جديد ابن الذيب ملحمة ماليزيا !!!

[محمد الشامري]

بسم الله الرحمن الرحيم

عدنا اليكم مع جديد الشاعر الاسطوري (( al king )) محمد بن الذيب

قصيده عباره عن ملحمه

اترككم مع al king وابداعاته

سبحان من در المطر وأحيابه القاع الهميت = الشكر له والحمد لله والفضل له والمن له
يالمانع اللي تمنع وتعطي الى منك عطيت = ياكافل رزق اليتيم اللي تولته ارمله
على محمد صل ياربي وسلم وآل بيت = محمد وصحبه وبلغنا معاه المنزله
وياصاحبي واغلا اصاحيبي يانايف ويت .. wait = علم رشايدة الكويت الطيب منهم منهله
رجال عبس اللي بنوا لي في قلوب العز بيت = احفاد مجد الماضي اللي يحفظه مستقبله
هاماتهم مثل الجبال الشم واولها حفيت = سلالة العز القديم بعزها متسلسله
ودي اصرح لك واخاف انك تحطها مانشيت = وينسل سيف وينتخي عزوه وتقدح قنبله
ماودك الى ضاقت فجوح الوسيعه كومبليت = ودارت عليك النايبات وتعّبــتك المعضله
الا رشيدي من رشايدة نجد والا اهل الكويت = من دون قاصر في رجال مجدهم مانجهله
لو أن ربعي يام من فوق الهقاوي لا هقيت = ( ...................................... )
في روسهم حب مايطحنه الزمان المستميت = وعيونهم تقبس شرار من شرار المرجله
لكن نايف ما اعدم من صحبته ولا خليت = من وقفته وقفه .. ورى وقفه ولاهي بالاوله
ياصاحبي نايف سعيد الحظ من حظه بخيت = ماكل راعي حظ حظه في اللزوم يجمله
اشوف بعض حظوظ خلق الله مثل بنت السبيت = تاكل وراعيها مادامه يمتلكها تأّكله
أليا نويت تزور شيخ له على هل الصيت صيت = أخذ معك قلبي يقول اللي بقوله او قله
وشلون مايرضى علي وانا قبل ما ازعل رضيت = وشلون مايزعل علي وانا أتشرف بزعله
ياسيدي ياللي على العالي من المجد اعتليت = أرض مهيب بأرض زراعيه ماتنّبت سنبله
وسنابلك تملآ بطون الفقراء اللي تبيت = وايدينها لك في السماء في كل ليل مشهله
ازهل ابوضلع عوج وازهل ابووجه شميت = لكن صدك ياطويل العمر وشلون ازهله
تضيق بي ماليزيا او تتسع بي ماهنيت = الا مع ذكراك في وادي يغرّد بلبه
نفيتني في رحلة المنفى لكنك مانفيت = مقامك اللي كل طاري للمعزه يشعله
من سئل سؤال يطرح له سؤال وماعطيت = جواب يطرح له جواب يحل لغز الاسئله
اغيب عنك شهر كامل وانت مقفي مادريت = ولانزل عندي غلاك ولاذبل فيني وله
ومادام مابه وصل بعد مفارقك اجل ياليت = ياليت تسمح لي اغيب العمر عنك بأكمله
ذكرتك وطاحت دموعي من غلاك وما استحيت = الا وقفت اصيح في دمعي غلا واستعجله
ماهو بعيب اليا بكيت اللي على بعده بكيت = رجال وابكي لي على رجال وين المشكله
بغيت ارسل لك مسج لكن والله ماقويت = من النبل تختار طريقة وصل مستنبله
احساسي الصادق لايمكن ينحصر في كم بيت = ولو ينحصر في كم بيت الاجهزه ماترسله
واحساسنا اللي من مفارق شخص والا فقد ميت = بعض الهواتف حسها مرهف ماهي تستعمله
قصرت طايلة الايادي لين طاحت واستويت = اتكبل يدي هيبتك والا ماهي بمكبله
مجرم وسوى له جريمه يوم غبت ويوم جيت = زبن على ظلك لو ان ظل الجبال يظلله
ثنتين للمجرم في شرع الله واختر مابغيت = اما عفوا عنّه هل المجني عليه .. او اقتله
ياصاحبي يامحزمي ياقدوتي انا غديت = على طريق المايل ومالي عذر غير اعدله
والعز ماهو بشت واخويا وكم برميل زيت = العز جدك ورّثه لأبوك وانت تكمله
واللي سرى في ليل اسود موحش من دون ليت = ماهي تهمّه عوية من ذيب في راس جبله
ياكم صباح قد غبشت وكم ليل قد سريت = وانا كتوفي بالحمول الكايدات محمله
ماهو بمسرى واحد ودّع هله عند المبيت = ولا خذاله ساعتين الا وهو في حمى هله
سريتها مسرى الملك عبدالعزيز من الكويت = حتى حكم نجد المسمّى من علّوه لأسفله
واليا نويت اقول بأسم الله اليا مني نويت = ويثور موج البحر والرّبان يثبت محمله
متعود اني لاحكيت اجهر برأيي لاحكيت = ولا أفكر في السنين الماضيه والمقبله
ما احد يحط فقبر احد بغيت او مابغيت = وان حط احد في قبر احد كل يحاسب بعمله

وسلامتــــــكم



** نايف = الاعلامي نايف الرشيدي

[مسعطر]

محمد .. صح لسااانك و صح نقلك..

ماهو بعيب اليا بكيت اللي علـى بعـده بكيـت=رجال و أبكي لي علـى رجـال ويـن المشكلـه؟؟

محمد ابن الذيب .. كنت زعلان عليه ..

لأنه له فتره طويله صار يجيب قصايد مهب من مستواه
و كله مراعاة للجمهور السطحي الغير متذوق للشعر ..

امّا بعد بعد ذا القصيدة .. هوّنت

تقبل مروري ..

[الفرس]

صح لسان الشاعر الكبير ...

وسلم ناقلها ...


تقبل مروري بازكى تحيه ...

[محمد الشامري]

ارحب يامسعطر

والثقيله للثقال طال عمرك

وصح الله بدنك

ولاهنت على مرورك وردك

[محمد الشامري]

ارحبي يالفرس

وصح الله بدنش


ولاهنتي على مرورش

ولش مثل تحيتش وازكى

[حـــوران]

ماهو بعيب اليا بكيت اللي علـى بعـده بكيـت = رجال وابكي لي علـى رجـال .. ويـن المشكلـه؟؟

اي والله إنه صــادق وين المشــكله ؟

وأوافق مســعطر في بعض مما قال .. واتمنى من ابن الــذيب إن يســتمر على هذا المســتوى

~*¤ô§ô¤*~محمد الشــامري~*¤ô§ô¤*~

صح الله ذوقك يابو منصــور ولاهنت على النقل الملحمي

لك المتــابعه والتقدير والأحترام

[محمد الشامري]

ارررحب ياحوران

وصح الله بدنــك طال عمرك

ومثل ماقلت الثقيله تطرب الثقيل

لاهنت على مرورك وردك يالسنافي

ولك اقصى حدود التقدير والاحترام

[مهرة النسيان]

وشلون مايرضى علي وانا قبل ما ازعل رضيت=وشلون مايزعل علـي وانـا أتشـرف بزعلـه

اااااااالله رووعه كلها من أولها لأخرها ..

صح لسان ابن الذيب ولا هنت على النقل المنتقى يامحمد ..

تشكراتي + تقديري

[محمد الشامري]

مرحبا يامهرة النسيان

ولايهون من قال

ولاهنتي على مرورش وردش

ولش من التقديــر اكملـه

[مسفر مبارك]

الله الله الله إبـداع والله أحــترت في بيت أقتبســه لكــن ماالظن بخايب في ابو راشـد



تسلم يمينك يبو ::: منصـــــور ::: والله لا يهينــك .