يروق العيد بقلـوب و قلـوبٍ عيدهـا مـا راق

[لـمـى]

يروق العيد بقلـوب و قلـوبٍ عيدهـا مـا راق=
ألا ياعيـد كـل قلـوب ناسـك للفـرح تشتـاق=
فلا تعجـب لعيـنٍ فـي نهـارك دمعهـا دفَّـاق=
هناك قلوب فارقها.. حبيب .. و ما هو أي فراق=
غدا ما بينها و بينه من تـراب القبـور أطبـاق=
و هناك قلوب غاليها عليـه مـن الحديـد وثـاق=
إذا زاروه ضاحكهم .. و خبّـى دمعـه الخنَّـاق=
وهناك قلوب مذلولـه عليهـا ديـن مـا ينطـاق=
أنا ما شفت مثـل الديـن (ذلٍ) يلـوي الأعنـاق=
و قلوبٍ أتعبت لجلْ التداوي من مرضها السـاق=
و هنا قلوبٍ ضناها قاسي و ظالم .. جبان و عاق=
و هناك قلوب علّـة أهلهـا بـس إنهـم عشـاق=
يعاف النوم واحدهـم ولـو يغفـى دقيقـه فـاق=
و هناك قلوب و قلوبٍ ما تكفي وصفها الأوراق=
تحاول في نهـار العيـد تكتـم لاهـبٍ حـرَّاق=
ألا ياعيد سامـح هالقلـوب و زيدهـا إشـراق=
تبي شوفك ولو حوله من آهات الحـزن أطـواق=
هلا يا عيد لو تنزف قلوب أهلك مـن الأعمـاق=
و تبقى رغم أنف أحزاننا عيـدٍ لنـا و أشـواق=
.رسالة حب من قلبي لقلـبٍ بالفـرح مـا راق=
إذا لقلوبنـا عهـدٍ مَـع الله دايــم و ميـثـاق=

.
.
للشاعره :


( ريوف الشمري)

[خالد المحفوظي]

صح لسانش يا لمى على القصيدة الرائعة

[لـمـى]

الله يسلمك

[عبدالله الوعيلي]

إذا لقلوبنـا عهـدٍ مَـع الله دايـم و ميـثـاق
فكـلّ أيامنـا عيـدٍ تجـدد خضـرة غصونـه

صح لسان الشاعره ريوف الشمري
وتسلمين اختي لمى

[لـمـى]

الله يسلمك اخوي

[فهد بن محسن]

الاخت لمى

لاهنتي على النقل الطيب ,, وكل عام وانتي بخير وعيد الله عليك مبارك

وصح الله لسان الشاعره .. ريوف

تحياتي لك

[لـمـى]

الله يسلمك ياخوي

ومشكور على المرور

[العوووود]

صح اللسانش يالمى ولسان الشاعره ريوف الشمري

ولاهنتي على النقل الطيب

تحياااااتي

[العفيفه]

صح لسان شاعرها ومشكوره اختي على هالنقل والذوق الحلو في اختيار قصيدة حلوة زي هذي
بانتظار جديدك

[لـمـى]

العوووود

العفيفة

أشكر لكم مروركم

سلمتوا