تصميم شركة سبيس زوون للأستضافة و التصميم و حلول الويب و دعم المواقع

سعود الخويطري · #1 26-04-2005, 03:18 AM

السلام عليكم ورحمة الله وبركاتة

قصيدة لـ الشاعر الرائع : طينان الصالحي - قيلت في حفل وملتقى قبيلة العجمان وأفتتاح مجالس قبيلة العجمان - الرسمي , وقصيدة جزلة من شاعر جزل وكفوّ:

أببدأ نظم قافي باسم ربي الواحد الجبار = على الله ببتدي وسنة الاسلام وكتابه
بعد مني سلام الله سلام الله على الحضار = سلام إسلام مني ساقة الخافق على احبابة
ومن عقب السلام أبدع جزالي من وحي الافكار = وأبين بالقصيدة القصد من شعري وش أسبابه
أنا فيني من الله حب الديرة ولاهل الدار = وفيني كره للفكر الردي واللي تذرابه
طلبت الله يحفظ كويتنا من زمرة الاشرار = يحفظها من الفكر الحقود وفكرة إرهابة
ويبقى عزها بآل صباح شيوخنا الاخيار = عسى تبقى بعز شيوخنا والخير تهنى به
باسم سلطان بن حثلين تعلن يام الاستنكار = ومن دون الكويت أروحنا للموت طلابه
وحبك ياوطن مزروع فينا بأول الاعمار = مثل حب الوطن حب المراجل مانوصى به
أنا أحب الرجال اللي لهم المرجله مشوار = ولا أحب الذي فالمرجله متكسر حسابه
وأحب اللي على درب المعزة والمعالي سار = صـميدع فالمراجل والكرم والضيق يغزابه
مثل فعلك يا أبن حثلين لفتر الزمان ودار = أمير وعزوة ياسعد عين اللي تعزوابه
أمير والاماره جت غصب وتنحفظ بإصرار = مثل صيد الوحش فريسته تدمي بمخلابه
تراك انت الذرى ياأمير لامن ثورت بغبار = دواء سقم الكبود اللي بفعل الوقت منصابه
ولو أن المجد يبنى فيه باب وله ذرا وجدار = جلست بوسط صدرة يوم غيرك ماوصل بابه
وانا لاجاء الفخر بين القبايل والتحدي صار= كفاني بالفخر في يام قولت لابتي لابه
االا و الحمدالله يوم ربعي يوقدون النار = يعزون الخوي وينوابهم كل الذي نابه
حرار ومانخاوي فالمراجل غير نسل أحرار = ونجزع لاغدا هم الخوي في سكبة ثيابه
نسوم ونشتري الغالي بسوق المرجله تجار = ولاتدخل مزاد الاتختمه قبل نبدأبه
توارثت المعزه والفخر والدم دم (ن) حار = وإذا صار الردي فاخر طرفنا نقطع أطنابة
والامن ضيقت عجمان فالضيقة لنا معبار = كبير الجمع منا ينفري لين أن تمثنابه

وسـلأمتكم.

الخويطري

راكان اليامي · #2 26-04-2005, 06:12 AM

صح لسان شاعرها ولسانك يابو محمد وعاش من شافك ياذيب

فزاع · #3 26-04-2005, 06:41 AM

أخي سعود صح الله لسانك ولسان شاعرها وتسلم على إختيار هذا القصيد الجزل.

راشد المري · #4 26-04-2005, 01:51 PM

صح لسانك ولسان قايلها وعز الله ان به قصيده

العنيد · #5 26-04-2005, 01:55 PM

أنا أحب الرجال اللي لهـم المرجلـه مشـوار
ولا أحب الـذي فالمرجلـه متكسـر حسابـه

وأحب اللي على درب المعزة والمعالي سـار
صميدع فالمراجل والكرم والضيـق يغزابـه

مثل فعلك يا أبن حثليـن لفتـر الزمـان ودار
أمير وعزوة ياسعـد عيـن اللـي تعزوابـه

أمير والاماره جت غصب وتنحفظ بإصـرار
مثل صيد الوحش فريستـه تدمـي بمخلابـه

تراك انت الذرى ياأمير لامن ثـورت بغبـار
دواء سقم الكبود اللي بفعل الوقـت منصابـه

ولو أن المجد يبنى فيه باب ولـه ذرا وجـدار
جلست بوسط صدرة يوم غيرك ماوصل بابه

وانا لاجاء الفخر بين القبايل والتحدي صـار
كفاني بالفخر في يـام قولـت لابتـي لابـه

ارررررررررررحب يابو محمد وصح الله لسااااااانك ملااااااااايين ولسان من قالها وانشهد انها قصيدتن حلوتن جداااااااااااااا جدااااااااااااااااااااااااااااااااااااا

لك خالص شكري