فـ4ـور فـ5ـايف فـ4ـور

[عبدالله آل عامر]

	ياهجوس الشعر هلي بالجزايل وأشعلنّا هلهلي صلف المعاني ثبتيني بالسكينه روّحت فينا الليالي والليالي ما أمهلنّا بين غربال التجارب والظروف اللي لعينه الزمان اللي تعدأ والليالي درهمنّا من يمين (ن) في شماله ومن شمال(ن)في يمينه ليت عمري ليتراجع والصفاوه ترجعنّا لاضغينه في الزمان اللي تخفى بالضغينه شاعر(ن) يخفي طعونه وليضواه الليل ونّا لين قام الذيب يعوي من جروح(ن) في ونينه ليجفاه الوقت الامحق جر صوته ثم تغنّا لين تخضع له معاني والقوافي للمتينه غدر بقعا يالمراره يا عذابه جرعنّا صفقت خمسي بخمسي والعداله طالبينه راكب اللي لانخيته ما تونّا لو تونّا هيبته شيخ المجالس والشجاعه هي تعينه صنّعه ملعون مترس من جدوده زاد فنّا وأصنعوا صنع(ن) يجمل والجماله هي سمينه صنّعه شايب يهودي في إختراعه يذهلنّا إيتحدا في المهاره لو تدينه ما تدينه صرحوا باسمه وقالوا والاوادم ترقبنّا إنتهى صنع المصفح يا جماعه ذاخرينه الحجم ننمبر نطقته والخواجه ترجمنّا فور فايف فور قلبّ في جنوبه كاتبينه إن نطحته قلت "عنتر" في المواقف يرعبنّا وإن قفيته قلت بازوق(ن) سوفيتي طالقينه والمرايه لاتقدم ثم تأخر تلمعنّا كنها بيرق تعلا عن صفوفه رافعينه وكن شكمانه يولع في بلوفه ولعنّا حرب "هتلر" عالميه شب نيران المدينه وكن حسه لا كبسته رجف رعادن يحنّا يتبعه برق المخليه والبشاير من حنينه والرفارف لاخطر عند الملاوي ثم تثنّا ردف (علياء) في زمانه يا رفارف تشبهينه وكن مساحت قزازه فوق تحت ومقبلنّا جعد مزيونه تّنوش من لحون ملحنينه وصفق عدّاد الغماره لاتنافض واعتلنّا كن صفقه ضرب كرزن في كفوف محاربينه لازهمت الجمس يطوي له خطوط(ن) ماانطونّا قال تبشر شد عزمك والغرابه في جبينه لو تقول بليز مستر لو تعّرف صاحبنّا قال لحظه ثم تمهل عن كتاب(ن) في يدّينه لانطقت الجيم جّمد كل موتر قد يظنّا يستطيع إنه يباري للمريكي يا عوّينه ولانطقت الميم مشكل لايخاف ولايلنّا ناطح(ن) كل المصاعب من يحاول أن يهينه ولا نطقت السين ساري لو تقول الليل دنّا هذا تحليلي صفاته خلو الكاذب يدينه هو سلاح(ن) للمهرب لو رصاصه كملنّا وهو سييرن للمسافر لو تغرب عن ضنينه ساحر قلوب العذارى شوق منهو قد تعنّا وهايل عقول النشاما من خيال مصنعينه الوصوف جلال تبهر طب واختر ثم تمنّا والحكم للي يجرب ما تحصل مثل زينه زين صنع وزين فكر وزين شكل وزين بنّا هذا ضرغام المواتر والخلا يبقى عرينه

وسلاااااامتكم
منقـــوووووول

[فهد بن محسن]

الاخ \ عبدالله ال عامر

لاهنت يالغالي وتسلم على نقل هذه القصيده


وياليت تذكر لنا اسم الشاعر


تحياتي لك

[عبدالله آل عامر]

ولاانت ياغالي
وانا سامعها من حدى الربع
ولاهو يعرف قايلها
لكن أظنه واحدٍ من آل صليع والله العالم

[محمد اليامي17]

صح لسانك ولاهنت على النقل

[عبدالله آل عامر]

صح بدنك
وحياك الله ياليامي