البارحه يوم من حولي هنو بالمنام .. بصوت عبدالرحمن

[هادي بن فهاد]

:

بسم الله الرحمن الرحيم

السلام عليكم ورحمة الله وبركاته

اسعد الله اوقاتكم في منتدى مجالس العجمان


اقدم لكم هذي الشيله كلمات وإداء


عبدالرحمن الميموني


....


:

البارحه يوم من حولي هنو بالمنام = وأنا سهير ٍ ونومي جافي ٍ للنظر
سهرة لين الفجر باين وزاح الظلام=والحزن بالقلب ثبت له مكان ومقر
خذيت من ذكريات الوقت عام ٍ وعام= وفتحت ذكرا ً عليها طال وقت الحظر
ذكرا ً حزينه مضت من ذكريات الغرام= لو قلت ناسي حشا لكن قوة صبر
فرقا الغلا مثـّـر ٍ والقلب صابه حطام =لكن أخفي دموعي عن عيون البشر
خل ٍ تعلقت به حب وغلا وإحترام =نفس الشعور انتبادل مير حال القدر
أتلا العهد يوم وادعني وطال الخصام= نظهر عتب والغلا مدفون وسط الصدر
الكل يلقي على الثاني كثير الملام=لين اكتفينا العتب وأنزاح عنا الضجر
وعم الهدو بيننا ثم أبتدأ الإنتقام =كل ٍِ بعينه على الثاني تقادح شرر
وفجأه مشى وأرتبكت وبان في الهدام =أطالعه من غلا والقلب له ينفطر
عقب ابتعد لد لي نظره ملاها إبتسام = يرمز بها أن المحبه معه طول العمر
وأخذت في دهشتي واقف ولا ني تمام =والدمع من فوق خدي غاديا له نثر
ما قلت كلمه ولا خلي نطق بالكلام = تعبير الأنظار يكفي شرح بالمختصر
ثم عاد لي بالخطا والدمع مثل الغمام= بعيون خلي وأنا جاني بقلبي كدر
وأقبل وكفه على صدر وفيها إنصرام = ونزع من الصدر سلساله وانا منبهر
وحطه بكفي وقال العذر يأبن الحشام=زليت وأنته بقلبي لك مكان وقدر
وأقفا وخلاني ابجو ٍ غطاه العسام = وأدركت بأخر لقانا ذاك وقت العصر
واليوم دارت ثلاث سنين هجر وعدام=ما عاد لي عقبها والقلب منه أنعثر
معاد باقي من الذكرى وجور الهيام = ألا ازرق الدمع والسلسال وأخر عذر
أبكيه وقت المسا وأبكيه وقت الجهام = وأبكي لذيك الرسايل كل حرف وسطر
وأدق رقمه ولا أسمع غير رد النظام = الهاتف اللي تبي مقطوع ما له اثر
وشلون ابسلا وأسلي خاطر ٍ فيه حام = ذكرى محب ٍ عشقته بين سر وجهر
انشهد اني من الفرقا كسير العظام = لكن بالله راجي يجبر اعظم كسر

:

لــتــحـمـيـل اضغط هــــنا


اتمنى ان تحوز على رضـــــاكــــــم

[ناثرة الورد]

.. وعليكم السلام ورحمة الله وبركاته ..

{ شُـكـرت لـروعـهـ الاختيار الرئع
لا حُرمنا روعهـ جديدكـ الراقي ..

دمـت بهـذا التميـز ~

[هادي بن فهاد]

المشاركة الأصلية كتبت بواسطة ناثرة الورد

.. وعليكم السلام ورحمة الله وبركاته ..

{ شُـكـرت لـروعـهـ الاختيار الرئع
لا حُرمنا روعهـ جديدكـ الراقي ..

دمـت بهـذا التميـز ~

حياك الله اختي الكريمه

ناثرة الورد

وشكرا على مرورك المتواصل بارك الله فيك

[king الوادي king]

لاهنت يا هادي على النقل المميز

[هادي بن فهاد]

المشاركة الأصلية كتبت بواسطة king الوادي king

لاهنت يا هادي على النقل المميز

مرحبا ومسهلا

لاندمت وتسلم على تواجدك الرائع بارك الله فيك

[على دروب الغانمين]

وعليكم السلام ورحمة الله وبركاته

تسلم يمينك على الشيله والابيات المعبرة

ولاهنت

[هادي بن فهاد]

المشاركة الأصلية كتبت بواسطة لليمين در

وعليكم السلام ورحمة الله وبركاته

تسلم يمينك على الشيله والابيات المعبرة

ولاهنت

مرحبا بك

لليمين در

وتسلم على تواجدك الرائع بارك الله فيك

[وريث المجد]

هادي
الله لايهينك وبيض الله وجهك على النقل المميز

[هادي بن فهاد]

المشاركة الأصلية كتبت بواسطة وريث المجد

هادي
الله لايهينك وبيض الله وجهك على النقل المميز

مرحبا بك

اخي العزيز وريث المجد وتسلم على تواجدك الرائع بارك الله فيك