سالفه نادره عن الملك عبدالعزيز

[راكان اليامي]

جبتلكم هالسالفه النادره اللي اضحكت الملك عبدالعزيز الله يرحمه من كبار عايلتنا الله يطول بعمره ويحفظه ،
وما اعتقد انها ذكرت بكتاب او غيره وما يعرفها الا الحضوراللي كانوا بمجلس الملك

وبالمجلس كانوا أغلب الموجودين يقصدون بالملك ويمدحون فيه عن شجاعته وكرمه وكان الملك يعطيهم اكراميه
وللملك بهذاك الوقت شخص ماسك بيت المال على مااعتقد اسمه ابن خثيله ، يوزع الشرهات

ومن بين الحضور واحد حضري يشوف هالعالم تقصد وتاخذ فلوس لمدة اسبوع وهذي حالتهم ،
انهبل قال بنفسه :انا وش محرمني وراي ما اقصد مثل هالرجال ؟؟؟

اليوم اللي بعده بوسط المجلس قال الحضري: يا ملكنا أنا عندي ابويتات ابقولها

الموجودين مستغربين و يتلفتون على بعض ناقدين عليه : هذا فلان وش عنده !!!
والملك كان بجنبه ابن خثيله والحضري كان منقهر من ابن خثيله من كثر مايوزع على خلق الله وهو ماحصله شي

رد الملك: تفضل هات اللي عندك يا فلان سمعنا

الحضري يقصد:


يا عبدالعزيز يا عيـن شاهنتا=تصيد الحبارى وتاكل ثندوتا
وابن خثيــله يــاكـل فضلـتـا= ======


وضحكوا كل الحاضرين ، وابن خثيله ضحك عليه وتقبلها برحابة صدر من طيبة نفوسهم أول

قال الملك : ابن خثيله عطه اللي يبي

ومابقى احد من الحضور الا وعطاه

منقول

[ابومحمد الشامري]

هههههههههههههه الله يسلط على ابليس الحضري

لاهنت يا ابو سالم على السالفة الطريفة ورحم الله الملك عبد العزيز.

[عبدالله آل عامر]

تسلم ياراكان..... وصحت يمينك على ذكر السالفة النادرة

تحياتي لك؛؛؛؛؛؛؛؛؛؛؛؛؛؛

[ابوراشد]

هههههههه والله انه جا من اقصاه الحضري

تسلم ياراكان على السالفه الطيبه

[ابونايف الوعيلي]

هههههههههههههههه الحضري وش دراها ربي حطه بين ذا البدو ههههه

[سعود الخويطري]

هههههههههههههههههههههه



نعنبو لايم الحضري يوم يقصد



ولاهنت يـ ابو سالم على السالفة الطريفة



والله يررحم الملك عبد العزيز ويسكنه الجنه ,,,

[عاشق العليا]

مشكور ياراكان على الطرفه

[بطاح]

مشكوور يا راكان على نقل القصة النادرة

ماني بلايم ذا الحضري انفقعت كبدة

[عبدالله العريمان]

هههههههههههههههه


لاهنت يا ابوسالم علي النقل

[عـسـاه خـيـر]

الله لا ايهينك يا راكان على هذه القصه الرائعه.