((للــشــعــر رأي آخــر..))

[خلاوي الشمالي]

تِدْرٍيْ عِيُوْنِيْ بِغْيَابِكْ مَآ هِيْ مِرْتَآحَهْ !
تِبْكِيْ عَلَىْ فِرَآقْ ( طِيْفِكْ ) وٍانْتْ ذَآبِحْنِيْ ~

[خلاوي الشمالي]

يا دمعة الشوق لو طحتي من عيوني
يكفيك :- طحتي على واحد .. تحبّينه !

[خلاوي الشمالي]

( اللِّيل والأحزان والدمع والـ Note ) ؟
..............كل يوم نبكي قلب في البُعد أسرف :-

( تعبت ) أنادي بس ما فادني الصُّوت
..............الطير طار وفي سما ( الغير ) رفرف !

( أحتاجك ) وتعبان من كثر السكوت
..............وحزني ( تمرَّد ) في الغياب , وتعجرف

من قال بـ غيابك مضيِّفني الموت ؟
..............مامتِّ بَعدك بس ( لوميِّت أشرف ) !

[خلاوي الشمالي]

دار شهرين من المفارق جعل فرقانا .. تزول ،
.......... ياللي ما بين البشر ، شخص بـ غلاك أنساق له

وإنت تدري ما تركتك إلا ما عندي حلول ..
........... وكم سألني عاذل ٍ : درب الهجر .. متثاقـله ؟

جيت أجاوب ، حلّ صمتي وإبتدى قلبي يقول :

مشتاق له
مشتاق له
مشتاق له
مشتاق له

[خلاوي الشمالي]

ياما تعدّاني العمِرْ والهَمّ في صَدْري عتيق
حتى غدا مثل الخوي يرتاح لي وارتاح له


في نظْرَةْ عْيوني بدا يَرْسِم نهايات الطريق
دام السـعـاده راحـله حـتى حـيـاتي راحـله

ساري لو انّ الدَرْب ما غيره سوى دَرْب المضيق
تارِك ورا ظهري هوا أهل الخليج وْساحله


وان مَرّ في سمعي العِشِق من وَقْعَة الكلمَه أضيق
يا لين ما تْضيق الحنايا يا الضلوع الناحله

باسبابه اللى بْلا سبب خان الموَدّه والعشيق
ما ساح له عَهْد الوفا يا غير دمعي ساح له


يوم انّهْ تْعالى على سَذَاجَة القلب الرقيق
شاف الفشَل، لو صابني مَرّه غَلَطْ، نجاح له

واستبشَرْ بْضِيقي وقلبي قَبْل ما إنّه يفيق
سـقـى لـيـالـيـه الـرخـا يـوم الليالي ماحـله

طَبْع الزَهَر يهدي النّحل من دَمّه الصافي رحيق
ما قِدْ سأل ذا النَحْـل كيف تْصَرَّفْ بْمَناحلِه


وانا على طَبْع الزهر تلقاه يا ذاك الرفيق
لـكـنّ لا تَـرْجَـع لأنّـه خَـلِّـصَـتْ مَـرَاحـلِـه

حتى لو انّي مِخْتِلِفْ ما أنتمي لايّة فريق
عـَدّيـتـها من بينهم وانا عَ ظَهْر الراحله

ما هَمّ لوْ الساحه غدَتْ عَثْرَه وْدِخّان وْحريق
والشِّعْر له (صعالِكِه) والشِّعْر له (فَطَاحلِه)


شاعِر أحِبّ آغوص في غِزْر البَحَر وابقى غريق
وْلا أجَـدِّف سـاعـدي فـوق المياه الضاحله

وان مَرّ سِأْلوني تِبَى يِرْجَعْ عشيقك يا عشيق
باقـولها ما ابى عِشِق أبى خويّ أرتاح له

[خلاوي الشمالي]

مثلك انا حالتي ... لو مر ليل ونهار :
جالس ودمعي يترجمني بدفتر شعر

الحزن فينا قدر ماهو طلب و اختيار
يرسم ملامح تفاصيل الحياه بهجر

والوجد فارض على قلبي وقلبك حصار
اكذب عليك وعلى نفسي واقول : الصبر

حتى انت مثلي تعبت الشوق والانتظار
حنا سوآ بالتعاسه .. فرقنا بالعمر

عايض الوقدان

[نيَـة فراق ..!]

أبطيت !

عسا المانع خير ؟!

[خلاوي الشمالي]

انا أنكسرت وخاطري صار مجروح
..................... وانا اللي اجبر خاطرك فـ/ أنكسـارك !

الصبر ؟ وين الصبر يا نزعة الروح
..................... وانت أنتصارك ما يــرد ( أعتبارك ) :-

خلاص يكفي روّح البـاب مفتـوح
..................... بعد المفـآرق مـآ يفيـد اعتـذارك !

[خلاوي الشمالي]

المشاركة الأصلية كتبت بواسطة نيَـة فراق ..!

أبطيت !

عسا المانع خير ؟!

كذا الدنيا..

اشكر متابعتش ومروورش..

[خلاوي الشمالي]

وما يصغّر في نظر عيني .. الكون العريض
مثل نظرات الرفيق .. البخيص الناقده .!!

.،.

وما يقدّر قيمة العافيـه ... ألا المريـض
وما يقدّر قيمة الغالي ... ألا : فاقـده .!!