مانع بن شلحاط وعشره من العجمان

[القاضـــي]

بسم الله الرحمن الرحيم

هاذي القصيده للشاعر / مانع بن شلحاط

وهي فالاخوه الافاضل والشيوخ:

1/ راكان بن خالد بن حثلين
2/ حسن بن محمد بن حسن الـ مخلص
3/ محمد بن عبدالرحمن الدامر
4/ سعود بن سلمان بن حماده
5/ مشعل بن خالد بن حثلين
6/ الصيفي بن مبارك الصيفي
7/ سلمان ابن محمد بن خالد بن حثلين
8/ حمد بن محمد بن مانع المجبر
9/ منصور بن مطلق بن زنيفر
10/ منصور بن محمد بن حسن الـ مخلص


((الصيحه))

بديت بذكر من سن الحياه ابـ. ما أحتوى القرآن=الـه مالنـا قـوه ولا حــولٍ بــلا حـولـه
وبعد ذكره تجلى الهم عنـي وابعـدت الاحـزان=ولو بي ضيقةٍ من وقتـي الظالـم ومـن هولـه
إلاهي لا تدعنـي يامـرد الفضـل ذو الاحسـان=فأنا بي ضيقةٍ تقـرع بصـدري ضيقـت جُولـه
لَجَتْ في حنكرة جوفي ايليـن ايقنـت بالحقـران=وحسيـت انـي اللـي ماحـدٍ عنـده ولا حولـه
وانا مادامني عجمي ولـي لابـه ولـي عنـوان=حـرام احـس بالنقصـان والعجمـان مسئولـه
بني عمي هل الفزعات وأبنـاء شعلـة الاكـوان=زحولٍ من زحـولٍ فالكفـوف سيـوف مسلولـه
فلا ترضا علي ضيقه ولا ترضـا علـي نقصـان=ولا ترضالـي ابّـرك للزمـن بكفـوف مشلولـه
والا ياضيقتـي ياحسرتـي ياونـتـي مشـتـان=من ظروف الزمان الـي تهيـن القـدر وأتغولـه
اعنزها على عشـره مـن العجمـان ياعجمـان=بدون قصور فيكـم ياهـل الفزعـات والطولـه
انا ادري ودكم بالفزعه الـي تـروي الضميـان=وادناكـم يقـول لصيحتـي شهـلا ومنقـولـه
اعنزها على عشـرة زحـول وبينهـم شيخـان=واجنبهـا اليميـن العاقبـه لـجـات مغلـولـه
وبعـد اذن النشامـا ببتـدي بمليجـه وراكـان=ولد ذاك الزعيم الي يطـول المجـد مـن طولـه
وبثني صيحتي للي خـذا النامـوس لـه ميـدان=تولـى فـألـ. شامـر سمعـةٍ عليـا ومقبولـه
حسن لعدت فعـول النشامـا لـه ذرى وإكنـان=زما بمخلـص المسمـي الـى الامجـاد بفعولـه
وإبن جدي حزام الطيب ابن تاريخنـا الـي كـان=ذراي محمد الدامـر ولـه صولـه ولـه جولـه
وبرفع صيحتي للناجعي ياسعـود ابـن سلمـان=الى من صحت فـ. أحماده فكني صحت في دوله
والى من صيحتي وصلت زعيم الصيت والديـوان=اخو لجعه ولد خالد . ربحـت وربحـت الجولـه
الى بانت الاسامـي ميلـت لـه كفـة الميـزان=زما مشعل الى بان الوفـا ثـم بانـت ازحولـه
وأراقب فزعة الصيفي وحي اسمه الى مـن بـان=تقدم فـي ظنـا محفـوظ بفعولـه وفـي قولـه
ايا سلمان ابن حثلين جيتك يـوم وقتـي شـان=يابن من تخجل القيفان مـن حـده ومـن زولـه
ذخرته للكبار وحاجتـي فـي يـد ابـو سلطـان=وجيبـي مانسـا جـوده وكفـي ماجحـد نولـه
واصيح لمن تسموى بالمراجل من ظنـا سفـران=حمد ولد المجبـر فـوق ذكـرٍ يعتلـي ضولـه
وتنحي صيحتي للشيخ ابن مطلق رفيـع الشـان=ليا زعـزع زنيفـر كـل شيـخ نـزل احمولـه
ليا صحت يامنصـور قبلـي صاحـوا العربـان=اخو موضي حزام المشتكين ان طاحـو وجَوّلـه
بقا من صيحتي صيحه مهـي لفـلان ولا فـلان=لاوالله الا لراعيهـا تجـي بالصـوت منتـولـه
ليا من جت صيحتي منصور ابن محمد فحظي زان=تربّـع فـي إحْـلالٍ دونـا مهـيـب مقفـولـه
انـا صَيَّحْـتْ للـي ذكرهـم غنوبـه الركبـان=لهم ذكرٍ جذبني لذت فـي عرضـه وفـي طولـه
انا ما أرمـي بصوتـي هكـذا ياكـود للاعيـان=واترك من يصر القـرش واعيونـه لمحصولـه
على العشره بـ. أعرض وجيهكم ياجملة العجمان=بغير قصـور فيكـم ياهـل الفزعـات والطولـه

مانع بن شلحاط