~*¤ô§ô¤*~أكـــتـــب يـــا هـــجـــوســـي كـــمـــا وبـــل الـــســـحـــاب~*¤ô§ô¤*~

[فيصل العجمي]

أنا هنا

[فيصل العجمي]

كتبتها سابقا..وهنا أكتبها

يا لعنبوا وقـتٍ يجـي فيـه طريـاش=أتضيع علومي و أنا سيـر غـادي ..!
بيتٍ عجبني ششت و الراس لا شـاش=جاب البيـوت الكايفـات الجـدادي ..!
قلب كفوفـي علـى مـر [ ذكـراش ]=ذكرى حزينه ريحها [ ريح كادي ] ..!
أثر الجفا يا بنـت مـن بيننـا عـاش=وأثر الفراق اليوم [ شربي وزادي ] ..!
[ مديت قلبيلـش ] وصافحـت يمنـاش=وانتـي تحبيـن الجـفـا والبـعـادي
يسراش ياللي ما خَلَتْ منـش يسـراش=[ طعنت ظهر ]..وقول يا قلب عادي ..!
حسبي عليش اليوم يا لين [ مرثـاش ]=برسل عتابي..وعرفي وش مـرادي ..!
علمٍ و صلنـي..و ياصلـش ويتعـداش=في صدتش يا بنت مابه [ منـادي ] ..!

[فيصل العجمي]

:

الشور شور الذيب لامنه عوى=والطيب طيب النفس لامنك بغيت

[فيصل العجمي]

:

تدري وش اللي جعلني مآ أشوفه=أشوف ماطا و قْدِمكْ من ورا الباب
وتدري وش اللي ما بعد ذقْت خوفه=إنك تروح و باقيَ الدمع ينساب

[فيصل العجمي]

السلام عليكم ورحمة الله وبركاته

البارحه مالي على الضيق يا صاح=غير البلايا همها ما تخلى
أدعي و أنا صلي عسى الهم ينزاح=وكتم بلا روحي عسا القلب يسلى

[فيصـل العجمـي]

عوده لكم (( فيصل العجمي ))

الروحه اللي في تواليها رجوع=مستعصبه بالعز والراي السديد
وحزامها هاجوس ما بين الضلوع=يسري كما الدم بالحبل الوريد

[فيصـل العجمـي]

لا حد يستغرب عودتي للأسود فهذه هي حياتي

[فيصـل العجمـي]

نسياني لكلمة المروور ليس مستغرب فالنسيان تعلمته من كان له مكانه في قلبي

[فيصـل العجمـي]

جديده من واقع ..

الضيقه اللي دايمن في طرف عيني=مدري وش اللي مع الأيام يمحيها
لاجارت ايامي مع جورت سنيني=مديت يدايا ونا راضين فيها
يهمومي ياللي دايمن ما تخليني=تكفين لو ساعه بدونش أبقضيها
يالله يا علام وشهو امسريني=اغفر ألنفسن عذبتها خطاويها
ما عاد يا دنياي ما غير ثنتيني=شفتي همومي والله إني بعزيها
والثاني أنصتي وعي وسمعيني=إن ما تعزت..فالقبر والين فيها

بس..

[فيصـل العجمـي]

من: يــد فــيــصــل ..!

يا بنت لا تبكين من كثر الأوجاع=محدن درا عن دمعتش غير خدش
ولحدن تشايل دمعتش غير ذا القاع=ولحدن يواسي دمعتش غير نفسش
وأبكي على فرقاي يا بنت لا شاع=لومي خفوقش يوم حدش ولدش
وقد قالها فيصل يوم إن الغلا ضاع=كيفش..عسا هجري يسرش..يسرش

إلـــى : ..................