الدعم الفني عن بعد

[ابن عامر]

السلام عليكم ورحمة الله وبركاته

أي شخص فينا قد تعرض لمثل هذي المواقف إنه يجلس ويا رفيقه على المسنجر او التلفون ويافلان شلون أحل هالمشكلة أو شلون أتعلم البرنامج الفلاني

طيب كل هذا مافي مشكلة ويستاهل الرفيق بس لو كان الرفيق مايدري وين مسدح راسه

يعني تخيل يوصف لك مشكلة وهي بوادي وهو بوادي


في الشركات الكبيرة والمؤسسات الهيلب دسك يكون عندهم قدرة على الريموت دسكتوب

يعني كلمته يقول لك كم رقم الايبي حقك وبعدها يقول شوي وادخل على جهازك وبعدها بثواني تجيك رسالة فلان يريد عمل اتصال بعيد هل تقبل أو لأ

وتشوف كل شئ قدامك وهو يشوف المشكلة ويحلها


وعشان الريموت دسكتوب معقد من خلال النت جبت لكم برنامج تيم فيوير وخليته لكم بورت أبل يعني مو لازم تثبتونه على طوول يشتغل مو ناقصين دوشة

المهم هو فيه برنامجين الأول الفيوير وهو برنامج يقوم الشخص اللي يطلب الدعم الفني بتشغليه من جهازه


طبعا مثل ما أنتوا شايفين فيه الـ ID والـ password

طبعا الـ ID يختلف انا الباسورد فخليتها ثابته وهي موجودة معي ولا يقدر الداعم يدخل على الجهاز إلا بالباسوورد والـ ID

طبعا أنا حاضر اللي يبيها يدز لي رسالة بالخاص وادزها له ( ما أحب تكون علنية







وهذا رابطه هنآ


المهم والبرنامج الثاني وهو أيضا بورت أبل وهو يركب عند الدعم الفني وماعليه إلا انه يأخذ الـ ID من اللي يريد الدعم والباسوورد وينتظر الموافقة من طالب الدعم بالدخول وعلى يدخل ويحل المشكلة او يعلمه على أي برنامج مثل الفوتوشوب أو الفلاش






تكتب الـ ID وبعدها تضغط على كونكت وبعدها بيطلب منك الباسوورد

ثم تدخل على الجهاز بعد إذن طالب الدعم

وهذا رابطه هنآ

طبعا لازم كل الاثنين عندهم نت لأنه هالبرنامج عن طريق الانترنت ويفضل يكون سريع لأفضل نتيجة



وعليكم بالعافية

[EmpeRoR]

يعطيك العافية ياخوي وجزاك الله خير..
ماقصرت.

[MSK]

ابن عامر
شرح واضح لهذا البرنامج الرائع..}~
مجهود جميل يستحق الثناء..}~
تقديري لكَ..}~

[القرناسة]

قواك الله

طيب الدعم الفني عروبي مثلناا ^_~


وتسلم على جهودك :>

[ابن عامر]

الامبراطوور

ويجزاك خير ويعافيك

تسلم وشاكر لك مرورك الطيب

[ابن عامر]

MSK

العفو وشاكر لك اطلالتش الجميلة

احترامي

[ابن عامر]

القرناسة

الله يقويش

مافهمت وش تقصدين بس الدعم الفني قد يكون أي واحد

مثلا اميرة الاحساس تبي حاجة في الفوتوشوب ولا عرفت تسويها انتي تاخذين البرنامج الثاني وهي الاول

وتدخلين على جهازها وتتحكمين في الفارة وتخلينها تشوف وشلون تسويها

وتسلمين على مرورش

[مسفر مبارك]

برنامج جميل ودعم جميل .
تسلم يبن عامر ولا هنت على جهدك ياغالـي ....!
: