قصيده الشاعر خلف المشعان العنزي (( الذيب يدرع بالغنم ولا يحسب حسابها ))

[مسفر مبارك]

الشعر في شرعي فكر .. والفكر بالشرع الاصيل=نهج العقول الناضجه والعاقلين أدرى بها
مو شرط من يكتب شعر يدري عن بحور الخليل=اللي يداوي علتك لا تبلشه بأسبابها
احد(ن) على الحنده حدا .. وحد(ن) على الشله يشيل=كلن على ما يكرب بيوته يمس اطنابها
على سبيل اهل المثل ماني مثل اهل السبيل =اللي معاني حضورها تشبه معاني غيابها
لا غبت جبت وعادتي لا غبت مارجع بالهزيل=ان جبت اجيب اللي محد قبلي بالشعر جابها
تعشقني الفكره بكر .. واسبق لها الوزن الثقيل=اللي بنات افكارهم مبطي رميت حجابها
اهيم في واد الدها واروي حديث السلسبيل=يوم ان غيري جامع(ن) كتب الشعر يقرى بها
ما بالقرايه راية(ن) بيضا ولا منها ذبيل=لا روحت خيل الطرد تبكي على هذابها
بعض المعاني وقعها اشطر من السيف الصقيل=يوم السيوف من الهلع تثقل على قضابها
ناس(ن) على الشعر دخلت والشعر بي منهم دخيل=يقول انا بوجهك عن الهزله وعن كتابها
ومدام صارت تشكي العله من اسباب العليل=قل للجماعه ترمي ثياب(ن) ماهي بثيابها
ماهي بلحيه طشطشه سيل(ن) من العارض يسيل=اسقى جبال المملكه وسهولها وهضابها
فان قيل ابو ظبي ابرقت وعيون اهاليها تخيل=قولو لها عيني لها مبطي ترف اهدابها
مساكم الله بالادب والذوق والشعر الجزيل=من شاعر(ن) صدره يسعى مكه ومن يسعى بها
شاعر شمالي وقفته عن لابته تشفي الغليل=يدرى زعلها ويحمى عنها ويخشى عتابها
في ميله عقاله ثقه وبفطرته صبر(ن) جميل=يحسب مسافه صيدته واليا رماها صابها
انا البديل لعمر بن كلثوم لو ماله بديل=لا قامت فحول الشعر تفخر بطيب انسابها
لا المستحيل يردني ولا ابن عم المستحيل=ياما كسرت القاعده واخلفت وجه اعرابها
صدري ليا عليت على واليا استطالت يستطيل=اما استوت لي كلها ولا بلاش اشقا بها
عندي قناعه ظلها وافر ولا لي فيها مقيل=مامشي ورى قالو قبل واعيش في جلبابها
ما من ورى زرع المثل في وقتنا الحاضر حصيل=من طبق امثال العرب هذا الزمن يبلى بها
من ذل لو قالو سلم .. يبقى بنظرتهم ذليل=ما تستوي القمه تحت رجلين منهو هابها
ايه الشجاعه تغلب الكثره وانا اعطيك الدليل=الذيب يدرع بالغنم ولا يحسْب حسابها
جيت بشموخ الوايلي ما جيت من تحت الشليل=ولا ردني عن ساحه الشعار كبر القابها
لو كل من اسمه جميل من العرب يطلع جميل=كان اكثر اسماء العرب تحميل صفات اصحابها
ولاينعم بظل النخيل اللي تحت جذع النخيل=الشمس تصقع هامته حتى يحين غيابها
ولاطولت عمر آدمي قولت عسى عمرك طويل=طول العمار وقصرها رب العباد أدرى بها
رح ردها عني وانا باكبر عواقبها كفيل=كان طلعت كذبه فانا بين العرب كذابها
ان الشجاعه تغلب الكثره وهذا اكبر دليل=الذيب يدرع بالغنم ولا يحسْب حسابها

الله الله

صح الله لسانه ولاهنت يامسفر

بس انا رفع ضغطي يومه يقول

البيرق اللي خذاه محمد فطيس / ماني خلف ان كان مااجيبه

لاهنت .

وشاعر قوي

والله يوفق صالح وعوض بوفقايا

[شيخة الغلا]

إختيااااااااااااار فالقمه ..........وذوووووق راقي

لاهنت يالقرم

[فـارس]

لا هنت يا مسفر على نقل القصيده الرائعه للشاعر خلف العنزي

وانا نثل محمد بن دسمه رفع ضغطي بعد

[شامان المري]

الله لايهينك اخوي على النقل وانتوا يارجااجيل وسعوا صدوركم جعله عليكم نذرررررررر
البيرق دونه رجاااجيل محكحكتن معااادنها واذا هو خلف على قولته خله يجيب البيرق

[عبدالله بن شيبان]

لاهنت على القصيدة

صح لسان خلف المشعان

شاعر و يستاهل

وانا اختلف مع محمد و فارس الرجال ما يرفع الضغط شاعر و من حقه ينافس على البيرق

وكل التوفيق لشعارنا صالح و مهدي و عوض

[الرحال2006]

لا هنت على النقل

ونا اوافق عاشق الريم في كلامه ان البيرق مو ماخوذ غصيبه

خذاه ابن فطيس بجهود شاعريه جبارة لا يستطيع منافسته

عليها من كان معه

وخلف شاعر قوي ومتمكن ومن حقه ان ينافس ع البيرق
وحقه ان يفتخر بنفسه

ولكن دون البيرق رجاجيل متمكنين واقوياء نتمنى ان يحتفظوا
بمكسبهم ( البيرق) وفالهم التوفيق

[مسعطر]

ابو مبارك صح لسانك يا السنافي على الإختيار الجميل ..

و صح لسان خلف المشعان على القصيدة الجزلة ..

تقبل مروري ..

[مسفر مبارك]

مرحبابـك والله يبو نـادر أسعدنـي مرورك ياذيب وأبـد أن شاء الله البيـرق يامـي