القلب يدمع لو إن العين ما تدمع ... قصيدة ضيدان المريخي في فلسطين

[عبدالله آل عامر]

:
قصيدة للشاعر: ضيدان المريخي عن أوضاع فلسطين
:
قد تكون نوعاً ما قديمة ولكنها تحكي الواقع المر الذي يعيشه اخواننا في أرض المعراج الآن
:
أترككم مع القصيدة:
:

القلب يدمع لو إن العيـن مـا تدمـع = والنفس تجزع وكثر الغبـن يوجعهـا

والصبر على الهـوان المـر ما ينفـع = والصدر به زفرةٍ مـا عـاد ياسعهـا

والعين شافت وياليت الحواس أربـع =عيـن الغبينـة نظرهـا مايمتعـهـا

ما ظني إنا نشـوف ولا بعـد نسمـع =أرضٍ تعب صوتهـا والـذل لوعهـا

فيها الطغاة اليهود اللـي لقـوا مرتـع =قامت توسع وتحلـم فـي مطامعهـا

صبوا لها الموت بالرشاش والمدفـع = لين طعنوا قلبها وأدمـوا شوارعهـا

قامت تضيق وتضيـق وحلمهااوسـع = مدري متى من شتات العمر نجمعهـا

يا أمة الضاد والغايـب متـى يرجـع =سؤال فـي فـم فلسطيـن ومدامعهـا

ليا متـى نجتمـع جملـة ولا نجمـع؟ =نقول حنا على بيض الـورق معهـا

وشلون هالصمت وأطراف الجسد تقطع =هذي فلسطين تشكي مـن مواجعهـا

نشوفهـا حلـم مـا مثلـه ولا أروع = تمد يدهـا ونعجـز لمـس اصابعهـا

نقول متى العدو.. متى العـدو يطلـع؟ = ونقول متى نصلـي فـي جوامعهـا

والقول هالوقت لا يـروي ولا يشبـع = خلاص سدت عن أصواته مسامعهـا

نعم فلسطين ما لا حـدٍ بهـا مطمـع = لازم تعرف العزيـزة ويـن موقعهـا!!

:
الشاعر: ضيدان المريخي

[الغروب]

عبدالله ال عامر

جزاك الله خير على طيب ما اخترت

وصح لسان الشاعر ضيدان المريخي

وربي ينصر الاسلام والمسلمين في فلسطين وفي كل مكان

[طارد سراب]

عبدالله ال عامر
الله لايهينك وتسلم على هذي القصيده وصح السان الشاعر

[مسعطر]

يا أمة الضاد و الغايـب متـى يرجـع ؟؟=سؤال فـي فـم فلسطيـن ومدامعهـا ..!!
ليا متـى نجتمـع جملـة ولا نجمـع ؟؟ =نقول حنا على بيض الـورق معهـا ..!!
وشلون هالصمت وأطراف الجسد تقطع ..!!=هذي فلسطين تشكي مـن مواجعهـا..!!

صح لسان المريخي و صح لسانك يا ابو سراج ,,

والله ينصر الاسلام و يحرر بلاد المسلمين ,, يا الله يا كررريم ,,

[خلاوي الشمالي]

الله يينصر الاسلام في كل مكان

لاهنت بوسراج

[عبدالله آل عامر]

الله يسمع منكم
:
صحت أبدانكم ولا ندمتوا جميع
:

[سالم بن وعلان]

صح ألسانك وألسانه
نقل وافي ورائع
ونسأل الله الفوز والنصر على أعداء الأسلام والمسلمين
ولاهنت يا السنافي

[عبدالله آل عامر]

أرحب يا سالم بن وعلان وصح بدنك يالقرم
: