(المجامل بعض الأحيان ما يقضي لـزوم % لعنبوا النفس الضعيفه ولابو جدها)

[سعد الهتلانى.]

قصيدة لبن وسام اعجبتنى وحبيت انقلها

واهني الصخرة اللي ما تحرقها السمـوم =
=والزمان اللي يهـد العـزم ما هدها
الزمان اللي تحـدى قوييـن العـــزوم =
=ليـن مشّاهـا علـى ود ما هـوب ودها
المجامل بعض الأحيان ما يقضي لـزوم =
=لعنبوا النفس الضعيفه ولابو جدها
كل ما كبرت وضاقت على عيال الرخوم =
=نحتزم لأكبر مصيبة وناطـا خدها
يا عيـال آدم وحـواء تراهـا ماتــدوم =
=دورة الأيــام لا بـدهـا لا بـدهـا
أدري إن فالناس معطى وفالناس محروم =
=هيـه يا بيـض النوايـا ويا مسودها
جعل قسمي عند ربي من خيار القسـوم =
=واحـدٍ يعـط العطايـا ولا يرتـدها
يا وليد البط وشـلـون ما تعـرف تعـوم =
=وأنت أبوك يعوم جزر البحور ومدها
أنت يا حــلمٍ حلمته ما هـو مثـل الحـلوم =
=ياضحية مزح الأحلام مـادري جدهـا
يا ضميري لا يهمك مـن الدنيـا همــــوم =
=الصعيبـة حِلْهَـا والبسيطـة عـدهـا
جات في شد الشوارب وفي قرب الخشوم=
=كبّر الضيفه وعش الضيوف وغدها
الردي لو دَرَس المرجلة في كـل يـوم =
=المراجل عنـد أهلهـا يذعـذع ندهـا
ما كشفت إلا وضـع والنمايـم والعلـوم =
=يا رسول الحكي هـات العلـوم أو ودها
الصفوف اثنين هـذا دفـاع وذا هجـوم =
=وأنت أظنك ما أنت معها ولا أنت بضدها
مير في سوق الأظلة تريّـح ومخــدوم=
=وإن ذبحك الجوع كِدْ التكاسـي كِدْهَا

[نفل بن فهد]

الله الله

صح السان ابن وسام

ولاهنت ياسعد على النقل

[ناثرة الورد]

{{ سعـد الهتـلاني }}

,
,

يعطيكـ الف عافيه علي هالاختيار المميز
آآبداع غير مستغرب منكـ
دمـت بهذا الرقي

تقديري ..,

[ضيعتني الهقاوي]

[COLOR="Purple"]الردي لو دَرَس المرجلة في كـل يـوم

المراجـل عنـد أهلهـا يذعـذع ندهـا

صح السان كاتبها وناقلها ,,,

لاهنت,,,[/COLOR]

[king الوادي king]

صح لسانك ولاهنت

[بندر العجمي]

الله الله

صح السان سلطان ابن وسام

ولاهنت ياسعد الهتلاني على النقل

[هادي بن فهاد]

"الله الله "

لاهنت على الذائقه الشعريه ",,صح لسان شاعرها

شكراُُ للاخ العزيز على الاختيار مميز


تقبل تحياتي



:

[سعد الهتلانى.]

مرحباااا بالجميع وحياكم الله

وشكرااا على مروركم الكريم

[الفارسيه]

انا اشهد (المجامل بعض الأحيان مايقضي لزوم

لعنبوا النفس الضعيفه ولابو جدها)