ابيها مهرة ماعسفـت صغيـره وبنـت حصـان

[حبيب]

ابيها مهرة ماعسفـت صغيـره وبنـت حصـان

--------------------------------------------------------------------------------

خويت درب عمري ماخذاني دونهـا النسيـان=
ابيها مهرة ماعسفت صغيـره وبنـت حصـان=
أبوها لاتعزوى باسمهـا فـزوا لـه العربـان=
ابيها فـي بحـر عشريـن لازود ولا نقصـان=
أبي الجبهه كما الصبح وكما القوس أسود الحجان=
ابي رمش كما ريش يغطي الثلج في الأوجـان=
وابي خد مثل ورد تنمى فـي طـرف بستـان=
ابي البسمه كما البرق وثناياها كمـا المرجـان=
ابي شعر كما ذيـل الفـرس لا كبـت الميـدان=
ابي جيد سـواة ابريـق فضـه ناتـق مليـان=
ابي ظهر كما الجدول وقدمن مثل غصن البـان=
ابيهـا نابيـة ردف وبطـن ضامـر جوعـان=
ابيها بنت عـز مـن رغدهـا ينعـم الفستـان=
ابي المشيه كما اللي طالع من المعركه كسبـان=
ابي صوت إلى مني سمعته كـن فيـه الحـان=
ابيها حب واخلاص وهواجيس وفرح واحـزان=
ابيهـا لوحـة ماصورتهـا ريشـة الفـنـان=
ابيها تنتصر لي مـن زمـان حطنـي نيشـان=
مهرها قلب وشعـر يهـز القلـب و الوجـدان=
ابي اللي فات واللي فات صعب ومن لقى العنوان=

[عبدالله الوعيلي]

يعطيك الف عافيه اخي حبيب

لا هنت

[أبو محمد]

صح لسانك يا الشاعر الموهوب
صراحه ما اعتقد تلقى هالوصف الكامل لسبب بصيط جدا وهو ان الكمال لله تعالى
فارضى بما يقسمه الله لك

تحياتي يالحبيب

[بدر القلوب]

صح لسانك ياحبيب
وبيض الله وجهك يالغالي على هالقصيده الجزله
والوصف الدقيق

ان لقيتها وانا اخوك علمني خلني اخطب اختها معك ونصير عدايل

لاهنت يالغالي على هالمشاركه الرائعه

[ابومحمد الشامري]

لا هنت يا حبيب على القصيدة الرائعة والمعبرة صح لسانك يا السنافي

[بنت_الغلا]

حبيب

تسلـم يمينــك ..

أختيار يدل على ذوقـك الراقي ...

يسعدني انتظار جديدك

اختك

بنت_الغلا

[حبيب]

تايه الغربه لاهنت على المرور



تحياتي

[حبيب]

ابو محمد


بدر القلوب


ابوحمد


بنت الغلا

لاهنتو على المرور والتعليق

والقصيده لشاعر الاندلس ناصر القحطاني


وذا لقيت مواصفاتها ابشر يابدر بنصير اعدلا انا وياك

[فارس]

صح السانك ولا هنت يا حبيب

[حبيب]

صح بدنك يافارس