشبكات الأهوال = فيها لصبيان المعرفه نفاله
هذا بيان وما طرالي على البال = من قدم المعروف يطلب بداله
من واحد يشكي يقول الدهر مال = وازرا يميز ميلته من عداله
سود الليالي كلها غمس واحيال = من غير زوج عشره بالجهاله
يا بن سعد كل الدهر شمس وضلال = لولا انتهات الضل ما جا زواله
تشكي غزال قلبك وهو زا ل = هو زل بالحاله وقلبك الحاله
وتقول صابك عقب فرقاه سلال = والموت ما نقدر ندور الدوا له
عقب الذكا تشكي لنا رقت الحال = جسمك نحل ما باقي إلا خياله
هذي سوات الحب مع طول الأمهال = ينبيك عن راعيه جسمه وحاله
والبيض خوانات والحب قتال = ماينبذل بهن الثنا والجماله
من عصر نوح وعاد الأول إلى التال = ازكاهن اللي من حكاياه حاله
والوقت غير له محل ومنزال = وافترت ايامه بجدت لياله
واللي بقا من صفوته تول وحثال = وش خانه اللي ما بقى إلا حثاله
لاصار ماتشرب قراهيد وازلال = لا تشرب الخابط الى أقفى ازلاله
بدلت حرف لك من الدال بالذال = عندك تصاريفه وعندي إكماله
نصيحة ما نيب أدور بها مال = أيضا ولا فيها لمثلك ختاله
إترك هوى من لا يجي منه مرسال = الى منه أقفى منك خله ابفاله
تراه ما ينفعك من كل الأحوال = الى إهتوى درب لغيرك مشى له
لو هو حلف بآيات عما والأنفال = وكاد كذبه ما يفارق اضلاله
مير إتركه وإترك خبيثين الأعمال = واجزم وشم وإترك ادروب الرذاله
وإجنف عن اللي بيعه المن بريال = تراه يفسد عملته من هباله
رضاع مهل ماتت أمه وهو عال= وذاق الرضاع بكل ديد صفاله
يابن سعد ما ذكر من وادي سال = إلا رعاه اللي يصلح حلاله
ترى الخوي اللي الى شلت ما شال = كنك بعيد عنه وانته اقباله
ذا قول من لا سيل قبلك ولا سال= في وقت مثل اليوم دور مضى له
يبخص طواريق الهوى دق واجل = يكفيه عن ما فيه حضرت مجاله
ما بين نقاض وما بين فتال = يطرد نصيبه يوم دار الهوى له
يقبل مع المقبل ولا هوب ملال = ولا ذكر عشب بعيد وعنى له
واليوم شاف وعاف وانكف وهو ذال = ماله بمرباع تعيب اخياله
قلته وأنا من دولة الوقت مهتال = جوار غيضه ما يقابل دلاله
واسلم سلمت ودمتيا ماضي الأفعال = وكمالته عن رد مثله حماله
مانيب لا تاجر ولا نيب دلال = مسكين همه في معوشه عياله
وصلاة ربي عد ماهل همال = على نبي فضله بالرساله


منقوووووول....

 

التوقيع

 

لا إله إلا أنت سبحانك إني كنت من الظالمين.

 
 
رد مع اقتباس
  #2  
قديم 20-04-2006, 04:06 AM
العوووود العوووود غير متصل
 
تاريخ التسجيل: May 2005
المشاركات: 3,424
معدل تقييم المستوى: 22
العوووود is on a distinguished road

صح الله اللسانك ياهادي ولسان الشعااار ولاهنت على النقل الطيب

 

التوقيع

 

 
 
رد مع اقتباس
  #3  
قديم 20-04-2006, 03:25 PM
hadii hadii غير متصل
 
تاريخ التسجيل: Mar 2006
الدولة: kw
المشاركات: 83
معدل تقييم المستوى: 19
hadii is on a distinguished road
Smile

اقتباس:
المشاركة الأصلية كتبت بواسطة العوووود
صح الله اللسانك ياهادي ولسان الشعااار ولاهنت على النقل الطيب


ولسانك ولا تهون يالغالي، وشكرا على مرورك الكريم.




أخوك / هادي.
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
لا اعرف ان يام قد اجتمعت وهمدان واهل نجران كافة تكرارا الا تقديرا ووفاء لمحمد ابوساق فيصل بن محمد مجلس مناسبات وأخبار قبيلة العجمان 5 18-11-2006 12:49 PM
قصيدة(قصاص الأرض)فصرختُ لا يا أرض نفسي دونها** يا أرض ذا حكم الهوى فأطـــيعي سعد بن ثقل العجمي بوح المشاعر 5 29-04-2006 03:16 PM
عابرسبيل مخــــــــــــــــــــــرب الهند وجنيف "بدر العجمي" مجلس الشعر النبطي 6 26-02-2006 10:14 AM
الهند: النمل يلتهم عين مريضة بالسكري ::::أم راكان:::: المجلس العــــــام 4 19-11-2005 11:08 PM
أعمال اذا اجتمعت في امـــــرىء دخل الجنه . لبيه يا منـــــادي المجلس الإســــلامي 6 11-05-2005 11:11 AM

 


الوقت في المنتدى حسب توقيت جرينتش +3 الساعة الآن 09:53 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع