بسألكَ يادُنيٍا سُؤْال بسْ صارحٍيٍنٍي ":ْ~ ( خواطر + بوح مشاعري)~

[EmpeRoR]

" الحـب يجـرح ولا لجروحـه مضمّـد
و الواقـع المـرّ هـو الآمـر الناهـي "

" مشاعري تشتعـل والقلـب متجمّـد
والعيـن من عزها تمت على مـاهـي "

" مدري متى بأتركـه وآصـد متعمّـد
واطرب مـع المنطرب والهى مع اللاهي "

[EmpeRoR]

،،
.
الا يا طفلتي ماهو الهوى هالشارع المهجور
.. .. .. ولا هو ريحة غبار الوعد في اسفل ثيابك .


كذب من قال ورد العاطفه ينبت بظل السور
.. .. .. و جبان اللي يخاف الناس لو وقف على بابك .


كتب لك كل مافي الحب من عذب الكلام سطور
.. .. .. و لكنه عجز يا [ طفلتي ] لا يكتب كتابك .
.

[EmpeRoR]

تخنقني النظرات واضيق وارتااااب
لامن شعرت إني ../ بفارق حنانك

واطير ويطير بسما روحي أسرااب
ترجف من الرهبه ../ تدور أمانك

[EmpeRoR]

اللي على البال
..................ما مرّيت في بالـه
الحين لو هو...[ قريّب ]... ماهـو قريّـب ..!!
مابيـن تدويـرةٍ وإقفـاي../.. وإقبالـه
.....وظنون مرّه تصيب..... ومـرّه تخيّـب

[EmpeRoR]

ما ودى اجرح (هجعة الليل ) واصيح
صووتى صداة يثير صمت الذيابة,,’’


ملـيت هـم ملــــيت تجـــريح
صدري ,, لطعنات ,, المواليف غابة

~ رضيت اعيش بوادى الرمث والشيح
عـقب الحـبـيـب اللى جرحنى غـيابة }..

[EmpeRoR]

عزاه يا وقت مضى عله يعود
يومه ربيع و وقت عطلة و كشتات

يوم اللقا ما فيه عيب ومنقود
فيه الهوا طاهر ونابع من الذات

نقعد ودوتنا بها الضو موقود
وريح الحطب ينثر على الجو نفحات

وخلي يحاكيني واحاكيه بحدود
نحكي كلام العين للعين بسكات

نشرح هموم البعد ونجدد عهود
ونرسل شكاوي الحب بقصيد وابيات

ويقول وين فلان واقول موجود
وكنه يقول الحب وأقول ما مات

وهذي عجوز فاهمه حروف وردود
تكشف كلام الحب لو صار نظرات

ويقطف من العيدان عود وراء عود
ويكتب على القاعه احبك يا ونات

واخاف يفهم ما كتب جدي العود
واخاف حساد الهوا حقد و وشاة

وآنا اطرشله من عيوني السود
اجمل معاني الشوق والبعد خطوات

واليا اقبلت ديمة بها بروق ورعود
رديت للديرة معي جيش عبرات

وأبكي زمان فات يا عله يعود
يومه ربيع و وقت عطلة وكشتات

[EmpeRoR]

قلبي من الفرقا صويب[ومرتاب]
كنه غدى صوين من هول ما به

حزني عليه انه تسبب ولا طاب
نظرة طبيبه عجلت في||ذهابه||

[EmpeRoR]

علموه أني (فقدتــه) ياعسى عامه سعيد
وعلموه أن (القصايد) في غيابــه تتبعـه

كل عام يمرني .. يالأسف .. مامن جديد
بالحزن (أستقبله) و(أصافحه) و(أودعه)..؟

[EmpeRoR]

آجلس واشب النآر واتذكر وليفي ~
وبحجة الدخآن ابكي على كيفي

[EmpeRoR]

ياحمامة تشتكين بصوتش المتضايق
كل ذا وأنتي على غصن الشجر مرتكيه

لاحزنتي عن سما الخلآق مالش عايق
وفي ذرى الله ما انتي بضجره ولا مشتكيه

وش يقول اللي من معايل زمانه ضآيق
وأن حكآ لش عن همومه ماسمعتي حكيه

لآتحسبيني ليآ جريت صوتي رآيق
في خفوقي غصتين وفي عيوني بكيه