((( ... قـصــــــــائــد لاتنــــــســـى ... )))

[الغروب]

السلام عليكم ورحمة الله وبركاته
هذه قصيدة للشــاعرة المعروفة /
مـــوضي بنت سعـــد بن عبدالله الدهـــــــــلاوي

[محمد الغيثاني]

هذه الابيات للشاعر راشد بن حسن بن الذيب العجمي

قالها إبن الذيـب مـن هاجـوس بالـه=كلمـةٍ يلعـب بهـا والبـال زيـنـي
قالهـا يومـه طرالـه مـا طـرالـه=مـن هواجيـسٍ تشيـب المرضعينـي
غرّني بعـض الرجـال بكثـر مالـه=مادرى إن الموت فـي حبـل الوتينـي
كيف ينفعنـي وبعـض النـاس خالـه=ما يدوم البيـت كـان السـاس طينـي
مـاش ويـن اللـي عوايـده الشكالـه=مثل إبـن ظافـر حمـد ليتـه يجينـي
الثنـا والجـود دايـم فــي خيـالـه=علّمـه ظـافـر سـلـوم الطيّبيـنـي
جــوّد العلـيـا ولزّمـهـا عيـالـه=وأدركـوا مـن علمتـه دنيـا ودينـي
واهنـي مـن بـاع حظّـه وإشترالـه=سار في درب النبـي وأخـزا اللعينـي
موقـفـه مـاكـل رجّــالٍ ينـالـه=ومـن بغـا ممشـاه يقعـد مرّتيـنـي
وكم ذبح من حايـلٍ مـن حـر مالـه=وعادتـه لطمـة خشـوم العايليـنـي
حالفٍ ماخـذ علـى الطرقـي ريالـه=وبالثـلاث محـرّم إنهـا مـا تجينـي
لا لقيـت اللـي علـى السكّـه لحالـه=يلتفـت ويقـول : ويـن المستحينـي
أوقف الموتـر حيـا وأبغـا الجمالـه=يوم ولـد الـلاش وجهـه مـا يلينـي
والطمع فـي كـرّوة الرجلـي رذالـه=خصّ به وإن جـا مجـال الغانمينـي
والـردي فـي حالـةٍ ماهيـب حالـه=يـا عوينـه مـن كـلام الطيّبيـنـي
الولد وإن طاب قالـوا : مـن خوالـه=بالخـوال يسـال قـبـل الوالديـنـي
وأركبـه لعيـون مـن زيـنٍ دلالــه=مـا تحاكـوا فـي قفـاه الرامسينـي
ما بغـى غيـري وأنـا مابغـا بدالـه=قاعـدٍ لـي بالرجـا مــدّة سنيـنـي
مـا قعدنـا فالعمـل نبغـا الـرزالـه=ناخـذ العليـا طـريـق الفايزيـنـي
وأشـرب الفنجـال وأكـب البيـالـه=تابـعٍ سلـمـي سـلـوم الأوليـنـي

[الغروب]

السلام عليكم ورحمة الله وبركاته
الكـــــــــــــرام

فيصــــــــــل المخيال

محمد الغيثــــــــــاني

قطريــــــــــــــــــvibــه

حضوركم غالي ...واضافاتكم ثروة للموضوع وتوثيق ومرجع لكل مستفيد

وياهــــــــــــلا بكم

[! شيخـــــة المنتــــدى !]

غـــــــــاليتي ،، فكـــــره رائــعه من انســــــاانه أروع

اسمحيلي ،، لم أضــف الى روائــع ماخطت ونقلت انامل اخوتي الأعضـــاء
لكــن لـم أشـأ ان اخــرج بعد قرائتي لمـوضوعك ، دون الثنـــاء على ما أوحيتــه من فكــره مذهــله في اقتنــاص مثل هذه القصائـد الحكيمــه والجزلــه وحفظهــا كمرجع لمن اراد الاستفــاده منهـاا .

كــــل الشكـر لك ولاخوتي الأعضـــاااء على المجهـــود الرائـــع

تقبلي منــي خالص التحيــه والحب والتقديــر

دمتي بحفظـه

[الغروب]

الغاليه والمحبوبه /

شيخـــــــــــة منتـــــــــدانـــا

اليوم بتواجـــدك ورحابة صدرك وجزالة لفظك وراقي حضـــورك اضفتي الكثير على ماتقدم به الاحبه

وبالفعل اسعدني شخصيـــآ هذا المرور المثمن من الغاليه والقديرة

شيخـــــــــــــــة المنتــــــــــدى

[فيصل المخيال]

الشاعر عبدالله محمد العقيقي
قال هذه القصيدة يصف فيها حالة أحد أصدقائه المسنين
:

:
وهي من أجمل و أروع القصائد التي سمعتها في وصف حال الكبار
:
البـارحــــه و نّيـــــت تســـعــين ونّـــه . . . واتبعـت فـي تـــالي ونيــني صــــياحي
وأصبـحت كنّـي ظاهر(ن) من مجـــنّه . . . ياخـوي يا سلـيـــمان العـــمـــر راحــي
و زجيــت عبــرات الحـشى مســتكــــنّه . . . وأقــول واعـصــر مضـى ويـن راحــــي
و كـم خــيرِ(ن) غـبر الليـــالي و طــنّه . . . واصبح سوات الهرش وســـط المراحـــي
وازرن عــــظام الـعــــود لا ينـهـــــظنه . . . و الطــــير ما يشـهــــر بــليا جــــناحي
مــــر(ن) قويناهن و مــر(ن) قـــونّه . . . وكم ضرب (ن) درب الوعر والسـماحـي
ربــعه وأهــــل بيــته يمـــلــون مـــنه . . . يقـــولون وش ذا العــــود مــاله مراحـي
الله ذكـــــر رضــــــاه وأنـــــتَ تمـله . . . مع قــل ديــنك ماتعـــرف الصــــلاحي
بعــض العــيال عقـــاب خـــله مــظــنّه . . . و للا بعضـــهم مــثل طــــير المراحـــي
عــاق بأبــوه و ثــاني (ن) عـق بأمـه . . . و كـم ليلة (ن) سِِهْرَوا يقولون صــاحي

[عايض الوقدان]

السلام عليكم ورحمة الله وبركاته


صباحكم ورد , , ,


اشكركم على الموضوع القيّم والرائع حقيقه ..


اقدم لكم قصيده للشيخ والفارس / سعدون العواجي

وهي رثاء في ابناءه( عقاب وحجاب ) بعد ان فقدهم في معارك ضاريه مع قبيلة شمر


,
,
,

ياونـــة ونيتهــا تسـع ونــات=مع تســع مع تسعيــن مع عشر الوفي

مع كثرهن باقصى الحشا مستكنــات=عداد خلق الله كثيــر الوصــوفي

ونــة طريح طاح والخيل عجــلات=كسره حدا الســاقين غاد سعوفي

على سيوف بالمـــلاقى مهمــات=(سيفين) أغلى ماغدا من سيــوفي

وعلى محــوص بالموارد قويـــات=أشقى بهــن لو القبــايل صفوفي

أحشم بحشمتهن ولو هن بعيـــدات=وأنام لو أن الضــواري تحــوفي

خليتنــي ياعقــاب مابه مراوات=عيالك صغــار والدهر به جنوفي

من عقبــكم مانبكــي الحي لو مات=ولا ني على الدنيــا كثير الحسوفي

وياطول ماجريت بالصدر ونــات=على فــراق معطــرين السيوفـي

وياعقاب عقبك شفت بالوقت ميلات=واوجست انا من ضيم بقعا حفـــوفي

مرحــوم يا نطاح وجــه المغيرات=ان جن كراديس السبايــا صفوفــي

مرحوم يامشبع سبــاع مجيعــات=وعز الله انه عقبكــم زاد خوفــي

الخيل تدري بك نهــار المثـارات=ياللي على كل المــلا فيك نوفــي

والخيــل تقفي من فعــول معيفـات=تاطا شخانيب الرجم ماتشوفــي

[الغروب]

الاخ والشاعر / عايــض العجـمي

مرحبا بحضورك الكريم هنا ... وشكـــرآ لجميل وعذب ماحملته لنا وقدمت لمتصفحي مجالسنا بهذه الابيات المميزة

فياهلا بك ... وننتـظـــر كرم تشريفك دومآ لنا .

[الغروب]

السلام عليكم ورحمة الله وبركاته

هذه قصيــدة من فئة ( الذهبيات ) انتشرت ورددها الكثيرون :::

للشاعر الكبير عبدالله بن صقيه التميمي

بعنوان ( الفاطر اللي من قديم تحنا )

أمس الضحى عديت رجم المعنا = يا رجل من رجمٍ زما حولي بي
يا الله ياللي بك جميع استعنا = يا واحدٍ فوق الخلايق رقيبي
تفرج هموم ٍ دايم ضايقنا = بار الصديق وبار فينا القريبي
ليالنا يا حيف ما ساعفنا = عض الدهر فينا بنابٍ عطيبي
اللي قديم أفعالهم يحمدنا = فقدتهم فقدان شالح لذيبي
كفي دموعك يا عيون بكنا = يفداك من تبكين من كل صيبي
من صد عنا نتركه ما شحنا = ما يتبع المقفين رجلٍ عريبي
يامن بخمس خصال طيبٍ ايكنا = امتابع الطيّب للانذال عيبي
يا ونتي ونة كسير أيونا = ازحف بحملي مبطي ٍ ما دري بي
بالقيض حامية السمايم شونا = ما تردفون معيف يا هل الركيبي
متى الصغار اللي نبي يكبرنا = مبطي وأنا أنشد هاجسي عن ذهيبي
الفاطر اللي من قديم ٍ تحنا = لعلها تعقر بسيفِ الرحيبي
ما هن بالأريا كلهن يوخذنا = يوجد بها مخطي وفيها امصيبي
يا راعي الدقن الطويل المحنا = لا ينهصر بك مسيرك يا خطيبي
سرايرك لابد ما يكشفنا = شاةٍ تختل الناس في جلد ذيبي
لدواك ياشين الدغايل سحنا = غير الدوا فوقك رقيبٍ حسيبي
يا با الدبر ترغى وحملك امدنا = يا المنحرف يا الخايع المستريبي
هذا زمان من رقى الرجم غنا = من زود جور الوقت راب الحليبي
الضان قامن الضحى يفرسنا = والبوم قرنس والثعل صار ذيبي
والحيل يا راعا الجمل عشرنا = والما صفى لاشك جابه سريبي
ما كل هدارٍ لحمل إيدنا = ولا كل من حارب يزيح الحريبي
يا كثر من فيهم بطيب تضنا = لا جا نهار الضيق ضنك يخيبي
قم يا مناي وغايتي لا تونا = لا تنتظر خاير شبابٍ وشيبي
انسب إلى من النجوم ادبحنا = لا تنس ذبحة يا مهلهل أكليبي
الشرق عنها عوج الأريا حدنا = والشام غلق بابها يا هديبي
كل الجمال اللي يهدرن رغنا = يا عونة الله يا محمد نجيبي
بالهند حدب مرهفات تحنا = للي يغرربه ردي النصيبي
في نجد من عصر الصحابه سكنا = اشرب وأنا اشرب حوضها يا شريبي
سوالف اللي ينتخي كملنا = خلي لحاله بالمعارة صويبي
يبو جديلٍ فوق متنه تثنا = أنصح مشبب لا يغره شبيبي
لو التمني ثاب حيٍ تمنا = كان اتمنى موت من لا يثيبي
اعوي إلى من الضواري عونا = في عالي المرقاب تسمع قنيبي
صملاننا بالدبدبه وهقنا = تعديل ميلك يا زمنا صعيبي
راع العقل مما يشوف استجنا = قم دن سراق الوطايا نديبي
ما فيه غيرك يا زبون المجنا = ود العلوم اللي عريب مهيبي
قل له ترى عجف السنين اضهدنا = من جورها من في مهاده يشيبي
كم سافلٍ جت له على ما تمنا = حبله رخو مهوب حبله كريبي
بالهرج لخيول العوافي يعنا = بين العذاري صانبٍ تقل هيب
الروس يا ذيب السرايا هفنا = على رجال الطيب ننحب نحيبي
كلنا بصاع العرف ناس ووزنا = ولا لقينا إلا احثال وسريبي
دام الجدي موجود شمعة وطنا = ما همنا نجمٍ يبين ويغيبي
راع النمايم ما درينا فتنا = من عند ذا لهاذاك بهتٍ يجيبي
ابليس للغارات هالوقت شنا = غرر بنا مافيه شك وريبي
في ما مضى وجه السملق يسنا= واليوم صار اهوا النديم الأديبي
افكارنا عن دربنا ضيعنا = الكل منا حايرٍ مستصيبي
دايم نصيح ولا على الناس منا = يا منادي الأموات مالك مجيبي
اجروح راع الفخفخة عيلجنا = ومن لا يفخفخ ماوجد له طبيبي
سود الليال وبيضها فرقنا = يدري بها من فيه عقل لبيبي
ليت السنين الغبر اللي مضن يرجعنا= وليت السروح يصادفون العزيبي
للي تشوف العين با ألصدر اكنا = لولا شمعات عداي شقيت جيبي
وش فيك قاسي مره يا زمنا = كنك لنا من دون حقٍ طليبي
اثر السنين الغبر ما يرجعنا = من عاش بالدنيا يشوف العجيبي
ما عندنا لاحدٍ قدورٍ اتقنا = مانا نظيف وقدر مانا ربيبي
عليك ديبانٍ تدابا دبنا = يا معترض سيلٍ حدر حدر له شعيبي
يا نازلين جوار روضة امهنا = وادي الرمه حدر عليكم جذيبي
بيبان عيسوب النحل غلقنا = خلك أديب فاهم يا غريبي
انشد رجال الصدق عنكم وعنا = ينبونكم -----------
ياأهل القصور اللي اكبارٍ اتبني = مبنى بلا ساسٍ وثيقٍ يعيبي
ادروب السعاده طرقهن يسعدنا= واللي يتيه الدرب عقله سليبي
ما هل وبلٍ من مزونٍ نشنا = صلوا على صفوة اقريش الحبيبي

[بطاح]

الله الله


والله يا فيـة فرق بين قصايد الاولين وقصايد التالين .. صراحـة موضوع يستحق المشاركة فيـة وذلك لـ حفـظ قصايد الاوليـن اللي مع الوقـت بتنسـى


اشكـر اختنـا العزيزه / الغـروب على طرح هذا الموضوع المهـم والله لا يهينهـا


اليـوم فيـة قصيـده معجبتنـي جدآ واردد بعض ابياتهـا منهـا :

مانـيب وانا بـبندر بيـاع دمـه = يقطعـك يا بياع دمـه ومهفيـة

البيـت هذا معـروف ولـه شعبيـة وصاحبـة الشاعر الراحل : بندر بن سرور العتيبي رحمـة الله .. متنبـي العصــر


القصيــده :

يالله ياجـال الامـور المهـمـه=تجلا وهج قلب ٍ برا الهم راعيـه
البر دجته والبحـر رحـت يمـه=وادرج سبب حظ على الله مساعيه
يوم ان ولد اللاش رزقه على امه=رزقى على اللى ميت القشع يحييه
مانى وانـا بنـدر ابيّـاع دمـه=يقطعك يا بيّـاع دمّـه ومهفيـه
اللـى يبيّـع لابسـات الازمــه=ثور ٍ يبا بيض العماهيـج تغنيـه
يزعل اليا جت ليلة الـدول يمـه=ويرضى بسوق المال بخوه و ابيه
خطو البخيل اللـى يكّبـر معمـه=يقرا الكتاب وواجـب الله مخليـه
اما هرج لـك يـا رفيقـه بنمـه=والاعطا وامـه اتضيّـع هقاويـه

ولـه قصيده ثانيـة منهـا ذا البيت المعـروف :

احدن ينـام ويحط راسة بـ كمـة = واحدن تخـم النوم عينـة وتخطيـة

القصيـده :

يامل قلـب كـل مامـات همـه=دارت دواليب الدهر لين تحييـه
فراق شمل النـاس عيّـا يلمّـه=وقت يشيب الراس من شارة ٍ فيه
احدن ينـام ويحـط راسـه بكمـه=واحدن تخم النوم عينـه وتخطيـه
واحد يحاول بالردا بنـت عمـه=واحد يحاول ستر عذرا عوانيـه
تخالف الانظـار شـرق ٍ ويمـه=كل هدف رايه من الناس مرضيه
انشدك ياللى كـل شـى ٍ تتمـه=تقرا الكتاب وكل فـرض تصليـه
ويش القليب اللى عميق ٍ مجمـه=ما سر غرسه ماه عطشا سوانيه
سم السبب يا عارف عنه سمـه=سم السبب يا عارفه قبل اسميـه

انتظرونـي