سلطاااااااااااااااااااان مطلوب.

[مدرس العربي]

أقولها واسمع كلامي ياعمر = لي نخلة فالمخمصة يعنالها
لكن لا تبخل علينا بالثمر = واللي عقد روس الحبال يحلها
هات الخبر ياصاحبي هات الخبر = وين الجمال الشرد ياجمالها
نضحك سوا في مجلس مابه عرب = واللي عقد روس الحبال يحلها

[سلطان ابوديه]

اركد ترا الدعوى على بطن وظهر=وكيف الدلال الصفر في فنجالها
كان ااختلف مبداك لله العجب=واللي عقد روس الحبـال يحلهـا
الضيف من وقت الظهر لين العصر=ماله ملامه والعرب في حالها
وانته وانا ياصاحبي دقن وشنب= واللي عقد روس الحبـال يحلهـا

[مدرس العربي]

لا هنت ياسلطان
وبيض الله وجهك

ولعل الفرص تجمعنا
في قادم الأيام...


تحياااااااااااااااااااااااتي..

[سلطان ابوديه]

ابرك الحزات طال عمرك

والشرف لي في مجارات شاعر بحجمك

لاهنت ولاشنت

[مدرس العربي]

تعــــــــــــــــــــــــــــــــــــــــديل

لكن لاتبخل علينا بالثمر = واللي عقد روس الحبال يحلها

هذا البيت يختلف عن القافية المطلوبة ولذا تم تعديله إلى :

أقولها واسمع كلامي ياعمر = لي نخلة فالمخمصة يعنالها
ياطيبها لااحتجتها عند الطلب = واللي عقد روس الحبال يحلها

[حبيب]

صح السنتكم يامحلف ولاهنتوااااااا