"لــحــون العــود"

[شمآليه]

قصيــدة "لــحون العـود" للشــآعــر المبــدع"سلطـان بن وسـام الهاجري"

اترككم مع القصيده واتمنى انها تعجبكم...




يا لحون العود و الا يا مجارير الربابة..اختلف معنى القصيد و ضيع الفنان فنه

حلم مدري علم مدري نوض برق و في سحابة ..أثرها طلة جبينه يوم زاح الليل عنّه

أقبلت مثل الفرس لا سمعت طبول الحرابة ..مقتفيها ليلٍ أسود و النجوم يفرقنّه

النهار يمر و يعدي و ليله في اعقابه ..النحر صبحٍ تجلّى و الجدايل كنهنّه

مخملٍ يلتف فوق الجيد الأتلع بالنيابة ..عن سلاسيل الذهب و الماس خوف يجرحنّه

غاب عني و الوله خلاه عندي في غيابه ..ما درى أن فرقاه نار و لادرى ان لاماه جنّه

يا وجودي وجد من صفق على ماضي شبابه ..بان شيبه و السنين اللي يبيهن خالفنّه

غرّته خضر السنين و راح عمره ما درى به ..غررنه و رفعنّه لين سج و حوّلنّه

و يا وجودي وجد عودٍ لا عيال و لا قرابه ..ما جداه إلا يونّ و يردف الونّه بونّه

لا لقى فزعة رفيق و لا دعاةٍ مستجابة ..كل ما أمسى له بظن خيبت الأيام ظنه

يا وجودي في غياب اللي نزح و الله جابه ..صح فرض الله فرض و سنة الرسول سنة

الغلا جسمٍ رقيق و مرهف احساسي ثيابه ..مثل غصن الورد يوم ان الهبايب يطربنّه

ما زرعت إلا غلاه و لا جنيت إلا صوابه ..و الحشا ما ضاق من خضر الطعون المستكنّة

يا حبيبي ما زها كف الخضاب إلا خضابه ..فيه نظم المفردات و فيه للعشاق عنّة

الظبي ما له شبيه .. و بينك و بينه تشابه ..إلتفت بشويش و ألقى فيه منك و فيك منّه

خالقك من فضّل محمد على كل الصحابة ..و سخرك مثل المهار اللي تسخرها الأعنة

و الثنا و الشكر للي رحمته تسبق عذابه ..لا لخلق الله فضل و لا لخلق الله منّه

قاله اللي ما خذا مما يريد إلا هبابه ..خيرة الفارس ثنية خيل صفراً مستعنّة

[فهد ال مفرح الضاعني]

اشكرك اختي الكريمه على النقل الشماليه على هذا الطرح وصح السان ابن وسام

[albowardi]

اختي

الشمالية

قصيدة جميلة يعانق روعتها من نقلها لنا

تحياتي

\ البـــــــواردي \

[ناصر الحميداني]

مشكوره اختي العزيز شماليه على النقل للقصيده المتميزه

وصح لسان الشاعر سلطان الهاجري

[عايض الوقدان]

شاعر الوزن الثقيل






مبدع



تسلمين اختي على النقل

[ناثرة الورد]

{{ شمــاليه }}

/
\
/

مشكوره على هالاختيـار الرائـ ع
الله يـ ع ـطيج الـ ع ـافيه
وعساج على القوه
ننتظر جديدج المميز

/
\
/

كل التحـــيهـ

[هادي بن فهاد]

اختي

الشمالية
لاهنتي على القصيده
تقبلي
المرور

[شمآليه]

المشاركة الأصلية كتبت بواسطة فهد ال مفرح الضاعني

اشكرك اختي الكريمه على النقل الشماليه على هذا الطرح وصح السان ابن وسام

...العفــوؤ يــآفهــد..
..وصــح بــدنـكــ...

...وأسعــدني مــرورك العــطر...

[شمآليه]

المشاركة الأصلية كتبت بواسطة albowardi

اختي

الشمالية

قصيدة جميلة يعانق روعتها من نقلها لنا

تحياتي

\ البـــــــواردي \

...الأجمــل مــرورك يــالبواردي...

...وحيــآآك اللــه...

[شمآليه]

المشاركة الأصلية كتبت بواسطة ناصر الحميداني

مشكوره اختي العزيز شماليه على النقل للقصيده المتميزه

وصح لسان الشاعر سلطان الهاجري

...العـفــؤو يــآنــآصــر...

..وصــح بــدنـــكــ...

....وتسلـــم ع المــرور الرآقــي...