من اللي علم القمرى تسوق الليل للساري ..!!؟

[خلاوي الشمالي]

لا.. للمقدمات في وجود هذا النص











خسرتك يالغلا اللي كان ينبت في ثراه الورد
وداعا مو مهم أنك تعرفين آخر أخباري





تحطم جسرنا المبني بدم اعروقنا وانهد
وانا و انتي و بس ندري من البايع من الشاري






وطفل (ن) عاش ست اسنين و توفى بسن المهد
تناسينا نصلي له دفنا جثته عاري






تعبت اشرب مراراتك واصب على شفاك الشهد
تعبت اطفي قناديلك واشب من الظمى ناري






و قررت ابتعد مجبور افضل عن دفاك البرد
تخيرت اصعب الأمرين وانتي كيفك اختاري






فقدتك يالغلا والله إذا كنتي تبين الجد
احس اني فقدت الروح واصدق حلم بفكاري






بعد ماكان في قلبك عيون الطيب ما تنعد
من اللي علم القمرى تسوق الليل للساري






ومن داس الشموخ اللي معي ما كان يوصل حد
جذوره في شراييني تطول و تشرب اشعاري






غيابي دنس التربه و كربك لو حكيت أشتد
عتابي سيف من قسوة سكوتي يكتمل ثاري






وش اللي يرخص الغالي وهو بالقلب ما له ند
سوى ليمن غدى قصه قصيره تعجب القاري






و انا جنبك زرعتك طهر و احبال الوفا تمتد
ما بين الليل و اكفوفي شذاك يعطر اشجاري






ولكن طار من صدرك طيور غردت بالود
و شمعك مات في صدري و نحلك يبكي ازهاري






وقررت اخسرك والقلب ما بين الوله والصد
وعشقي مل من صبري و وقف مركب اسفاري






خسرتك ما خسرتيني أعرفك تعشقين المد
يبلل شاطي احزاني ويجتث اجمل اعذاري






رحلت و في أمان الله ما بيني و بينك غد
على معزوفة أخر ليل اغني واعزف اوتاري






وداعا والله يسامحك يوم انك نثرتي الورد
و شمه غيري و حبه و حبه ناس بالطاري






..


..


..



مبدعها \ خالد بن جلسه

[عـسـاه خـيـر]

الله الله صح السان خالد والسانك يا ذوق وتسلم يمينك على نقلها

[وافي بن وافي]

صح لسان الشاعر وسلمت يمينك على هذا النقل الرائع شـكــ وبارك الله فيك ـــرا لك ... لك مني أجمل تحية .

[ناثرة الورد]

{{ خـلاوي الشمـالـي }}
/
\
/
مشكور على هالقصيده الرائـ ع ــه
الله يـ ع ـطيك الـ ع ـافيه
وعساك على القوه
ننتظر جديدك المميز
/
\
/
كل التحـــيهـ

[الغروب]

خـلاوي الشمـالـي

اشكرك على الابداع بهذا الاختيار

وصح لسان شاعرها .

[شيخة الغلا]

اختياراتك كلها ذوق X ذوق صح لسان شاعرها / وصح كلك خلاوي لاعدمناك

[عايض الوقدان]

جميل يا خلاوي .. ومبدع وذويق !


تقبل مروري وصح ذائقتك على هالنص !