ملحمة شاعر يام في الأبل ..

[يامي والدم حامي]

	الحـمـد للمعـبـود رب العالمـيـن=ذا الكـون والآيـات عنّـا يـا معيـن إيّـاك نعبـد يـا إلــه ونستعـيـن=فـوق الذلـول اللـي نمِـس ابطانهـا والشعر مع سفن الصحاري لـه مـدار=أحلّ وأفضل ما مشـى فـوق الديـار وأغلى وأجمل مـا خلقـه الله جهـار=البِـلْ عطايـا الله هــذا عنوانـهـا إذ قال فيهـا كيـف خُلقـت بالكتـاب=يصعب علي التعبير والشعـر الجـواب إلا أنهـا عبـرة ومنشاهـا السحـاب=مـال وجمـال وعظّـم الله شانـهـا غاثـت نبـي الله صـالـح وأمّـتـه=وليـا أقبلـت للبيـر شربـت جمّتـه ليـن عقَروهـا القـوم والله نقمـتـه=حاطت علـي اللـي سببـوا فقدانهـا والإبـل قبـل آدم وحـوّا يخلـقـون=خلقت من أول ما خلق منشي المـزون موجـودةٍ لـيـن الأودام وينتـهـون=جعلـه فداهـا مـن جَحـد عرفانهـا هذي حلايـب لـ.. أنبيـا والمرسليـن=وهـي الركايـب للأشـدّة والضعيـن وهي الجلايب عنـد فرغـات اليديـن=وهـي الوقـار ليـا أقبلـوا ضيفانهـا وهي الهدايا اللـي تسكـت كـل فـم=وهـي الكبـارة للزعيـم اليـا زعـم لعـل دارٍ مـا لهـا فيـهـا قـسـم=مـع الــزلازل تنفـجـر بركانـهـا وهي الكسايب ل.. التقوا قـوم وقـوم=أحد تصير أبعـد عليـه مـن النجـوم واحد كسبها غصب من فوق الخشـوم=ليـا رقـص للمعـركـة شيطانـهـا ياما وياما من هجـاد ومـن صبـاح=للخيـل والفريـس حمـران الرمـاح وقومٍ حموها ف.. المفالـي والمـراح=وقـوم تضويهـا بكـسـب ايمانـهـا ينوب عن تسعيـن فـارس بالحسـابا=ليا قضـب سـرج الفـرس وعنانهـا وصّاه ابن سرحـان فيهـا ثـم قـال=أوصيك فـالبل ذخرنا فـي كـل حـال من لاحماها مـا تصـب لـه الـدلال=ذي ساعـة الخـلاّن فـي خلانـهـا مشروبنـا والـقـوت در حجـورهـا=وعنـد الرحيـل تشلينـا بظهـورهـا ويكسي وبرها الناس عنـد عسورهـا=ومـن جلدهـا مصنوعـةٍ حيضانهـا وكـرّر يقـول اخفافهـا فـوق الحفـا=يوصف سماريها على وصـف الصفـا تدبير من فـي خلقـه الكـون اكتفـا=تاطـا سماريهـا وهــي حذيانـهـا قال ابن غانـم لا توصينـي حريـص=ليا غدى للسيـف والحربـة وريـص أخلـى الفريـس بدمـاهـا ربـيـص=لـي بارزتنـي واشهـرت عيدانـهـا كلّه عن البـل والجديـد مـن القديـم=لو أتجـول مـن عديـم إلـى عديـم ما أكملت ذكر اللـي يـردون الوسيـم=والبـل وأهلهـا تنعـرف وأزمانـهـا ولا زالت البل مـع صناديـد الرجـال=غرب وشـرق وبالجنـوب وبالشمـال على غلاها القيد مـن فوقـه العقـال=ذخـر ٍ لحكّـام الــدول واعيانـهـا الإبـل لشيـوخ القبايـل والمـلـوك=ولكـل شهـم مـا تـراوده الشكـوك مهما تعـلاّ راس مالـه فـي البنـوك=حافـظ عليهـا واعتـرف باحسانهـا يـا زيـن طاريهـا وزيـن اخْلُوقهـا=الجاهـل اللـي مـا يقـدر سوقـهـا مَن صِغْر قدرِه مـا يَعَـرْف حقوقهـا=جعْلـه يعـاف لحومـهـا والبانـهـا الرابـح الرابـح خـذا منهـا قسـوم=والإبـل تاسمهـا القبايـل بالوسـوم من عَهْد يوم الناس معطـا ومحـروم=تجـددّه لـ.. أحفـاد مـن جدّانـهـا هـذا هـو الشـرح الدليـل الأوّلــي=وبيتبعـه وصـفٍ وشـرح مفصـلـي خلونـي آلاعـب عصاهـا واعتـلـي=والملحمـة يبـرْا لـهـا برهانـهـا عوص القوافي مـن عدمهـا للوجـود=وسايـق فيهـا مـن المعنـى نجـود حتى نوردها علـى حـوض الـورود=مثل الجمـال نقودهـا ب.. ارسانهـا تسمّعوا في وصـف جرعـات الحنيـن=من راس ذروتها إلى الخـفَ الرزيـن وقدم وخَلْف ومن يسار ومـن يميـن=وافعالـهـا واشكالـهـا والوانـهـا الناقـة النـاقـة ويلقحـهـا جـمـل=الأصل واحـد والصنـوف إلـى قبـل لقاحهـا يظهـر ل.. اهلهـا والفحـل=علـى ثمـان مـا اختلـف حسبانهـا يصبح بها ذيل المعشـر تحـت فـوق=لقـاح لا فيهـا صبـوح ولا غَـبـوق لهـا فحلهـا لا يـلـوق ولا تـلـوق=وآخـر سنَتْهـا حـذَفـت حيرانـهـا هات الشمالة بعد شَهْـر مَـعْ شَهَـر=لبّ المحالـب بالشمالـة مـن حَـدر شَمالـة مشخولـة ومــن الـوبـر=مروبـعـة ومثولـثـة جيـلانـهـا في جالها الخلفي ومـن بيـن الفخـوذ=ربـاط تحـت ايمـن فقارتهـا يلـوذ من الظهيـرة لـه ربـاط ولـه نفـوذ=السفـه اللـي يلتـوي ب..قْرانـهـا وجيلانها اللي من يمين ومـن يسـار=تربـط بثنتـيـن تجيـهـا بانـحـدار الأيسـر المبهـل والايمـن للـقـرار=موكـديـن شروطـهـا واركانـهـا والكرسي الثابت يجـي خلـف السنـام=منـه الجنايـب مـددوهـا لـلأمـام هذا الظهر مـن بينهـا مثـل المقـام=ولهـا روابـط والنـحـر ختمانـهـا وأمّا التوادي لو تكـون مـن العشَـر=أفضل من الليحـان وأنـواع الشجـر طول الصرار يصير شبر إليـا انشبـر=تـوداه وحـده واختهـا ب.. وْزانهـا الرقْف اقل بْـ" سانتي " من عرضهـا=والعرْض عن مركـز ثـلاث اغضهـا والنـاس تلـزم روسهـا وتحظَـهـا=وتْثبـت المقـرون فــي فيجانـهـا واحلب وحيّـن وانتبـه ل.. حوارهـا=لـولا لبنهـا مـن يعيـش اصغارهـا واليا انحـرف راس السنـة لدْوارهـا=هـدّوا فحَلْهـا وافـرُدوا حشوانـهـا مفرودها عمـره سنـة مهمـا يـزادو=العام الآخـر حـقَ والثالـث وكـاد لِقْـي والرابـع جِـذَع حسْـب العـداد=وفي عـام خامـس مثنيـة جذعانهـا سنَ الثني في عامه السـادس رَبـاعَ=وفي عامه السابع سديس بكـل قـاع واليا انتهى السابع خذ العلْـم الوقـاع=ثامـن وتاسـع شمـخـت نيبانـهـا تكاملـت الأنيـاب فيهـا والسـنـون=وان عقبت عاشـر عـوام العمـر دون يمكن إلى العشرين تاصل قـد يكـون=وعنهـا الطواحـن حوّلـت واسنانهـا تلقح ثمان امرار مـن عمـر طويـل=وثمان خلفـة وعشـرة مـا تستحيـل اليا استمرت مـن بديـل إلـى بديـل=هـذي حـراوي قدرهـا وامكانـهـا البـلْ عطايـا الله جزيـلات العـطـا=قطّاعـة الفرْجـة طويـلات الخـطـا ومْـع ظـلام الليـل ادلّ مـن القطـا=سفـن الصحـاري والذكـا باذهانهـا وارجع إلى عسفي ووصفي للذلـول = اركب ظهرها ثـم أعلمهـا الدلـول حتى تجي كنْها تقلْ لـي وش تقـول = خدمـة هَنْـوف مـا تمـدّ لسانـهـا

[مبارك الجوفان]

صح لسان القايل ويسلم لنا الناقل
تحياتي لك

[ايمن اليامي]

صح الله لسان شاعرنا الكبير

شاعر يام علي بن بلال

ولا هنت على هذه النقله

حقيقة انا كنت ادور عليها

بارك الله فيك

تقبل تحياتي

اخوك الشاعر

ايمن اليامي

المحترف

[جلمود صخر]

الله يبض وجهك على ها الملحمه من شاعر يام كفوووووا والله

[مسفر مبارك]

صح الله لسان شاعرنا ابن بلال والله لايهينك ياليامي

[بندر العجمي]

صح الله لسان شاعرنا ابن بلال والله لايهينك ياليامي