تكفوووون ياذيااابة يام ؟...

[فيصل النامي]

بسم الله الرحمن الرحيم

السلام عليكم ورحمة الله وبركاته

وأسعد الله مساءكم بكل خير وعافية

طلب خاص لكل من ينتسب الى هذا المنتدى العريق من مشرفين ومراقبين واعضاء واي كائن كان في هذا المنتدى..

الطلب بسيط عند الجميع ولكن عندي صعب وكبير وهو أنني أرغب في عدة محاورات تكون بالصوت أو بالفيديو وهذهـ

المحاورات هي على عدة نقاط :

أولا / محاورة الشاعر حبيب العازمي وتركي 2000 في قطر في حفلة زواج الشاعر محمد ابن الذيب..

وهي كتابية كالآتي :

حبيب العازمي:

سلام للحفل الكبير وراعي الحفل الكبير = والدوحه الي بالوفا والخير ضافي ظلها

ليا وقف شاعر من عتيبه وشاعر من مطير = الاوله والثانيه والي عقدها يحلها


تركي المطيري

يامرحبا بك بالنيابه وانت ماحجمك صغير = شاعر وفاهم بالسوالف والمعاني كلها

عطني علومك ياحبيب ياعسى فالامر خير = نبي نسولف ونتهرج والدروب ندلها


حبيب العازمي

الناس يغلبها الهوى والطير بجناحه يطير = الي تناسب هاتها وان صار فيها خلها

هل تعلم ان الارض كبر قرش في عين البعير = والي عشق ليلى قبل 90 عام ملها


تركي المطيري

ياكثر مايطري عليه من طواري بالضمير = وانته يجوز انك تميز دقها من جلها

هل تعلم ان الوقت والدنيا رحاة تستدير = ومهما تمر سنين ليلى ماتناسى خلها


حبيب العازمي

اهل الوفا كما البابور في البحر الغزير = وان كان صارت معركه هات السيوف وسلها

ياللي تشيلوون المريض ولا لقيتوا له سرير = عندي دوا لهل الكبود الزايمه ويعلها


تركي المطيري

انته توصيني وانا حاسب حسابي من عصير = والمعركه قدي يابن عاصي وان قدلها

لافرق بين العلم الاول يالعتيبي والاخير = والارض تنبت نبت مادام المزون وتبلها


حبيب العازمي

العلم عند الله وانا مخلوق ماادري وش يصير = لكن ماباقي معك غير الصلاة وصلها

مدري سلوك المشكله من قطن والا من حرير = امسى هذا ينقض لها واصبح هذا يفتل لها


تركي المطيري

صاحبك ما يارد على هداج بالحبل القصير = لابد مايمهل لها لحظه ولا يهمل لها

...................


ثانيا / محاورة الشاعر حبيب العازمي وأبوزيد الغبيوي ( وهي طبعا موال ).

وهي كتابية كالآتي :


أبو يد الغبيوي


ياالله ياعالم وش يكون ويصيـر * * ياكافل(ن)رزق اليتامى مع الطير * * تكتب لنا الخيرة وتكتب لنا الخير * *

ياالله على بابك يافتاح الأبـواب




ألا يا حبيب بين جمع الجماهيـر = نزين السوالف بين روحة وجية

أعرفك من اللي يحكمون التعابير = وأبا منك يا حبيب حلول القضية


..................................................

حبيب العازمي


الليل يأبوزيد والسيـف سنـه * * والداب سمه بين نابـه وسنـه * * وإن مات وألا مت فالموت سنة * *

ياالله على بابك يافتاح الأبـواب




يبى يشرب الظميان والجم فاالبيـر = ولـو الهـوا قـدام شـدد طمـيـة

ليا ضف ريشك وأنت ماطرت ياطير = مكانك مكانك في الضحى والعشيـة


..................................................

أبو يد الغبيوي


أنا ماأسل السيف دايم واحده * * على إبن عم(ن)ماتعدى لحده * * مذكور من مكة ليا حد حـده * *

ياالله على بابك يافتاح الأبواب



على العد خلق الله ورود ومصادير = وطبعي ما جازيت الحساني بسيـة

تراني ماأقدم في اللزوم المعاذيـر = وكانك غني نفسـي تراهـا غنيـة


..................................................

حبيب العاومي


أناماأقـول السيـف للربـع سلـه * * سله على المسلول وإن بـان سلـه * * وإن جيت مع ربعك فـخاطرك سله * *

ياالله على بابـك يافتـاح الأبـواب



ترى الوضع يارجال يحتـاج تفكيـر = ماهوب اشتر شدادك وتلقـى مطيـة

تبى روضة الجنه وقدمك زمهريـر = وعيد رمضان أقرب لك إمن الضحية

..................................................

أبو يد الغبيوي


ياالعازمي في تالي الوقت وش صار * * قصرت يدين وطالت ايدينن قصـار * * وأنـا بهـذا الأمـر والله محـتـار * *

ياالله على بابـك يافتـاح الأبـواب



أبنشدك عن علم(ن)ويحتاج تفسير = عن اللي شرد له في ديار(ن)خلية

ترى النار والجنة مع الشر والخير = هذا عند ربي يـا زبـون الونيـة

..................................................

حبيب العازمي

يانجد يااللي فيك ربع(ن) نشامـا * * الله يغيثك من سحاب(ن) نشى ما * * لوالنوايـا مايروحـن شـامـا * *

ياالله على بابك يافتاح الأبـواب


انا مادريت اللي سمعته خبر غير = يقولون إبه راعي غدا بالرعيـة

ابوزيد لويغزي على سالم الزير = ليا صار مرهي غلطة(ن)مطبعية

..................................................

أبو يد الغبيوي


قالوا حبيب قاطع اهل الدينمـرك * * أهل الغدر والبوق والكفر والشرك * * وحنـا عتيبـة كلبونـا نناصـرك * *

ياالله على بابك يافتـاح الأبـواب



ترى القوم في دربك تدق المسامير = وأنا أبغاك بسيوفك تضد السريـة

.....................



ثالثا / محاورة الشاعر أبوزيد الغبيوي والشاعر تركي 2000 . ( طبعا هي موال ).

وهي كتابية كالآتي :


** أبو زيد الغبيوي :

قوم ياتركي واجيب اللي تجيبه ..

وإلعب الطاروق مع عزوة عتيبه ..

والبنادم مايحوش إلا نصيبه ..

مايطير الطير ماكسور الجناح ..........


ياصفوف الملاعب يازحول الرجال

عزو الملعبه ويزين موالها

لو تلفت جنوب ولو تلفت شمال

ماتصفق يمينك غير بشمالها



*** تركي 2000 :

كل ليله أقابل عتيبه وأغني ...

وياكثر ماياصل الأجواد مني ...

وأنت يابوزيد رد العلم عني ....

مايطير الطير مكسور الجناح ..............


ياصفوف الملاعب ياقروم العيال

هكذا الوقت والدنيا على حالها

الجمال اللي تشيل الثقال

وأم ظرفين فال الله ولا فالها

........................... ................................. ...............................




تكفووووووووون ياشباب نبيها صوتية أو بالفيديو...



تحياتي ,,,,,,,,,,,,