يسقيــك يا وقتٍ مـــضــى......

[صالح الغباري]

ياضيق صدري البارحه... خاطري شين=حزنٍ على وقتٍ مضى ليته يعود
لامن ذكرته سابقة دمعة العين=عبايرٍ خافت من الناس منقود
لا أسقاك يا ليلٍ مضى منه ثلثين=لجّيت في قلبٍ غدى منك مضهود
يضرب بصدرٍ يشتكي نازح البين=والجاش ثار بداخله قدح بارود
أذكرتني لليلٍ سرى فيه حرفين=من فوق غيمٍ لاعبت هبة النود
حرفين خطّت بالسما رسم قلبين=قلبي وقلبه في سماً مالها حدود
اللي حجاجه رسمها كاللهلالين=وعيون في نظراتها طب ملهود
أبو جعودٍ سيّلت فوق متنين=من مفرقٍ فرقه كما البيض في السود
خرعوبةٍ والجذع نابي قطاتين=والساق مدمج والوسط ليّن العود
اللي وسم له داخل القلب وسمين=وسم الغلا ثم أتبعه وسم بعهود
كم ليلة زان السهر بين عدّين=عدٍ قراح وعدٍ حباله إتجود
وعدت فيه حبيّبي والوفا دين=ما أنسا غلاها دامني زلت موجود
يسقيك ياوقتٍ مضى جعلك الزين=ويالله عسى دار الغضي فل وأورود
ياضيق صدري البارحه... خاطري شين=حزنٍ على وقتٍ مضى ليته..... يعود

وسلامتكم

[ابو منيف]

صالح الغباري صح لسانك يا القرم قصيدة رااائعه

[مترك العمره]

الله الله

الشاعر القدير/ صالح الغباري

صح الله السانك على هذه الجزلة الرائعه .. ابدعت لله درك ... لاعدمناك وفي انتظار المزيد

تحياتي لك وتقديري

[أســـيــر الــقوافــي]

صالح الغباري قصيدة فوق الرائعة صح لسانك

[فالك طيب]

صح لسانك