مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس الأدبية~*¤ô ws ô¤*~ > مجلس عيون الشعر النبطي

مجلس عيون الشعر النبطي يعنى هذا المجلس بالشعر النبطي المنقول وكذلك بالشعر قصة وقصيدة

رد
 
أدوات الموضوع طرق مشاهدة الموضوع
  #1  
قديم 12-03-2009, 08:59 PM
أبو نواف 711 أبو نواف 711 غير متصل
 
تاريخ التسجيل: Feb 2009
المشاركات: 16
معدل تقييم المستوى: 0
أبو نواف 711 is on a distinguished road
من روائع الشاعر الكبير محمد الأحمد السديري

شىءٍ بقلبـى يامـلا حايـرٍ فيـه
شىءٍ تحير به العقـول الفهامـي
مخفيه بفـوادى و لا ودى ابديـه
وادور الخيـرات شـرقٍ وشامـي
احترت به ما شفت شىءٍ يحاليـه
واليوم أنشد عنـه مانـى بكامـي
سيلٍ حدر مع وادىٍ غيـر واديـه
مـدرى حـلالٍ مـاه والا حرامـي
كانه حلالٍ جايـزٍ شـرب صافيـه
وش حلله يامفسريـن الحـلامـي
هاتوا تفاصيلـه وهاتـوا معانيـه
نبى الدليل اللـى عليـه الكلامـي
نبي دليلٍ يفهـم الـدرب ماشيـه
يمشي به التايـه بليـل الظلامـي
يمشي به التايه ويقـدى مواطيـه
ويشرب قراح الما ليا صار ضامي
لاشك هجسي يوم خـلا مماشيـه
انـه حـرام ومنـه زود الاثامـي
احرم من الزقـوم مـره وحاليـه
وشربه على الضامى يزيد الهيامي
الله مـن قلـب همومـه تقـزيـه
تدك بـه مثـل الجـراد التهامـي
من ما جرى قامت تتلـه مشاحيـه
تل الرشا من فوق هدف المقامـي
روابـعٍ قامـت تصيبـه وتخطيـه
شاف الهوايل واختـلاف الاسامـي
ما يسمع الداعى ليا قـام يدعيـه
يعوم فى بحرٍ مـن الهـم طامـي
ما ينتبـه للـى بصوتـه يناديـه
يزيـد همـه يـوم كـلٍ ينـامـي
يشـوف وقـتٍ ماعرفناتوالـيـه
وقتٍ يشّيب منـه ابـن الفطامـي
هـذا زمـانٍ كـاثـراتٍ بـلاويـه
الغيم يقلـب فيـه عـج وكتامـي
يا بعد شرب الما على كبد راجيـه
ما سيل الغبرا زعـوج الجهامـي
انبيك يا من كلمة الحـق ترضيـه
اعطيك ما ينفعـك وافهـم كلامـي
قصـرٍ يذلـك لا تقابـل مبانـيـه
خله عسى شامخ طويلـه هدامـي
خله عسى ما صاب اغادير يفنيـه
يودع منازلـه الطويلـه رجامـي
لوزان مدخالـه وطالـت حواميـه
شيّد على الخيبه قليـل الرحامـي
وحىٍ يوريـك المـذ لـه وتغليـه
أنا أشهدأنك ميـت القلـب عامـي
مـن لا يـودك لا تـوده وترجيـه
ارفـع مقامـك ياعزيـز المقامـي
ارفع مقامك عن عـدوك وتوذيـه
ويلحقك من تركت رفيقـك ملامـي
حـق الرفيـق وواجبـه لاتخليـه
يلزمك مثـل الوالديـن الحشامـي
اخترعزيز الجار والحـق يعطيـه
شبلٍ على هـرجٍ يقولـه يحامـي
مادك به عرج المـذ لـه وطاريـه
يسبق على فعل الفضيله شمامـي
ومن قارب الاجرب بالامراض يعديه
عدواه تسطي باللحـم والعظامـي
درب السلامـه بينـاتٍ مماشـيـه
ودرب العطب يّرث عليك اللكامـي
ابعد وقلبك نـازح البعـد يشفيـه
وتلقى عن الدار البغيضـه مقامـي
دارٍ بدار وداعـى الـذل عاصيـه
ولا تقبل الذ له نفـوس الكرامـي
الـذل مـوت حايمـاتٍ ضواميـه
ادخل على منزل فروض الصيامـي
عن مقعد بالـذل عينـك تراعيـه
الموت عند الذل امـان وسلامـي
يرضى المذ له من تردت هقاويـه
والذل يجفل منه قلـب العصامـي
والعبد له ربٍ عن النـاس يغنيـه
ولو لاه ماصاب الهدف كل رامـي

رد مع اقتباس
  #2  
قديم 12-03-2009, 09:00 PM
الصورة الرمزية مانع الوعيلي
مانع الوعيلي مانع الوعيلي غير متصل
 
تاريخ التسجيل: Jul 2008
الدولة: الرياض
المشاركات: 4,351
معدل تقييم المستوى: 20
مانع الوعيلي is on a distinguished road
رد: من روائع الشاعر الكبير محمد الأحمد السديري

لاهنت اخوي ابونواف على نقل القصيده الرائعه ويعطيك العافيه

 

التوقيع

 

[IMG][/IMG]

 
 
رد مع اقتباس
  #3  
قديم 12-03-2009, 09:03 PM
أبو نواف 711 أبو نواف 711 غير متصل
 
تاريخ التسجيل: Feb 2009
المشاركات: 16
معدل تقييم المستوى: 0
أبو نواف 711 is on a distinguished road
رد: من روائع الشاعر الكبير محمد الأحمد السديري

وقايل مايهون يالذيب

رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
من الارشيف : الامير الشاعر محمد أحمد السديري أبن الشدقاء مجلس اخبار الشعراء و مسابقات الشعر 4 28-07-2007 08:40 AM
روائع الشاعر الكبير سعد بن جدلان الاكلبي ابومحمد الشامري مجلس عيون الشعر النبطي 13 28-04-2006 12:39 AM
وفاة الشاعر محمد بن الشاعر الكبير احمد الناصر ابومحمد الشامري مجلس اخبار الشعراء و مسابقات الشعر 12 03-03-2006 05:58 AM
من روائع المرحوم الشاعر: محمد العبدالله المري راشد المري مجلس عيون الشعر النبطي 5 18-03-2005 03:16 AM

 


الوقت في المنتدى حسب توقيت جرينتش +3 الساعة الآن 04:00 PM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع