السلام عليكم ورحمه الله وبركاته
هذي قصيده قديمه شوي لاكن حبيت أنقلهاا لكم وعساها تعجبكم
البارحـه فالليـل والنـاس هجـاع =كن فالحشى نجر(ن) اليا صك دني
ياقلبي اللي ضاع من بين الاضلاع =خـذوه ثنتينـن سـون واجهـنـي
كنهن أعنوز الريم مع ريع مهيـاع=شافن لهـن زولـن أوبـه حققنـي
وقفن كما جول الولـع يـوم يـلاع=وأخفاهـن القـنـاص ماريعـنـي
قلب الخطا منهن عذلتـه ولاطـاع=ولا بـدى فالرجـم لازمـن يونـي
والعين كن فيها من النـوم صـواع=تخـوي بدمعـن دايمـن مايـونـي
دمعن كثيرن فاض ماشربـه القـاع=منـه المـلازم فيضـن ومتلـنـي
دونك (معقلا) سدرهـا فيـه كـراع=ومنـه (خصيفـا) وردهـا يشربنـي
(فلانه )مع العربان ماجالهـا أنـواع=مثل القمر يـوم النجـوم أدبحنـي
والخد برقن لابرق توضـي القـاع=وعنقـن طويلـن والجدايـل تثنـي
وجدي عليهن وجد من كـان زراع=أخـذت معاويـده وهـو مطمهنـي
وهب الهوى هيفن على الزرع ولاع=وحتت غصونـه عقـب مايبسنـي
أوجد من هو طاح يـوم التصيـواع=خلـي صويبـن والنضـا دبرنـي
أقفو عليهم مرخيت كـل مصـراع=وقامت أطيور الجو لـه يكسعنـي
كونه مكين ولاص خده على القـاع=جر الونيـن وهـن لـه يمزعنـي
وســــلامتكم
06-09-2005, 08:15 PM
العرض العادي
