اذا انت من محبين الابداع تفضل,,,,,,,,,,متعب التركي

[الريمي 2009]

متعب التركي شاعر لن يتكرر ابدا وله وقع خاص في نفسي ولهذا بين الحين والاخر احب انزل له قصيده لان هذا اقل شي يمكن اسويه لهذا الشخص اللذي كثيرا ما اخذني الى الخيال...

فاشهد الله على محبة هذا الشخص اسال الله ان يثبته على الحق

تفضلوا هذا الاختيار

حسي بلوعات الليالي والاحزان=بعدين حسي بالهوى لا بغيتي
وش به يهمك لو يقولون زعلان=لو فيك ذره من الغلا ماجفيتي
يالي تقولين الخطأ زلت لسان=في زحمة الايام ليه اختفيتي
خطاي وان جه مدري الذنب وش كان=ليه انتهى ذاك الغلا وانتهيتي
وقفت في وجه الزمن قدر الامكان=وانتي جنح فيك الخيال وغفيتي
غلطان انا في كل الاحوال غلطان=اسرجتلك خيل القصيد وسريتي
جيتي وقلت الجرح يوم اقبلت هان=وانتي على الجرح القديم ارتكيتي
قلتي لي الحب ان لابد ينصان=واليوم ماكنك دقايق هويتي
شافوك حساد الهوى شوف الاعيان=يومك على رجم القصيد رقيتي
ما بان لك شي ولا بقا شي ما بان=بس انتي اللي غافله ما دريتي
العام لك طاري بقلبي ولك شان=واليوم احس بغلطتي لا طريتي
وان قدر المولى وعشتي بحرمان=ومن حر لوعات التجافي بكيتي
تذكري قلب(ن) له سنين شفقان=شوفي بحقه ياكثر ما خطيتي
كل القصيد اللي اقوله على شان=تهزك الذكرى عقب ما نسيتي