مجالس العجمان الرسمي

العودة   مجالس العجمان الرسمي > ~*¤ô ws ô¤*~المجالس الأدبية~*¤ô ws ô¤*~ > مجلس عيون الشعر النبطي

مجلس عيون الشعر النبطي يعنى هذا المجلس بالشعر النبطي المنقول وكذلك بالشعر قصة وقصيدة

رد
 
أدوات الموضوع طرق مشاهدة الموضوع
  #1  
قديم 09-03-2010, 04:12 AM
الصورة الرمزية ِِِAL 3ajmiah
ِِِAL 3ajmiah ِِِAL 3ajmiah غير متصل
 
تاريخ التسجيل: Apr 2009
المشاركات: 6,404
معدل تقييم المستوى: 17
ِِِAL 3ajmiah is on a distinguished road
نبذه عن الشاعره عابرة سبيل... وقصه وفاتها رحمها الله

..عـــابـــرة ســبــيــل..


الشاعره عابرة سبيل من اشهر الشا عرات اات الللاتي عملن ضجه في الوسط الشعري ,,,


لم تنصف الصحافه هذه الشاعره ولم تعطيها حقهاا!!


شغلت الشعراء في حياتها واشغلتهم بعد موتها


قيل إنها فتاة بدويه على وجه العموم


وقيل أنها ( عازميه ) على وجه الخصوص


أبدعت في الشعر الغزلي والشعر الهزلي ..!!


وقالوا الشعراء بعد بروزها أنها عدة شعراء


وقالوا إنها شاعر موهوب لايشق له غبار لقوة مفرداته وسلاستها


وانه يتخفى خلف اسم مستعار نسائي للترويج الإعلامي ..!!


وقيل انه بعد القيل والقال واهتمام الشعراء بالشاعرة


للوقوف على حقيقتها وحقيقة قصائدها


أن الشاعر الذي يتخفى خلف هذا الاسم قتل الموهبة بخبر الوفاة ..!!


ذكر شاعربأن عابرة سبيل , ليس لها وجود في أرض الواقع


إنما هي شخصيه مصطنعه لأحد الشعراء ليثبت بها احتفاء الاعلام الخليجي


بالاسماء النسائيه دون الاسماء الرجاليه...



* * *


الأســم : وسميه العازمي ( أم فهد )


الجنسيه : كويتية


الحالة الأجتماعية : متزوجه ولديها ثلاث فتيات وولدين ..


المؤهل الدراسي : ثانوية عامه وبتفوق..


سبب وفاتها : انتشار السرطان بجسدها..




عابرة السبيل عبرت ورحلت تركت مشاعرها بين أيدينا، رحمها الله كم كانت مجيدة في قولها ومشاعرها


وتعبيرها وصدق أحاسيسها.


لم تبلغ من العمر عتياً بل كانت في العقد الرابع من عمرها تقريباً عندما أصيبت بالمرض وماتت، ولكنها في


مشاعرها تحمل الأرشيف الإنساني بكل مدوناته وبكل نقاطه وعلى أهم عباراته توقفنا عابرة سبيل. .


***




قيل انها كتبت ان اخر قصائدها هي قصيدة الوداعيه ,,, كتبتها وهي على فراش الموت


تحكي قصة زوجة اُصيبت بالمرض الخبيث وهو سبب وفاتها رحمها الله


(( اسأل الله ان يجعلة كفارة لذنوبها ))


وكانت قد ترددت كثيراً على المستشفيات بحثا ً عن علاج ..وفي أخر مره أجريت لها عملية جراحية وبعد


مغادرتها المستشفى احتفاء زوجها بمناسبة خروجها. ولكنها كانت يرحمها الله تشعر بأن المرض


قد أستشرى في كامل جسدها .


وفي تلك الليلة كتبت القصيدة التاليه :



ترى الذبايح وأهلها ما تسليني=وأنا أدري إن المرض لا يمكن علاجه


أدري تبي راحتي لا يابعد عيني=حرام ما قصّرت ايديك في حاجه


اخذ وصاتي وأمانة لا تبكيني=لو كان لك خاطر ما ودي إزعاجه


أبيك في يديك تشهدني وتسقيني=وأمانتك لا تجي جسمي في ثلاجه


لف الكفن في ايديك وضف رجليني=ما غيرك أحد كشف حسناه واحراجه


ابيك بالخير تذكرني وتطريني=اجيرني خالقي من نار وهَّاجه


سامح على ما جرى بينك وبيني=أيام أمسي عدل وأيام منعاجه


عيالي همي وأنا اللي فيني يكفيني=علمهم الدين تفسيره ومنهاجه


كان الرد من الزوج المكلوم في هذه الأبيات التي لا تقل شأناً عن أبيات الراحلة التي كتبتها قبل أن تموت فكانت (المرثية في المرثية):



حاولت أنام وحاربت عيني النوم=وجريت صوتٍ مثل صوت الذيابه


الجفن كنه صار ضايق ومهزوم=ودموع عيني مثل رس السحابه


على وليف قالوا اليوم مرحوم=فارق وراح وما تهنى في شبابه


زرت القبور اللي على بعضها ارسوم=وخطيت رسم فوق ذيك النصابه


قلبي من الدنيا عليه مرسوم=والرسم توه عقب خط الكتابه


أحبها مير القدر صار مقسوم=ويحبها كل الأهل والقرابه


الموت أخذها واودع القلب مثلوم=جرح عميق ما يداوي صوابه


الموت أخذ شجعان وارخوم وقروم=وأخذ رسول الله وباقي الصحابه



***


يتبع بعض القصائد للشاعرة عابرة سبيل رحمها الله ...





يــــا يـــمة ..



يمه .. يايمه .. فديتك لاتخليني ’=’ بعثرني الهم وأبغى يديك تجمعني


يمه افهميني تراك ان مافهمتيني ’=’ مافيه شخص بهالدنيا بيسعمني


ماعدت انا طفلتك.. كبرت شوفيني ’=’ خليك يمي ترى الاطماع تتبعني


لاتدلليني .. أبي منك تدليني ’=’ وابي ايديك تداعبني وتصفعني


ولا انهد حيلي أبي عطفك يقويني ’=’ ياما كلامك على الشدات شجعني


وان جيتك ابكي .. ابي منك تهديني ’=’ مابيك تبكين .. أبغى العقل ينفعني


يامملكة عطف ياعطر الرياحيني ’=’ براثن الهم والهوجاس تلسعني


بسمتك عندي الا من ضقت تكفيني ’=’ وارضاك عني عن الاحزان يرفعني


اسمى العلاقات تربط بينك وبيني ’=’ ياللي احضانك ان ضاق الكون تاسعني


لك احترامي وحبي والوفا .. فيني ’=’ وفيك اروع الحب مايخطي ويخدعني



*****


لحظـــة وداع


فارقـت خلـي و كـلٍ ودع الثانـي=لا عـادك الله يـا فرقـا المحبينـي


في ليلة السبـت خليتـه وخلانـي=يا ليلة السبت جعلك مـا تعودينـي


الصاحب اللي عقب مـاراح بكانـي=و هو بعد قبل ما يمشـي مبكينـي


سابع سنة حبهم عايـش بوجدانـي=طموح و احلام ماتن ، من يعزيني ؟


و الله مدري انا ابكي بعـد خلانـي=و لا على عمري اللي راح وسنيني؟


عنده رقم هاتفي و اسمي وعنوانـي=ان غير الوقت رايه 00 يتصل فيني


******


يا كثر شعري



يــا كثـر شعـــرٍ كتبـــته امـــس و البـــارح =و يــا كثـــر شـــعرٍ عقــب فرقـــاه سجلــــته


دفـــاتري إمتلـــت مــن سبــــة الجــــــارح=هــــذا000 وغيــــر الــــذي للحـــين مـا قلــته


خلـــى دمـــوعــي تهـــل و خـاطري سـارح=يــا كثـــرٍ هـــمٍ علـــيه اليــــوم شـــايلتـــــــــه


اللـــي خلانـي انصـدم واصيـح واصــــــارح=فرقـــــــــاه حتــى خيـــالٍ مــــا تخيـــــــــلته


وا جـرحـي اللـــي مــن الافكـار يســـتارح=وا قلبــــي اللـــي مـــن الاوهــــام حملتــــــــه


******


بريال عارضته



بريال عارضته على السوق بريال ’=’ من باعني برخيص والله لأبيعـه


من يشتري رجّال قصّر بالافعـال ’=’ باع العهـود الماضيـه للخديعـه


رجّال يسوى له ثمانيـن رجّـال ’=’ كل الصفات اللي ملكها فضيعـه


له ضحكةٍ تشبه لضحكات الأطفال ’=’ ذيبٍ ونظراتـه حنونـه وديعـه


وله فزعةٍ منها المجانيـن عقّـال ’=’ وفجوج لا ضاقت عليّ الوسيعـه


ياما عدل عوجا ثقيلات وطـوال ’=’ وأنامعاقبتـه غيـورٌ صريـعـه


والله يسوى لـه ثمانيـن رجّـال ’=’ والخبل مثلي لا زعل يب يبيعـه



من قصائدها الهزليه ,,,



جاء يعيرني يقـــول انتي متين = حلقك المفتــوح لازم نغلقه


هيـه يادبّــه لــزوم تخفّـفين = والا اثوّر فيك عشــرين فشقه


وفي رجيمـي استمريت سنتين =جدي اللي مات قاربت الحقه


ويش رايـك ؟ قلتها بصوتٍ حزين = قال : دبّــه ، وانقـلبتي لسلقه


****


تقول عن بطاقتها الشخصية :



انا عجوز مطلقة وام ورعان=وايضا مدام وبنت وانس وعانس


انا بدوية وعايشه عند حضران=وبنت البحر وابوي زارع وغارس


امية ماتعرف حروف والوان=وتلميذة دشت جميع المدارس


ظفره وخبله وعاقله في نقصان=شرود وانطح لي ثمانين فارس


خلون 00اعيش العابره دون عنوان=طيف يمر بلا رقابه وحارس


****



أبـيـات قد تـكـون قـصـائـد ::


حب



مدري رجا مدري وفا مدري احساس=انظرك وادري قلت لي منت راجع
يامن سوت عينه مخاليق واجناس=ادخل على الله .. لا تزيد المواجع



ـــــــــــــــــــــــــ


العين بالعين



ما ارضى اخونك ولا ارضى اعيش منحرفه=ماهو عشانك عشان النفس والعالم
درب الخيانات لو اموت ما اعرفه=لكن ياعمري .. تحاشى ثورة الحالم


ـــــــــــــــــــــــــــ


أمومتي



عقب البطا أرسل عليه سلامه=يطلب ويرجيني يبي تضحياتي
مقدر اضحي بالشرف للملامه=وأمومتي ترفض أيتّـم بناتي
ان ما حصل لقياك يوم القيامة=ماظن تحصل شوفتي ياغناتي


ــــــــــــــــــــــــــــــــــ


إنـّا لله



اشهد اني لغيره بالغلا ما عطيت=واشهد انه بغاني مير مامن عوين
صحت من قلب ياويلي على اللي هويت=وقمت امسح دموعي من يسار ويمين
لا طرالي حبيبي بصوت واطي حكيت=إنّا لله وإنّا للولي راجعين


ــــــــــــــــــــــ


الأسمر


الاسمر اللي زارني في محلي =الله يجيره من جميع الصواديف
قال التغلي وقلت مامن تغلي =قلت الفراق وقال مامن تكاليف
وقال أبروح وقلت وا كبر غلي =وقامت تدق طبول قلبي تحاسيف


ــــــــــــــــــــــــ


قال الوداع



هو يعتقد لو راح مقدر انا اعيش=دايم يهددني بفك الجموعي
قال الوداع وقلت ياصاح حتيش=ياعلها فرقا بليا رجوعي
ياسايل عني انا قاسيه ليش =بتموت ما تلقا من الناس نوعي


ــــــــــــــــــــــــــــــــ


اثر يديني



حان الفراق وتم توديع غالين =قسوة زمن وظروف ماهي رحومه
ومسكت نفسي تقل ما صار شين =اخشي على خلي يشقق هدومه
ثم قلت وش تنطر حبيبي لهالحين ؟=اثر يديني ماسكاتٍ كمومه



ــــــــــــــــــــــــــــــ


حيره



لا قال لي ردي .. ولا قال لي روحي =لا هو مريحني ولاهوب مرتاح
يغيب ويعوّد يفتق جروحي =واذا استجد الجرح لوح لي وراح
واضحك واجامل وادعي بالفروحي =وبداخلي نار وتجاريح وصياح
ـــــــــــــــــــــــــــ


رحـــــمكـ اللـــه يا عــــا بــــرة سبيل



أتمنى أن أكون وفقت في الأختيار

 

التوقيع

 



 
 
رد مع اقتباس
  #2  
قديم 09-03-2010, 07:21 AM
ليــه يازمـــن ليــه يازمـــن غير متصل
 
تاريخ التسجيل: Aug 2008
الدولة: <<المـــريـــــخ>>
العمر: 35
المشاركات: 7,820
معدل تقييم المستوى: 19
ليــه يازمـــن is on a distinguished road
رد: نبذه عن الشاعره عابرة سبيل... وقصه وفاتها رحمها الله

الله يــرحمــها

والله يعــطيكِ العــافيه عــلى مــاقدمتِ

 

التوقيع

 

مثل غيم الشتاء همي تراكم ..
متى عيني يا أحبابي تراكم ؟؟



شهور وسنين غيبتكم ياترى كم ؟؟
وحيد ولا عزيز يمر عليه ..



آلحين عرفت ليش الـگـرة آلأرضية تدور ؟!
عشآن تشوف جمآالي من الجهآت ألأربعة .,*

 
 
رد مع اقتباس
  #3  
قديم 09-03-2010, 07:41 AM
الصورة الرمزية ناثرة الورد
ناثرة الورد ناثرة الورد غير متصل
 
تاريخ التسجيل: May 2008
الدولة: ஐ๑[ ب۶ـد ماطول غيابه آإلتقينا دون مو۶ــد »$ •
المشاركات: 15,064
معدل تقييم المستوى: 10
ناثرة الورد is on a distinguished road
رد: نبذه عن الشاعره عابرة سبيل... وقصه وفاتها رحمها الله

.. عسى الله يـرحمها ويغمد روحها الجنهـ ..

{ شُـكـرت لـروعـهـ الـطـرح
ولا حُرمنا روعهـ جديدكـ الراقي ..

دمـت بهـذا التميـز ~

 

التوقيع

 

°o.O مًـِصُّـيـَرةٌ لا ذُكـًـر يـَـشًـتـٌـاقُ O.o°



أثقَ بكَ ربيْ !
آثقَ بأن كلَ مآ ( أتمنآهَ ) سيكونَ برحمتكْ ليَ ..
وأن كلَ مآ آدعوَ به ستحققهَ لي
يومـآَ ..|
وستجزينيٌ خيرآ لآننّي آمنتَ بكَ وآنآ موقنهَ برحمتكَ

آللهم وفقني لمآ تحبه وترضآه
 
 
رد مع اقتباس
  #4  
قديم 09-03-2010, 01:45 PM
الصورة الرمزية shmoo5_ al_ajmy
shmoo5_ al_ajmy shmoo5_ al_ajmy غير متصل
 
تاريخ التسجيل: Dec 2008
الدولة: مجالس العجمان
العمر: 36
المشاركات: 4,573
معدل تقييم المستوى: 15
shmoo5_ al_ajmy is on a distinguished road
رد: نبذه عن الشاعره عابرة سبيل... وقصه وفاتها رحمها الله

الله يرحمهااا

وتسلمين علي نقل القصه

 

التوقيع

 

 
 
رد مع اقتباس
  #5  
قديم 09-03-2010, 02:40 PM
الصورة الرمزية الريمي 2009
الريمي 2009 الريمي 2009 غير متصل
 
تاريخ التسجيل: May 2008
المشاركات: 1,530
معدل تقييم المستوى: 13
الريمي 2009 is on a distinguished road
رد: نبذه عن الشاعره عابرة سبيل... وقصه وفاتها رحمها الله

الله يرحمها ويسكنها فسيح جناته
عابرة سبيل شاعره غنيه عن التعريف
العجميه ابدعتي في الاختيار لكي مني اجمل وارق تحيه

 

التوقيع

 

هو يظن

ان التجاهل يجذبني اليه
لكنه لايعلم ان { التجاهل }
هو اللذي اخرج الكثيرون من حياتي....!!



BB:26E29951

 
 
رد مع اقتباس
  #6  
قديم 10-03-2010, 01:22 AM
الصورة الرمزية ِِِAL 3ajmiah
ِِِAL 3ajmiah ِِِAL 3ajmiah غير متصل
 
تاريخ التسجيل: Apr 2009
المشاركات: 6,404
معدل تقييم المستوى: 17
ِِِAL 3ajmiah is on a distinguished road
رد: نبذه عن الشاعره عابرة سبيل... وقصه وفاتها رحمها الله

اقتباس:
المشاركة الأصلية كتبت بواسطة ليــه يازمـــن مشاهدة المشاركة
الله يــرحمــها

والله يعــطيكِ العــافيه عــلى مــاقدمتِ
آمين .. شكرا لك ~
رد مع اقتباس
  #7  
قديم 10-03-2010, 01:23 AM
الصورة الرمزية ِِِAL 3ajmiah
ِِِAL 3ajmiah ِِِAL 3ajmiah غير متصل
 
تاريخ التسجيل: Apr 2009
المشاركات: 6,404
معدل تقييم المستوى: 17
ِِِAL 3ajmiah is on a distinguished road
رد: نبذه عن الشاعره عابرة سبيل... وقصه وفاتها رحمها الله

اقتباس:
المشاركة الأصلية كتبت بواسطة ناثرة الورد مشاهدة المشاركة
.. عسى الله يـرحمها ويغمد روحها الجنهـ ..

{ شُـكـرت لـروعـهـ الـطـرح
ولا حُرمنا روعهـ جديدكـ الراقي ..

دمـت بهـذا التميـز ~
اللهم آميييين , العفوو .. تسلمين ~
رد مع اقتباس
  #8  
قديم 10-03-2010, 01:25 AM
الصورة الرمزية ِِِAL 3ajmiah
ِِِAL 3ajmiah ِِِAL 3ajmiah غير متصل
 
تاريخ التسجيل: Apr 2009
المشاركات: 6,404
معدل تقييم المستوى: 17
ِِِAL 3ajmiah is on a distinguished road
رد: نبذه عن الشاعره عابرة سبيل... وقصه وفاتها رحمها الله

اقتباس:
المشاركة الأصلية كتبت بواسطة بنت المشاعر كلن لها شاعر مشاهدة المشاركة
الله يرحمهااا

وتسلمين علي نقل القصه

آمين .. الله يسلمك يالغلا و يحفظك ~
رد مع اقتباس
  #9  
قديم 10-03-2010, 01:26 AM
الصورة الرمزية ِِِAL 3ajmiah
ِِِAL 3ajmiah ِِِAL 3ajmiah غير متصل
 
تاريخ التسجيل: Apr 2009
المشاركات: 6,404
معدل تقييم المستوى: 17
ِِِAL 3ajmiah is on a distinguished road
رد: نبذه عن الشاعره عابرة سبيل... وقصه وفاتها رحمها الله

اقتباس:
المشاركة الأصلية كتبت بواسطة الريمي 2009 مشاهدة المشاركة
الله يرحمها ويسكنها فسيح جناته
عابرة سبيل شاعره غنيه عن التعريف
العجميه ابدعتي في الاختيار لكي مني اجمل وارق تحيه
اللهم آميين .. جزاك الله خير ~
رد مع اقتباس
  #10  
قديم 10-03-2010, 01:38 AM
خلاوي الشمالي خلاوي الشمالي غير متصل
 
تاريخ التسجيل: Aug 2007
العمر: 31
المشاركات: 3,812
معدل تقييم المستوى: 16
خلاوي الشمالي is on a distinguished road
رد: نبذه عن الشاعره عابرة سبيل... وقصه وفاتها رحمها الله

الله يرحمها ويغفرلها

جزاش الله خير على ماقدمتي هنا

تقبلي مروري

 

التوقيع

 

 
 
رد مع اقتباس
رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى

المواضيع المتشابهه
الموضوع كاتب الموضوع المنتدى مشاركات آخر مشاركة
وقفه مع الشاعره عابرة سبيل((رحمة الله عليها)) الريمي 2009 مجلس عيون الشعر النبطي 15 09-03-2014 12:19 AM
عابرة سبيل وحطت بي رحالى على سواحلكم ... عابرة سبيل مجلس الترحيب والتهاني 26 04-11-2009 12:47 AM
ليتــــه درى صبحيـــة العيد وش صار.. لشاعرة عابرة سبيل {عـالـي مستــواهـ} مجلس عيون الشعر النبطي 20 24-09-2009 02:19 AM
مجموعه من روائع الشاعره عابره سبيل الجوـوـوـوـري مجلس عيون الشعر النبطي 14 07-05-2007 12:08 PM
انتــحـــــــــــــــ عابرة سبيل ــــار منوة الخيال مجلس عيون الشعر النبطي 10 26-09-2005 03:25 PM

 


الوقت في المنتدى حسب توقيت جرينتش +3 الساعة الآن 12:57 AM .


مجالس العجمان الرسمي

تصميم شركة سبيس زوون للأستضافة و التصميم و حلول الويب و دعم المواقع